Catering enpresarik gabe lan egin nahi duten eskola-jantokiak, lau urte Jaurlaritzaren zain
Eskola-jangeletako elikaduraren kalitatea kritikatu du guraso elkarte ugarik, eta gaiaz galdetu dio EH Bilduk Jokin Bildarratz Eusko Jaurlaritzako Hezkuntza sailburuari. Catering enpresen inguruko intzidentziak helarazi zaizkienean, auditoretza-kontrolak egin dituztela erantzun du Hezkuntza Sailak. EH Bildutik gogoratu dute 2019an Legebiltzarrean adosturikoa: catering enpresarik gabe jardun nahi duten eskolentzako bestelako eredu bat arautzea behingoz, baina “Hezkuntza Sailak esku-frenoa jarria du jangelen kontu honetan”.
Bizkaiko 83 guraso elkartek adierazi ostean jangela zerbitzuarekin janariari loturiko gorabeherak eta kexak izan dituztela, gaia Eusko Legebiltzarrera eraman du Ikoitz Arrese EH Bilduko Hezkuntza idazkariak. Bildarratzi galdetu dio EAEko eskola publikoetako jangeletako menua egokia dela uste duen Hezkuntza Sailak, jangeletako menuen inguruan kexarik jaso ote duten eta horiek konpontzeko zer egin duten.
Erantzuna: menuak berrikusiak eta onartuak izango direla bermatzea duela lehentasun Hezkuntza Sailak, “menu egokiak, anitzak eta bazkaltiarrentzat orekatuak” izango direla ziurtatzea, eta horretarako “Giza Nutrizioan eta Dietetikan prestakuntza egiaztatua eta espezifikoa duten pertsonak integratutako laguntza teknikoa du Hezkuntza Sailak”. Jasotako kexen inguruan, menuak catering enpresek aldez aurretik abisatu gabe aldatzearekin eta zerbitzatutako kopuruarekin lotuta egon dira eta “intzidentzia horiek konpontzeko, Sailak eskaera egin die catering-enpresei eta jarraipena egin du auditoretza-kontrolen bidez, intzidentzia horiek behar bezala konponduko direla bermatzeko”.
"Agortutako eredua da, menuen kalitatea gero eta txaragoa da, gestioa gero eta jasangaitzagoa, eta enpresen lukroa du atzean"
"Hezkuntza Sailak ez du aldaketarik egin nahi"
Afera honek guztiak errealitatea utzi du agerian, Ikoitz Arreseren esanetan: “Agortutako eredua da, menuen kalitatea gero eta txarragoa da, gestioa gero eta jasangaitzagoa, eta enpresen lukroa du atzean”. Indarrean den 2000. urteko legearen arabera, ordea, sare publikoko ikastetxeek catering-enpresekin egin behar dute lan. Duela lau urte, 2019an, Legebiltzarrean adostu zuten lege hori aldatzea eta besteak beste bi puntu inportante martxan jartzea: batetik, hala nahi duten ikastetxeek sukalde propioa izatea (berriki egin du eskaera hainbat ikastetxek); bestetik, ikastetxeek aukeratzea catering bidez funtzionatzen jarraitu nahi duten ala sukalde propioa baliatu eta bestelako eredu bat abiatu nahi duten.
Catering enpresetatik kanpo funtzionatuko duen eredua arautzea Hezkuntza Sailaren esku geratu zen, baina ez da ordutik aurrerapausorik eman, eta gaur-gaurkoz berdin jarraitzen dute eskolek, catering-enpresekin baino ezin dute lan egin. “Eta sukaldea ikastetxean bertan jartzea ofizialki eskatu duten ikastetxe batzuetan ere, obrak atzeratu besterik ez dira egiten. Ondorioztatzen duguna da Hezkuntza Sailak ez duela aldaketarik egin nahi arlo honetan”, salatu du Arresek.
Lau proiektu pilotu martxan
2016an, lau eskola publikotan proiektu pilotua jarri zuen martxan Jaurlaritzak, bestelako jangela eredu bat bultzatuz, baina lau urterako proiektua zena luzatu eta luzatu ari dela eta beraz, sare publikoan lau ikastetxe horiek eta Larrabetzuko eskola (zeinak sistematik kanpo garatu duen jangela proiektua) izan ezik, gainerako guztiek catering enpresekin jardun beharra dutela gogoratu du Arresek. Proiektu pilotuan ari diren eskoletan, “emaitzak oso positiboak dira, zero kilometroko elikagaiekin menuen kalitatea hobetu delako, gestioa parte-hartzaileagoa eta komunitarioagoa delako, eta kudeaketa erabat positibo baloratu dutelako ikastetxeek”, kontatu digu Arresek. Hori guztia aintzat hartuta, 2019an adostutakoa martxan jartzeko eskatu dio Hezkuntza Sailari, bereziki bi puntu: “Nahi duen ikastetxe orori sukaldea lehenbailehen eraikitzea, eta catering enpresa bitartez ez den bestelako eredu osagarri bat arautzea, sektoreko agenteekin inplikatuta”.
