Carrefourrek Jordanian dituen sukurtsal guztiak itxi ditu Israelen aurkako boikot kanpainagatik
Palestinako BDS mugimenduaren presioaren eta eskala handiko boikot kanpaina baten ondoren hartu du erabakia Carrefourrek. Izan ere, finantza-galera erraldoiak sortu dizkio kanpainak, eta enpresaren ospea kaltetu du.
Majid Al Futtaim Group da Carrefour enpresaren bazkide nagusia arabiar eskualde gehienetan, eta Jordaniako Carrefourrekin zituen merkataritza harremanak erabat eteteko erabakia hartu du. Taldearen 2024ko seihileko txostenaren arabera, txikizkako sektorearen irabaziak ia erdira jaitsi ziren, %47, kontsumitzaileen konfiantzak behera egin zuelako eskualdeko gatazka geopolitikoaren ondorioz.
2022an hasi zuen mugimendu palestinarrak kanpaina, Carrefour enpresak Israelgo erregimenarekin dituen harreman oro eteteko helburuarekin. Israelek Gazako Zerrenda okupatu eta 2,3 milioi palestinarren aurkako gerra genozida hasi zuenetik, Carrefourri boikota egiteko deia areagotu egin da. Enpresa frantziarraren sukurtsalek genozidio krimena babestu dutela salatu du BDSk.
Israelgo indar armatuei doako opariak eman dizkiela eta soldadu israeldar “ausartentzako” dohaintzak biltzeko kanpaina bat ere abiatu zuela kritikatu du BDSk. Gainera, Carrefourrek Israelgo Gobernuarekin akordioak eta Palestinaren aurka egiten duten Israelgo enpresa teknologiko eta bankuekin harremanak dituela azpimarratu du.
Azken urteetan Carrefourrek hainbat sukurtsal itxi behar izan ditu Jordanian, eta orain herrialdean dituen operazio guztiak amaitzeko erabakia hartu du. Carrefourrek Arabiako beste herrialde batzuetan dituen dendak itxi izana ere nabarmendu dute BDSko aktibistek. Horrek boikot kanpaina zabalaren eragina baieztatzen duela azaldu dute.
Carrefour marka daramaten edo beren produktuak saltzen dituzten denda guztiak boikoteatzeko deia egiten du BDSk. Majid Al Futtaim Groupek herrialde arabiar guztietan talde frantziarrarekin duen harremana erabat etengo duela iragarri arte.
Palestinaren aldeko manifestazioetan parte hartzen duten atzerriko ikasleak kanporatzea baimentzen duen dekretua izenpetu zuen urtarrilaren 30ean AEBetako presidente berriak. Orduz geroztik ikasleen bisen baliogabetzeak errepikatzen dabiltza.
Bi langileek Microsoften 50. urteurreneko ekitaldia moztu zuten ostiralean, eta enpresako buruei Gazako genozidioan duten papera leporatu zieten. Adimen artifizialarekin eginiko armak saltzen dizkio multinazionalak Israelgo armadari.
Palestinako Ilargi Gorria larrialdi zerbitzuak baieztatu du gorpuei eginiko autopsiak erakusten duela soldadu israeldarrek tiro egin zietela medikuei. Hil aurretik osasun langileetako batek soldaduek eraso egin zien unea grabatu zuen mugikorrarekin, eta bideoan ikus daiteke... [+]
Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]
Berriki zabaldu da Gazako lurralderako Egiptok egindako hirigintza-antolaketa plana. Marrazki batean jaso dira etorkizuneko kale, eraikin eta iruditeria, oraindik metraila eta lehergailuen usaina darion errealitate baten gain. Hirigintza proposamena, beste bonba jaurtiketa bat... [+]
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Zer esango zenioke Palestinako aktibista bati aurrez aurre izango bazenu? Ni mutu geratu nintzen Iman Hammouri nire herrian bertan aurkeztu zidatenean. Eskerrak andre nagusi bat gerturatu zitzaigula eta solaskide roletik itzultzailearenera pasa nintzela.
Palestinako Popular... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.
Asteartean menia apurtu zuenetik gutxienez 650 palestinar hil dituzte sionistek, Al Jazeeraren arabera. Netanyhauren gobernuak Shin Bet zerbitzu sekretuetako buru Ronen Bar kaleratzeko erabakia hartu du, baina Auzitegi Gorenak kaleratzea geldiarazi du.
Milaka pertsona bildu dira larunbat honetan Palestinako herriari elkartasuna adierazteko eta “Israelek Gazan egindako genozidioa” amaitzeko eta Benjamin Netanyahuren gobernuak su-etenari berriro ekiteko eskatzeko. Gernika-Palestina herri ekimenak deitu du martxa,... [+]