Carlos Saez de Egilaz eta Felipe San Epifanio euskal preso ohiak atxilotu ditu Guardia Zibilak
Asteazken goizean atxilotu ditu Guardia Zibilak Carlos Saez de Egilaz eta Felipe San Epifanio euskal preso ohiak. Hainbat iturriren arabera, atxiloketek lotura lukete 2020an presoen ongi etorriekin loturan egindako atxiloketekin. Egunean zehar utzi dituzte aske.
Carlos "Kai" Saez de Egilaz euskal preso ohia atxilotu du Guardia Zibilak Beasainen, kalean, asteazken goizeko 08:30ak aldera. Albistea ezagutu eta gutxira jakin da Felipe San Epifanio ere atxilotu dutela, atxiloketaren uneari eta tokiari buruzko informaziorik oraindik ez dagoen arren. Espainiako Auzitegi Nazionaleko 6. instrukzio epaitegiaren aginduz burutu dira atxiloketak.
Zenbait hedabidek argitaratutako informazioaren arabera, Oihana San Vicente, Antton Lopez Ruiz Kubati, Oihana Garmendia eta Haimar Altunaren 2020ko atxiloketekin zerikusia du Saez de Egilazen atxiloketak; ustez, presoen ongi etorriekin loturan egindako polizia operazio beraren parte da.
Naizek jakinarazi duenez, Saez de Egilaz aske utzi dute 13:30ak aldera, Intxaurrondoko kuarteletik igaro ostean.
San Epifanio 1994an atxilotu zuten Bartzelonan, eta 2017an geratu zen aske.
Saez de Egilaz 2003an atxilotu zuten Akizen (Okzitania), eta espetxe zigorra beteta, 2014ko urtarrilean geratu zen aske. Sortu eta EH Bilduko kide da egun eta bai alderdiak zein koalizioak sare sozialen bidez salatu dituzte atxiloketak. Bilduk salatu duenez, "askatasunean eta berdintasunean oinarritutako preso politikorik gabeko etorkizuna eraikitzen jarraitzea oztopatu nahi dute". "Espainiar Estatuko estolderiak askapen prozesua baldintzatzeko ahaleginean jarraitzen du baina ez gaituzte geldituko!", salatu du Sortuk.
Hamahiru urte pasa ditu preso Atristainek, iragan abendutik hirugarren graduan zegoen eta martxoaz geroztik zigorra etxean betetzen ari zen kontrol telematikoarekin.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Bere sorterri Ataunen hil da Maximo Aierbe Muxika, 74 urterekin. Euskaldunon Egunkariaren sortu aurreko eta ondoreneko urte malkartsuetako eginahaletan parte hartu zutenek gogoratuko dute proiektu berriaren akziodun bila hainbeste lan egindako gizon hura. Disziplina eta... [+]
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
Altsasuko Iortia Kultur Guneko Areto Nagusiaren harmailak jendez beteta zeudela egin da asteazkenean Arg(h)itzen dokumentalaren estreinaldiko emanaldia. Torturak Sakanan utzi duen aztarnaren kontakizuna da film hau, eta egun aproposa aukeratu dute lehen aldiz publikoki... [+]
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Jose Miguel Etxeberria Naparra 1980ko ekainaren 11n ikusi zuten azken aldiz Ziburun eta bere heriotzaren nondik norakoak ez dira argitu gaur arte. Lizartzako Igarolabekoa baserrian egin diote oroimen ekitaldia eta desagerpena argitzea eskatu du familiak aurten ere.
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Motibazio politikoko lehen hamabi biktimarentzat aitortza eta erreparazio ekitaldia egin da maiatzaren 30ean Iruñeko Baluarte aretoan. Ekitaldia urtero egiteko asmoa agertu du Gobernuak.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Frantziako Ministerio Publikoak hamar egun zituen Parisko auzitegiak harturiko erabakiari helegitea jartzeko, baina ez du halakorik egin. Hortaz, ETAren armagabetzean lagundu zuten Beatrice Molle eta Jean Nöel Etcheverry Txetx bakegileek ez dute zigorrik jasoko, epaimahaiak... [+]