Castejongo Dos de Mayo ikastetxeak PAItik ateratzea eskatu du berriz ere
Iaz ere eskatu zuen, baina Nafarroako Gobernuko Hezkuntza Sailak atzera bota zion eskaera. Ikastetxeko zuzendaritzaren ustez, ingelesezko programa ez da bideragarria euren zentroan.
Zuzendaritzaren esanetan, duela bost urte hasi ziren Ingelesa Ikasteko Programarekin (PAI), eskola komunitate osoa aurka zegoela eta Hezkuntza Sailak derrigortuta. Diotenez, frogatua dute PAIko ikasleak ikasgaietako edukien ezagutza maila gutxiagorekin iristen direla 6. mailara. Programatik ateratzeko egin duten txostena ikastetxearen webgunean jarri dute ikusgai. Beren argudioak guztiz pedagogikoak direla azpimarratu dute eta erabakiaz ez egiteko irakurketa ideologiko edo politikorik.
Txostenean azaltzen denez, eskolako familien %46aren ama hizkuntza ez da gaztelania eta ikasleen %38k arabieraz sozializatzen du, 2018-19an egindako inkestaren arabera. Ikasleen %50ari eskatzen zaie haienak ez diren bi hizkuntzetan murgiltzea, gaztelaniaz eskolan eta ingelesez hala dagokien ikasgaietan, Natur Zientzietan eta Zientzia Sozialetan. Ikasle horiek zaila dute ikasketa prozesua horrela egitea, eta gainera, haien familiek aitortzen dutenez, edukiekin laguntzeko ezintasuna dute.
Adostasun handia ikastetxean
Zentroko zuzendaritzaren esanetan ez daude hizkuntzak ikastearen aurka edo murgiltze ereduen aurka, baina argi diote programa horrek zentroan ez duela emaitza onik ematen eta ez dutela nahi. Horren alde egin du eskolako klaustroaren %78k eta Eskola Kontseiluaren %100ak. Hori dela eta, ikastetxeak espero du oraingoan Hezkuntza Sailak onartu egingo duela eskaera, foru legearen arabera, eskumen hori zentroarena baita.
Iaz ere zentroak arrazoi eta adostasun ia berberekin PAItik ateratzeko eskaera egin zuen, baina Carlos Jimeno kontseilariak zuzentzen duen Hezkuntza Sailak (PSN) atzera bota zuen, forma akatsak argudiatuz: “Eskaeran ez da aipatzen programatik atera ondoren nola geldituko den langile plantilla eta ez da kontuan izan 147/2016 Foru Agindua, non zehazten den zentroak bermatu beharko duela programaren jarraipena finkatuta dagoen kurtsoetan”. Dos de Mayo-ren esanetan, biak aurkeztu zituzten. Iaz ARGIAn egindako erreportajean azaldu genituen aferaren nondik norakoak.
Gasteizko EHUko Farmazia Fakultateko irakasle batek sare sozialetan “mezu faxistak” zabaltzen dituela salatu du Ikama ikasle taldeak. Joan den irailean, EHUk Leioako Campuseko irakasle bat kanporatu zuen sare sozialetan zabaltzen zituen mezuengatik.
Iruñerriko IAk azaldu duenez, irakasle horrek ikasleak sexualizatu eta bortxaketak justifikatu zituen. Aurreko ostiralean eserialdi bat egin zuten eta sinadura bilketa bat izan dute martxan, irakaslea botatzeko.
Hezkuntza Sailak ez ei du ulertzen publikoko langileak zergatik joan garen grebara. LAB sindikatuari galdetzea dauka. Sindikatu horrek akordioa sinatu zuen sailarekin, 2023ko apirilean. Urte bi geroago grebara deitu dute haiek ere, aurrekoetan ez bezala, Hezkuntza Sailak... [+]
Haur Hezkuntzatik hasi eta Derrigorrezko Bigarren Hezkuntza amaieraraino, ikastetxeetan mugikorra debekatzea du helburu Kataluniako Generalitateko Hezkuntza kontseilariak. 6 urtera arteko haurren ikasgeletan material teknologikorik ez egotea eta eskolen digitalizazioa aztertzea... [+]
Erretiratu berri den lankide-ohi baten omenez, Historiako irakaslea. Bejondeizula!
