Chivitek erizainen lan eskaintza publikoan euskara ez balioestea defendatu du
Euskararen dekretua onartuta ez egotearen ondorioa dela dio Nafarroako lehendakariak. Geroa Baik, EH Bilduk, Ahal Duguk eta Ezkerrak euskararen ezagutzari ematen zaion balioa berrikustea eskatu dute parlamentuan. 424 erizain posturako lan eskaintza publikoa (LEP) zabaldu berri du Nafarroako Gobernuak.
Euskararen ezagutza aintzat ez hartzeak –eta, aldiz, ingelesa, alemana edo frantsesa bai– haserrea piztu du Nafarroan, eta Nafarroako Gobernuko presidente María Chivitek adierazpenak egin ditu zergatia azaltzeko: “Euskararen dekretuarekin du ikustekoa, eta oraintxe bertan barne tramitazioko prozesuan da oraindik ere”. Aurreko legegintzaldian onartutako euskararen dekretua bertan behera dago auzitegien ebazpenen ondorioz.
Euskararen aurkako erasoa
Geroa Baik, EH Bilduk, Ahal Duguk eta Ezkerrak LEPa berrikusi dadila eskatu dute parlamentuan. EH Bilduk “erokeriatzat” jo du euskarari baliorik ez ematea, Ezkerrak “izugarrikeriatzat”. Navarra Sumak ez du arazorik ikusi deialdian.
Euskalgintzaren Kontseilua argi mintzatu da azken lan eskaintza horren aurka, baina baita oro har Nafarroako Gobernuak garatzen ari duen hizkuntza politikaren aurka ere. Gobernua hizkuntz eskubideak “behin eta berriro” ari da urratzen, Kontseiluaren ustez, deialdi honetan zein LEP gehiagotan ere. Gogoratu du 2.000 urtean hasi zela UPNren gobernua LEPetan euskarari baliorik ez ematen, eta egungo gobernuak bide berdinetik jarraitzen duela salatu du. Kontseiluaren ustez euskararen dekretu berria beharrezkoa da, baina hizkuntz eskubideak bermatzea izan beharko luke bere funtzioa, eta, aldiz, susmoa du aurrerapausoa baino gehiago “atzerapausoa” izango dela.
“Ez da posible hiri guztia zeharkatu behar izatea seme-alabak hemengo jatorriko hizkuntzan murgiltzeko” salatu dute guraso askok. Euskarazko plazak ere “oso urriak direla” salatu dute familia askoren artean eginiko bideoan.
Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.
“Ikae” edo “igae” bezala transkribitu ditu aurkituriko ikurrak Nafarroako Gobernuko Kultura Zuzendaritza Nagusiko ikertzaile taldeak. Duela 2.000 urteko "baskoierazko" idazkun bat izan daitekeela diote ikerleek, baina garai hartako hizkuntzei... [+]
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Barañaingo EH Bilduk salatu du Barañaingo Udalak haur eskoletarako hezitzaileen deialdian euskarazko eta gaztelaniazko azterketak egun eta ordu berean jarri dituela, eta hala, hautagaiak hizkuntza bat aukeratzera behartzen dituela.
Euskaltzaleen Topaguneko kideek euskara sustatzeko jarreren inguruko datu kezkagarriak hauteman dituzte. Hori dela eta, Gero eta aldeko gehiago gizartean ikerketaren bidez, herritarrak euskarara hurbiltzeko estrategia berriak landu dituzte. Horretaz mintzatu dira, apirilean,... [+]
Hezkuntzak aurreikuspena zuzendu eta onartu du institutuak Zientzia, Humanitate eta Gizarte Zientzien Batxilergoko lehen mailan bi talde izaten jarraitzea.
Barañaingo Alaitz institutuko 26 ikasle batxilergoko zerrendatik kanpo gelditu dira, Nafarroako Hezkuntza Sailak gela bat murriztu duelako. Murrizketa salatzeko mobilizazioa egin dute.
Administrazioan Euskaraz taldeak Nafarroako Kontseiluaren jardun euskarafobikoa salatu du ekintza baten bidez. Nafarroako Gobernuak euskarako dekretua prestatzen bost urte eman ondoren, Nafarroako Kontseiluari zirriborroa aurkeztu dio.
Atzo eguerdian, Mañeruko herriko plazan egindako ekitaldian, diploma bana eman zieten zortzi eta hamabi urte arteko ibarreko 45 haur euskaldunei. Horretaz gain, Oskar Alegriak umeokin ondutako film laburra estreinatu zuten.