CNIko buru Paz Esteban kargugabetu du Espainiako Gobernuak
Iragan astetik kargugabetzea iragarrita zuten hainbat hedabidek. Pegasus espioitza kasuak sortutako alarma eta krisia itxi nahian hartu du erabakia gobernuak, baina ikusteko dago lortuko duen, galdera askok erantzunik gabe jarraitzen baitute.
El País egunkariak eman du berria. Astearteko Espainiako Ministroen Kontseiluak Paz Esteban zerbitzu sekretuen burua kargugabetzea erabaki du. 2019tik zegoen karguan Esteban, eta lehenbiziko emakumea izan da CNIko buru izaten. Iragan astetik hainbat komunikabidek segurutzat jotzen zuten kargugabetzea.
Krisia ez da itxi
Citizen Lab ikerketa zentroak Katalunia eta Euskal Herriko independentismoari loturiko 65 pertsonaren telefonoak Pegasus softwarearekin espiatuak izan direla jakinarazi zuenean krisi politiko sakona ireki zen estatuan. Estebanen kargugabetzearekin krisia ixten saiatu da gobernua, baina zaila dirudi neurri horrekin soilik lortuko duenik.
Esteban kargugabetu dute, baina ez Margarita Robles Espainiako Defentsa ministroa. Robles CNIren arduradun politikoa ere bada, eta krisiari sua erantsi dio bere adierazpenekin, independentisten aurka eginez eta espioitza justifikatuz. Kataluniako independentismoak Roblesen burua eskatu du hainbat alditan, baita Espainiako Gobernuan PSOErekin koalizioan gobernatzen duen Podemosek ere. Krisiak PSOEren barneko tentsioak utzi ditu agerian ere, Pedro Sánchez presidentearen taldearen eta Roblesen aldekoen artean.
Bestalde, espioitza ezagutu zenetik sortu diren galdera gehienak erantzunik gabe jarraitzen dute. Estebanek berak 28 edo 29 (hedabidearen arabera) pertsona zelatatzeko Espainiako Epaitegi Gorenak CNIri emandako baimenak erakutsi zizkien talde politikoen ordezkariei Kongresuko sekretu ofizialen batzordean iragan ostiralean. Ez zuen informaziorik eman Citizen Labek jakinarazitako beste kasuen inguruan (momentuz 65, baina zenbait hedabidek zabaldu dute elkarteak 150 pertsonako zerrenda bat argitaratuko duela berandu gabe). Ez zuen azaldu ere nork eskatu zuen independentistak zelatatzea. Krisiaren erdian, Espainiako Gobernuak prentsaurrekoan iragarri zuen Pedro Sánchez eta Margarita Roblesen sakelekoak ere zelatatuak izan direla Pegasus programarekin –independentismoak arreta desbideratzeko "ke gortina" bezala salatu zuen jakinarazpena–, eta gerora filtratu da Grande Marlaska Barne ministroarenarekin berdina gertatu dela. Espioitza horren balizko arduradunez ere inongo informaziorik ez du eman gobernuak.
“PPko polizia patriotikoak” Barne Ministerioaren datu-baseen bitartez, Podemoseko politikariak espiatu zituela informatu du El Paísek, horien artean Pablo Iglesias, Yolanda Díaz, Ione Belarra edo Irene Montero. Espainiako Estatu osoko autonomia erkidego... [+]
Errusiako epaileek leporatzen diote, besteak beste, Armata errusiar tanke modernoenaren ekoizlea den Uralvagonzavod enpresako dokumentu klasifikatuak gainean zeramatzala harrapatu zutela. 20 urteko zigorra jaso dezake. Baina benetako espioia ote zen? Zoritxarrez, ezetz esango... [+]
Bost emakumek kereila jarri zuten Kataluniako mugimenduetan hiru urtez infiltratutako poliziaren aurka, haien aurkako sexu abusuak egin zituela egotzita. Fiskaltzak epaileari eskatu dio ez onartzeko kereila, eta adierazi du harremanetan emakumeen "onespena" egon zela.
2015etik 2021era mugimendu antifaxista eta antierrepresiboetan infiltratutako poliziaren kasua publiko egin du El Saltok, Directarekin elkarlanean ikertu ondoren. Hamabost hilabetean hedabideek argitaratutako polizia satorren seigarren kasua da.
Espainiako presidente Pedro Sánchezen eta beste lau ministro mugikor bidez espiatzeagatik irekitako kasua itxi egin dute, Pegasus programaren jabe den Israelgo Gobernuaren eta Justiziaren "erabateko" kolaborazio faltagatik.
Artikulu honen izenburuan agertzen diren hiru izen propioak ez datoz bat horrela deitzen ziren pertsonen errealitatearekin. Marc Hernàndez Pons, Dani Hernàndez Pons eta Ramón Martínez Hernàndez ziren Barne Ministerioak Polizia Nazionaleko hiru... [+]
Espainiako barne-ministro Fernando Grande-Marlaskak adierazi du infiltrazioekin lotutako informazioa espediente sekretu batean dagoela bilduta. Polizia horiek inteligentzia agente gisa definitu ditu, "ordenaren eta segurtasun publikoaren" intereseko informazioa... [+]
EHUko Errektoretzak komunikatu batean "ahalik eta irmotasunik handienarekin" gaitzetsi du unibertsitate-zentroko langileen ustezko espioitza kasua. Infolibrek ezagutarazi zuen Kitchen kasuaren barruan, EHUko langile bati buruzko informazioa pasa ziola unibertsitateko... [+]
Madrilgo La Animosa zentro sozialean eta mugimendu ekologistetan hartu du parte poliziak. Azken hilabeteetan argitaratu duten infiltratutako polizien laugarren kasua da.
Martxoaren 2an eman zen argitara Espainiako Poliziak Mari Jose Beaumont zelatatu zuela 2015ean. Nafarroako Gobernuko Lehendakaritza, Funtzio Publiko, Barne eta Justizia kontseilaria zen orduan, Uxue Barkosen gobernuan. Berrian eta Naizen adierazi du auzian aurkeztea pentsatzen... [+]
Espainiako enegarren ustelkeria auzia –Kitchen auzia deiturikoa– hari luzea uzten ari da bestelako kontuetan ere. Espainiako Barne ministerioak arerio politikoak nola jazartzen eta zelatatzen zituen agerian geratu da epaiketara aurkeztutako dokumentazioarekin... [+]
Espainiako Poliziak Mari Jose Beaumont zelatatu zuen 2015ean Uxue Barkos lehendakariak Nafarroako Gobernuko Lehendakaritza, Funtzio Publikoa, Barne eta Justizia kontseilaria izendatu zuenean.
Ser kateak jaso duen abuztuko dokumentu batean, Espainiako Barne Ministerioak "zilegi eta beharrezko" ikusten du polizia agenteak infiltratzea mugimendu sozialetan, "independentismoaren arriskuak geldiarazteko".
Harreman sexu-afektiboak bilatu zituen zenbait andrerekin Espainiako polizia infiltratu batek Katalunian, besteak beste, inguru militanteetara sarbidea errazteko, Directa hedabideak jakitera eman duenez. Horietako bostek salaketa jarri dute epaitegian; sexu abusuak, osotasun... [+]