Clara Montero izango da Tabakalerako kultur zuzendari berria Ane Rodriguezen ordez
Clara Montero izango da Ane Rodriguezen ordezkoa Tabakalerako kultur zuzendaritzan. Eusko Jaurlaritzako Kultura sustatzeko zuzendaria izan zen aurretik, baita Bilboko Alondegiko programazio kulturalaren arduraduna ere.
Beste 84 hautagai ere aurkeztu ziren Ane Rodriguezek utzitako hutsunea betetzeko. “Arte garaikideko eta ikus-entzunezkoetako proiektuen diseinuan, estrategian eta exekuzioan ibilbide sendoa dauka”, azaldu du Tabakalerak izendapenaren berri emateko zabaldu duen prentsa oharrean.
Kultur zuzendari berriak orpoz orpo lan egingo du Oier Etxeberriarekin (Arte Garaikideko alorraren zuzendaria), Victor Iriarterekin (zinema) eta Arantza Mariskalekin (Ubik, duela 130 egunetik itxita dagoen sorkuntza liburutegia).
Ane Rodriguezek 2012tik bete dituen zereginen aldean, desberdina izango da Monterorena. Izan ere, 2018an erakunde publikoek Edurne Ormazabal Tabakalerako zuzendari nagusi izendatu zutenetik, kultura garaikideko gunearen norabidea aldatzen hasi zen. Horren erakusgarri da urtarrilean onartutako plan estrategiko berria: dokumentu horretako ildoak zehaztea eta exekutatzea izango du betebehar nagusia kultur zuzendari berriak.
Norabide aldaketa hori burutzeko, aurretik Tabakalerarekin harremana izan zuen norbait aukeratu dute: Jaurlaritzako kultura sustapenerako zuzendari gisa erakundearen administrazio kontseiluan egon zen eta 2008tik 2011ra bitartean, artean garapen fasean zen tabako fabrikako jardueren koordinatzailea ere izan zen, Joxean Muñozek –egun Jaurlaritzako Kultura sailburuordea– proiektua gidatu zuen garaian.
Donostiako Kultura Garaikidearen Nazioarteko Zentroan dituen 6.300 metro koadroak erabiliko ditu Kutxa Fundazioak espazio berriarentzat eta 15 milioi euroko aurrekontua du proiektuarentzat. 2026ko udazkenean ireki asmo dute Atenea, eta hori baino lehen itxiko dute Miramongo... [+]
Azaroaren 30etik abenduaren 3ra egingo dute kultura feministaren jaialdiko aurtengo edizioa, Donostiako Tabakaleran. Ahoa narras lelopean, egitarau oparoa antolatu dute: hitzaldiak, performanceak, mahai-inguruak, ibilaldiak eta beste eskainiko dituzte 25 bat artista, pentsalari... [+]
Hemezortzi egileren lanak biltzen ditu Emma Kunzen unibertsoa. Bide-urratzaile bat arte garaikidearekin elkarrizketan erakusketak. Emma Kunz (1892-1963) ikertzaile eta sendalari suitzarrak pendulua erabiliz egindako tamaina handiko irudiek dute zentraltasuna, eta artista... [+]
Iaz Donostiako Zinemaldiaren azken edizioan lehen aldiz Sail Ofizialean lehiatu ostean, Euskal Herrira itzuliko da aurten Claire Simon zinema zuzendaria. Tabakaleran haren filmografia osoa proiektatuko dute apirilaren 7tik aurrera eta maiatzaren 28an, Récreations filmaren... [+]
Sismika leloa hautatu dute aurtengoan Plazandreok antolatzaileek, eta 30 artista, aktibista eta pentsalari baino gehiago egongo dira hitzaldi eta ekitaldietan.
Beñat Achiary, Bartzelonara bidean zen Artze anaiekin, ikuskizuna eskaintzera, txalaparta eta ahots inprobisazioa abangoardia ziren garaian –eta ez soilik ekitaldietarako betekizuna–. Auto motela, errepide luzea, aulkia erdi etzana, eguzkia kopetan, eta... [+]
Beñat Achiary, Bartzelonara bidean zen Artze anaiekin, ikuskizuna eskaintzera, txalaparta eta ahots inprobisazioa abangoardia ziren garaian –eta ez soilik ekitaldietarako betekizuna–. Auto motela, errepide luzea, aulkia erdi etzana, eguzkia kopetan, eta... [+]
Izenburu horren pean hasi zen 2018an Tabakalerako zinema ziklo feminista. Gaur egun, Artiumekin elkarlanean antolatzen da, eta hilean behin eskaintzen diren filmek eta hauei buruzko hitzaurreek osatzen dute. Kanonetik kanpo gelditu diren emakume zuzendarien pelikulak ezagutzera... [+]
Uda garaiko egun bero horietako bat da, Kontxako hondartza jendez lepo dago, eta egunero bezala, aldiro, megafonia pizten da. Megafoniatik entzuten diren hasierako hiru tonuen ondoren, ohiko ahotsaren eta mezu programatuen ordez, guztiz ezezaguna egiten zaigun ahots bat entzuten... [+]
Badira erakusketa madarikatuak. Horietako bat izan zitekeen Nestor Basterretxeari Donostiako Tabakaleran dagoen Kutxa Kultur Artegunea aretoan eskaintzen zaiona, inauguratu eta handik astebetera itxi behar izan baitzituen ateak. Ekainaren hasieratik urrira bitartean baina,... [+]
Maider Oleaga, Leire San Martin eta Maider Fernandez Iriarteren arteko solasaldi digitala antolatu du Tabakalerak ostiral honetan. Bakoitzak film baten pasartea aukeratuz, 19:00etan abiatuko da erreferente zinematografikoak ardatz izango dituen saioa eta streaming bidez jarraitu... [+]
Kulturan lan egiten dutenentzat ere greba eguna izan da osteguna. Donostian ikusi, entzun eta sentipentsatutako gauzen bilduma da ondorengoa.
Filipa César artista eta zinemagile portugaldarra da. Egun baina, Berlin eta Ginea Bissau artean bizi da, azken herrialde honetako historian ari baita lanean 2011 urtea geroztik, Ginea Bissauko zinema artxibo militantea bere ikerketaren zutabe bilakatu zuenetik... [+]