Bi ordu edo bi ordu eta erdiz haur eta gazte andana hartzen ditu jantokiaren tarteak eskoletan. Jateko, jolasteko eta elkarbizitzeko espazio horretan jantokiko arduradunak esku hartzeko dituen mugez, jarraitzen diren irizpideez, begiraleen rolaz eta duten formazioaz arituko... [+]
Catering-enpresarik gabe jardun nahi duten eskolentzat bestelako eredu bat arautzea adostu zuen Eusko Legebiltzarrak 2019an. Horren ordez, catering-enpresen bidezko zerbitzua ematera derrigortzen ditu ikastetxeak Eusko Jaurlaritzak berriki argitaratu duen aginduak. Bitartean,... [+]
Nekazariak protestan ari dira, baina eredu agroindustrialak hartu du lidergoa. "Itun Berdea" ere, Europar Batasunaren hurrengo hamarkadako estrategia nagusia zena, pikutara bota dezakete, begirik kliskatu gabe. Bitartean, euskal eskoletan zorriak eta harrak... [+]
Ikasturtean zehar enpresaren jantoki-zerbitzuak hainbat ikastetxeetan sortutako “arazoengatik” eten dute kontratua.
Herriko ikastetxe eta ikasle guztientzako bestelako jantoki eredu bat bideragarria ote litzatekeen aztertzea izango du helburu lanketak. Hernaniko ikastetxe bakoitzeko gurasoen ordezkariarekin elkarlanean egingo dute.
Arantzabela, Errekabarri eta Salburua ikastetxeek sukalde propioa nahi dute, auzoko eskoletako jangelak hornitzeko, baina hilabeteak joan hilabeteak etorri, administrazioaren erantzunik gabe jarraitzen dutela salatu dute: "Arduragabekeria eta utzikeria zantzuak sumatzen... [+]
Hernaniko ikastetxe guztietako Haur Hezkuntza zikloan eta ikastetxe bateko Lehen Hezkuntza zikloan jangelan oihalezko ahozapiak erabiltzen hasi dira, paperezkoen ordez. Udalak izan du ekimena eta berak erosi ditu 213 ikaslerentzako kotoizko zapiak herriko oihal denda batean... [+]
Aurretik beste eskola batzuetan gertatu bezala Serunion enpresa da zerbitzuaren arduraduna. Murgiako Bigarren Hezkuntzako Institutuak ohartarazi du asteartean lehen platera zerbitzatzeari utzi diotela jantokian, eta “aurrekoetan bezala” Hezkuntza Ordezkaritzari... [+]
Hernaniko Langile Ikastolako gurasoek jakinarazi dute iragan ostiralean haurretako batek har bat aurkitu duela zerbitzatutako janarian; eta Duranako Ikasbidea Ikastola zentro publikoan ere joan den asteazkenean bigarren platera erretiratu behar izan dute, ohi baino garratzagoa... [+]
Eskolako jangelan menu osasungarriak, kalitatezkoak eta jasangarriak eskaintzeko lehen urrats gisa, menu horiek ikastetxean bertan prestatu ahal izateko eskolan sukaldea eraikitzea eskatu diote EAEko hamazazpi eskola eta institutu publikok Eusko Jaurlaritzako Hezkuntza Sailari.
Eskola jantokietan haur eta gazteei eskaintzen zaien janariaren inguruan “ezin konta ahala dei, kontsulta eta kexa” jaso ostean, inkesta egin du Bizkaiko Ikasleen Guraso Elkarteak. 96 ikastetxetako guraso elkarteek erantzun dute eta jakien kalitate, kopuru eta... [+]
Nafarroa hegoaldean nekazaritza-ekoizpena eta euskara sustatzeko xedea duen Errigora ekimenean parte hartzen duten ekoizleen produktuak hamar jantoki kolektibotan baliatu dituzte ikasturte honetan. Hurrengo urteetan ere ildo horretan sakontzeko asmoa dute.
Euskal Herriko Ikasleen Gurasoen Elkarteak (EHIGE) artikulu honetan jakitera eman duenez, Eusko Jaurlaritzak EAEko ikastetxeetako jantokietarako argitaratu dituzten pleguak "caterin-enpresa handientzat pentsatutakoak dira". Alderdi pedagogikoan "ez dagoela... [+]