“Gonzálezek mertzenario talde bat sortzea adostu du, ETA legez kanpo borrokatzeko”
AEBetako CIA Inteligentzia Agentziaren 1984ko hainbat dokumentu desklasifikatu dira eta bertan jasotzen dute "Felipe Gonzalezk adostu zuela mertzenario talde bat sortzea", ETAko liderrak legez kanpo hiltzeko.
CIAren (AEBetako Inteligentzia Agentzia Zentralaren) dokumentu batzuk desklasifikatu berri dituzte eta hauetan 1980ko hamarkadako gerra zikina ikertu zuten. Desklasifikatu berri diren dokumentu horietako bat da Euskal terrorismoa eta gobernuaren erantzuna txostena, 1984ko azarokoa, hemen irakurgai.
La Razón egunkariak CIAren beste dokumentu desklasifikatu baten berri eman du. 1984ko urtarrileko txostena da hau eta zera irakur omen daiteke bertan: "Espainiako Gobernuak erabakia du ETArekiko estrategia ez oso ortodoxo bat erabiltzea". Zentsuratutako esaldi baten ostean jarraitzen du: "Gonzalezek mertzenario talde bat osatzea adostu du, ejertzitoak kontrolatutakoa, terroristei legez kanpo borroka egiteko". Zentsuratutako beste esaldi baten ostean, txostenak esaten omen du "mertzenarioek ez dute zertan espainiarrak izan behar eta beren misioa ETAk Espainian eta Frantzian dituen liderrak erailtzea da. GAL izeneko erakundea Gobernuak kontuan hartu dituen eskuadroien antzekoa da, izatez Frantzia hegoaldean sortu dena. GALek ETA-Mko bi aktibista ezagun erail ditu Frantzia hegoaldean eta Espainiako negozio gizon bat bahitu du Hendaian, honek terroristekin kolaboratzen zuela uste baitute".
Datorren igandean, urriaren 15ean, beteko dira 40 urte GALek Joxean Lasa eta Joxi Zabala Baionan bahitu zituela. Guardia zibilek torturatu eta hil ondoren, oraindik ez dituzte terrorismoaren biktimatzat hartu.
1993an Barne Ministro ere izendatu zuten Juan Alberto Belloch ordura arteko Justizia Ministroa zena. Orduan Guardia Zibilaren buruzagia deitu zuela esaten du El Periódico de Aragón-en egindako elkarrizketan, eta agindu zuela “sarera ihes egitea” bukatu... [+]
Juan Alberto Belloch Espainiako Barne eta Justizia ministroa izan zen Felipe Gonzálezen agintaldiko azken urteetan. Elkarrizketa batean adierazi du Galindo "onena" zela "terrorismoaren aurkako borrokan", eta bere ideia izan zela Guardia Zibilaren... [+]
Prentsaurrekoa egin berri du Espainiako eta Frantziako Estatuen indarkeriaren biktimak biltzen dituen Egiari Zor fundazioak. GALek hildako Santi Brouarden alaba Edurne Brouardek eta Xabier Galdeanoren alaba Begoña Galdeanok egin dituzte adierazpenak. Espainiako Gobernuak... [+]
Espainiako Gobernuak gerra zikina egin zuela aitortu du José Barrionuevok, Felipe Gonzálezen PSOEren gobernuan Barne ministro izan zenak (1982-1988), El País egunkariari emandako elkarrizketa batean. Zenbait agintarik eta elkartek larritzat jo dute... [+]
Urriaren 16an 39 urte bete dira GALek bi gazte tolosarrak Baionan bahitu zituenetik. Foro Sozial Iraunkorrak gogorarazi du erreparaziorako urratsak eman behar direla; hala nola Espainiako Gobernuak gerra zikina aitortzea eta berdin babestea ETAren zein Espainiako Estatuaren... [+]
Xanti Zapirain Elizalde “Kaiku” hil dela jakinarazi du Antxeta Irratiak asteazken honetan. Altzan (Gipuzkoa) jaioa 1953an, 20 urte zituela Hendaiara (Lapurdi) ihes egin zuen Frankismoaren jazarpen politikotik ihesi eta errefuxiatu-bizitzaren alderik garratzenak... [+]
Javier Chicote eta Juan Fernández-Miranda kazetariek El jefe de los espías (Espioien burua) liburua argitaratu berri dute. ABC espainiar egunkariko kazetariak dira biak, lehena ikerketa taldekoa eta bigarrena ABCko zuzendariaren albokoa. Hamalau urtez Espainiako... [+]
Maixabel Lasa elkarrizketatu ondoren bururatu zitzaion Álex Romaguera kazetariari Espainiako Estatuko ekintza armatuen inguruko liburu bat idaztea. Hamarkada bat geroago kaleratu du Victimes en so de pau (Biktimak bake asmoz). Katalunian errepresioaren ikurra den La Model... [+]
Nafarroako Hezkuntza Departamenduak inkesta bat egin du gazteek talde armatuei buruz dakitena neurtzeko. Galdekatutakoen %38k ez daki ETA zer den.
GALek hildako Joxi Zabalaren arreba Pili Zabalak eta ETAk hildako Juan Mari Jauregiren alaba Maria Jauregik manifestua aurkeztu dute ostiral honetan Madrilen, Espainiako Gobernuari eskatuz, GALen jarduera dela eta, “bere erantzukizuna eta eragindako mina onar... [+]
Espainiako Gobernuak gerra zikinari lotutako atentatuei buruzko datu zehatzak ematea saihestu du behin eta berriz. Eusko Jaurlaritzaren aurretiazko txostenen arabera, kasuen % 37 gutxienez biktimentzat inolako erantzun formalik gabe itxi ziren.
PSE-EEko hautagaiak adierazi duenez, ez da beharrezkoa Felipe González presidente ohiak gerra zikinean izan zuen papera argitzea.
“Ikertuta eta epaituta” omen dagoela aitzakiatzat hartuta, PSOEk eta PPk bat egin dute GAL erakundea eta Felipe González ikertzea blokeatzeko.
Unidas Podemoseko bozeramailearen arabera, koalizioak ezezko botoa emango dio estatu terrorismoari buruzko ikerketa batzordeari. Horrek EAEko Podemosen kontrako erreakzioa eragin du.