Celestino Córdova militante maputxeak 107 eguneko gose greba utzi du, Txileko Gobernuarekin akordioa lortu ostean
Txileko Justizia Ministerioak jakinarazi duenez, Inperial Berriko Kultur Arteko Ospitalean egongo da erabat berreskuratu arte. Ondoren, Hezkuntza eta Lan Zentro batera eramango dute, eta baimena izango du 30 orduko irteerak egiteko bere komunitatera.
Astearte honetan, 107 eguneko gose grebaren ostean, Celestino Córdova lider maputxeak akordio bat sinatu du Txileko Gobernuarekin, eta gose greba bertan behera uztea erabaki du. El Mostrador eta Resumen Latinoamericano hedabideek eman dute horren berri, besteak beste. Zortzi puntuko akordioa lortu du Córdovak, non espetxe zigorra betetzen duen bitartean bere jaioterrira joateko baimena ematen zaion, "asko jota 30 orduz luzatu ahal izango dena, eta osasun- eta espetxe-agintariek ezarritako baldintzak beteko dituena". Halaber, akordioak jasotzen du Córdova "Inperial Berriko Kultura Arteko Ospitalean egotea, fisikoki eta espiritualki erabat berreskuratu arte, orientabideak barne". Horretarako osasun arloko profesional ofizialen eta medikuntza maputxe tradizionalaren artean adostutako tratamentuak jasoko ditu.
Lorpen gehiago
Gose greban dauden beste 27 maputxeei dagokienez, Justizia eta Giza Eskubideen Ministerioak konpromisoa hartu du, "Jendarmeriak emandako ebazpena aintzat hartuta, greba bertan behera uzten dutenean Txileko Jendarmeriak ez diela diziplinazko zigorrik ezarriko". Jatorrizko herrietako askatasunik gabeko pertsonak Hezkuntza eta Lan Zentroetara aurkeztea erraztuko da, haiek hala eskatuz gero. Azkenik, Zigor Defentsarako Erakunde Publikoaren bidez kautelazko neurriak berrikusteko eskaera erraztuko da. Esaterako, badaezpadako espetxeratzea etxeetan betetzeko aukera emanez.
Lekukoak
Justizia Ministerioaren eta maputxeen ordezkaritzaren arteko elkarrizketetan bitartekaritza lanak egin dituzte Giza Eskubideen Institutu Nazionaleko zuzendari Sergio Micco, Mediku Elkargo presidenteorde Enrique Morales eta Nazio Batuen Giza Eskubideetarako Goi Komisarioaren bulegoko Enrique Morales. Horiez gain, Córdovaren ordezkari Cristina Romo eta Giovanna Tafilo lekuko izan dira Córdovak hautatutako lau parlamentarirekin batera: Karol Cariola (PC), Emilia Nuyado (PS), Claudia Mix (Comunes) eta Juan Ignacio Latorre (RD).
Guillermo Camus Jara izena du eta Txileko Lebuko kartzelan dago. Egoera larrian da, gose greba luzeaz gain, ostiraletik egarri grebari ere ekin baitio.
Maiatzean ekin zioten gose grebari 17 preso politikok. Haien eskubide kultural eta territorialak errespetatzea, lege antiterrorista bertan behera uztea, Lanaren Nazioarteko Erakundearen 169 hitzarmena onartzea eta preso politiko maputxeen askatasuna exijitu dituzte.
Norvegiako berriztagarrien erraldoiaren hainbat proiektuk ondoeza eragin dute maputxe eta sami herriengan. Epaileek ere ilegaltzat jo dituzte azpiegiturak, baina gobernuek ez ikusiarena egiten dute. Giza eskubideen aldeko aktibista ospetsuek ere bat egin dute protestarekin,... [+]
Wallmapuko CAM Arauco-Malleco Koordinakundeko buru da Llaitul, eta egurra lapurtzea, lurrak indarrez kentzea eta estatuaren aurkako atentatua egitea leporatzen diote. Asteazken honetan, abuztuaren 24an, atxilotu dute.
Bi zibil armatuk tiroz hil dute Elias Garay, Argentinaren mende dagoen Quemquemtreu maputxeen komunitatean. Maputxeek salatu dutenez, Poliziak hilketarekin zerikusia du.
COVID-19 dela-eta, Txileko Gobernuak presoen herena askatu du, baina 13.321 preso horien artean bat bera ere ez, preso politiko maputxerik (egun 26 dira). Lau hilabetez gose greba egin dute eta horietatik hamaseik egarri greba ere hasi dute.
Gose grebaren 100. egunean, egoeraren larritasuna ikusita, audio bat grabatuta utzi du Celestino Cordovak: "Harrotasunez emango dut bizitza Maputxe Herriaren alde”. Cordovak hasitako gose grebari beste 27 preso politiko maputxe batu zaizkio.
Wallmapun –maputxeen lurraldean, egun Argentina eta Txileko estatuetan banatuta– kolonialismoak dituen sinbolo esanguratsuenetako batzuk suntsitu dituzte maputxeek azken asteotan. Temuco eta Valdivia hirietan, Arauco eta Biobio eskualdeetan espainiar konkistatzaileen... [+]
Andi Portavoz eta Gonzalo Luanko abeslari ezagunak dira Txileko hip-hoparen esparruan. Egunotan Euskal Herrian dabiltza, kontzertuak ematen, haien borrokak ezagutarazten eta hemengoak ezagutzen. Biek dituzte sustrai maputxeak, baina identitate eta borroka maputxea eurena egitea... [+]
Andi Portavoz eta Gonzalo Luanko abeslari ezagunak dira Txileko hip-hoparen esparruan. Egunotan Euskal Herrian dabiltza, kontzertuak ematen, haien borrokak ezagutarazten eta hemengoak ezagutzen. Biek dituzte sustrai maputxeak, baina identitate eta borroka maputxea eurena egitea... [+]