Cerberus funts putrea jabetu da etxekaleratze agindua jaso duen Irungo adineko bikotearen etxebizitzaz
Urtarrilaren 24an beren bizilekutik alde egin behar zutela jakinarazi zion bikotekideari Sabadell bankuarentzat lan egiten duen Solvia higiezinen-agentziak. Etxearen jabetza, baina, Cerberus funts putrearen Promontoria Coliseum filialaren jabetzakoa izatera pasa da, Sabadellek hari saldu baitio etxea.
Urtarrilaren hasieretan jakin genuen Irungo 75 eta 78 urteko bikote bat etxe kaleratze arriskuan zegoela, Stop Kaleratzeak Gipuzkoak plataformak egindako salaketaren bitartez. Angel Miguel Medranok eta Maria Oliva Corvok osorik ordaindutako beren etxebizitza jarri zuten semeak bankuari eskatutako maileguaren abal gisa. Semeak Sabadell bankuan eskatu zuen mailegua gurasoen enpresaren ardura hartu ondotik, baina negozioak ez zuen aurrera egin eta etxebizitzarekin geratu zen bankua. Ondotik, luzapenik gabeko hiru urteko alokairu soziala sinatu zuten bi aldeek, urtarrilaren 24an amaitzen zena. Irailaren 1ean, hipoteka ordaindu ezinagatik agintzen diren hipoteka exekuzioen bitartez Sabadell bankuak eskuratzen dituen etxebizitzak kudeatzeaz arduratzen den Solvia higiezinen-agentziak bikoteari jakinarazi zion urtarrilaren 24an etxetik alde egin behar zutela; hots, etxe kaleratuak izango zirela [Irakurri hemen txekaleratzearen aurrean Angel Miguel Medranok kontatutakoak].
Azken egunetan, kasuak izan du norabide aldaketarik ordea. Ostegunean Stop Kaleratzeak, Alokairu Benta Berrik eta Inquilinos Azorak helarazitako oharrean jakinarazten denez, bikotearen etxebizitza Promontoria Coliseum-en jabetzako izatera pasa da (Cerberus funts putrearen filiala). Oharrean azaltzen denez, etxejabe berriak burofaxa helarazi die Mendrano eta Olivari, jakinaraziz egungo alokairu sozial kontratua urtebetez luzatuko diela. Kaltetutako bikoteak eta oharraren sinatzaileek “burlatzat” jo dute, defendatuz neurri hori ez dela inolaz ere nahikoa, eta jabe berriak zazpi urteko kontratu berri bat egin beharko lukeela, hiru urte gehiagoz luzatzeko aukerarekin. Oharrean ñabartzen denez, Irungo alkateak ere bat egin du irakurketa horrekin.
Stop Kaleratzeak, Alokairu Benta Berrik eta Inquilinos Azorak argi utzi du mobilizazioak egiten jarraituko dutela, harik eta hiru urteko luzapen aukera barne biltzen duen zazpi urteko alokairu kontratua sinatu arte. Bidenabar, funts putreei aurre egin beharraz ohartarazi dute.
Lau urte eta erdira arteko kartzela-zigorrak eta 25.000 eurorainoko isunak eskatzen dituzte auzipetuentzat. Duela lau urte, etxe-kaleratze bat gelditzen saiatu ziren Herrandarren kalean.
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.
Genero-indarkeriaren biktima den emakume bat eta haren bost seme-alabak, horietatik hiru hemezortzi urte beherakoak, etxetik bota nahi izan dituzte ostegunean. Erabakia aurrera eramateko baldintzarik ez zegoela argudiatuta ez dute kaleratzea burutu, baina beste data bat... [+]
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]
Ekainaren 5ean bota zituzten Desokupacyl enpresako bi matoi Sorazuletik, eta bi pertsona identifikatu zituen Poliziak. Urtarrilaren 29an deklaratu beharko du haietako batek.
Auzoko familia bat etxea galtzeko arriskuan dagoela salatu du Berriozarreko Hipotekak Kaltetuen plataformak, hipoteka 600 eurotik 1.150 eurora igo eta gero. Familiarentzako irtenbide bat eskatu du plataformak.
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Lau hilabeteko eta lau urteko bi ume dituen familia bat etxetik bota dute astelehen goizean Bilbon. AZET Etxebizitza Sindikatua azken egunotan etxegabetzea bide judizialetik geldiarazten saiatu bada ere, astelehen goizean bota ditu poliziak etxetik. Manifestazioa deitu dute... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Iruzur baten biktima izan da emakume bat, eta horren ondorioz bota nahi dute bere etxetik. Kaleratzeari aurre egitera deitu du Uribe Kostako Etxebizitza Sindikatu Sozialistak: asteartean, 09:00etan, Astrabuduako Aldaieta Bideko 7. zenbakian elkarretaratuko dira.
Berakah fundazioa “baliabiderik ez duten pertsonei laguntzeko” sortua bada ere, aurten familia bat baino gehiago kalean utzi du. Urriaren 31n izan da azken etxegabetzea, Gasteizko familia bat kaleratu dute parrokoak etxegabetze demanda firmatu ostean.