Hezkuntza-legeek azpimarratzen dute zein garrantzitsua den ikasleengan pentsamendu kritikoa sustatzea. Baina irakasle-klaustroak, garai batean ideien eztabaidarako eta proposamenak... [+]
Eskola segregatua izan da Gasteizko Judimendi ikastetxe publikoa, hiri guztiko ikasleak hartu ditu, jatorri atzerritarreko familien seme-alabak. Baina A hizkuntza eredutik D eredura igarotzeaz gain, auzoak eskola bere sentitzeko eta auzoko familiak erakartzeko egindako... [+]
.jpg)
Ikasturtea hasi denetik hirugarren greba eguna izan da ostegunekoa Nafarroako Hezkuntza Publikoan eta goizeko mobilizazioen ondoren, LAB, Steilas, ELA eta CCOO –protestaren deitzaileak– pozik agertu dira. Euri jasak eta hotzak lagundu ditu etengabe irakasleak... [+]
Bizieskola ekimenaren bitartez Gasteizko Eraman kooperatiba ikastetxeetako umeak trebatzen hasi da ikasturte honetan, hirian bizikletaz segurtasunez eta modu independentean ibiltzeko. Gasteizko Udalarekin batera parte hartzen du ekimenean, eta kooperatibako kideek ikastetxeetako... [+]
Gure bizitzetan pantailen inbasioa azkartu da azken urteotan. Euskal Herrian, alde batetik, “pantailak euskaraz” nahi ditugula diogu ikus-entzunezkoen eskaintza handitzeko, eta bestetik, antolatzen gara eskoletan askotariko pantailek irabazi dituzten eremuak... [+]
Greba ataritan jaso nuen zuen e-maila, posta pertsonalean. Hasieran, beste askok bezala, grebaren aurrean ze aukera ditugun jakinarazteko zela pentsatu nuen. Baina ez, grebaren aurkako mugimendu politiko eta komunikatiboa zen jasotako e-maila.
Aitortuko dizuet ahozabalik utzi... [+]
Euskarazko murgiltze eredua eta eredu elebiduna duten ikastetxeak gutxiengo izatetik gehiengo izatera pasa dira Ipar Euskal Herrian hogei urteotan, Euskararen Erakunde Publikoaren azterketak erakutsi duenez.
Kirol klub batean aritu nahi duen haurrak ez duela zertan Eskola Kirola egin dioen epaiari helegitea jarriko dio orain Gipuzkoako Diputazioak. Umeak nahi duen kirola aukeratzeko askatasuna batetik, helburu hezitzaile eta integratzaileak bultzatzen dituen eredua bestetik,... [+]
Sistema duala abian da ikasturte honetan Hego Euskal Herriko Lanbide Heziketan, eta eredugarri saldu duten arren, arazotsua izaten ari da hainbat zentrotan: ikasle guztiek derrigorrezko praktikak egin ditzaten enpresak bilatzen “gorriak pasatzen ari dira” irakasleak,... [+]
"Sexu-hezkuntzaikasgeletatik haratago" ikastaroa emango du UEUrekin online Itsaso Bakedano Moreno (Baldorba, 1992) sexologoak. INCISEXeko Sexu-hezkuntza eta -aholkularitza masterra du, Biko Arloak-eko Training sexologia klinikoko formakuntza du eta Lanbide Heziketako... [+]
Aparteko iragarpenik egin gabe, "askatasun akademikoaren eta izpiritu kritikoaren" aldeko aldarria egin du Joxerra Bengoetxeak EHUko errektore karguaren zina egin duenean, Ajuria Enean: "Ebidentzia zientifikoak ukatzen dituztenen aurkako euste-horma izango da... [+]