Can Viesen hondakinak Palau bat estaltzeko
Istiluak, barrikadak eta sua hirugarren gauez Bartzelonako Sants auzoan. Can Vies zentro sozial autogestionatua hustu eta eraistearen kontrako protesten albiste ugari irakurtzen ari gara baina, zergatik erabaki dute 17 urtez martxan egon den eraikina justu orain hustea?
Asteartean 4.000 izan ziren arratseko manifestazioan parte hartu zutenak. Asteazkenekoan 7.000. Eta Bartzelonako gainontzeko auzoetara zabaltzeaz gain, Can Vies efektua –izen hori hartu du jada sare sozialetan– beste hainbat hiritara ere zabaltzen ari da –Bilbon eta Donostian elkarretaratze bana deituta dago ostegunean, 20:00etan Arriagan eta 19:00etan Bulebarrean–.
Azken eguneko istiluen balantzeak 27 atxilotu utzi ditu baita Mossoek auzotarren aurka erabilitako bortizkeriaren ondorioak erakusten dituzten hainbat irudi ere. Belarria erdibitu dioten gazte honen argazkia asko zabaltzen ari da asteazkenetik, adibidez (bideo honek erakusten du nola oldartu zitzaion polizia).
Palau bat estaltzeko adina
Ia bi hamarkadaz auzo guztiarentzat ateak zabalik izan dituen espazio bat hustu eta botatzearen ondorio nagusia espazio horren galera da, noski, eta horrek inguruko elkarte eta mugimenduentzat sortzen duen gabezia. Baina Can Viesen biltzen ziren herritarren kontra Kataluniako Generalitateko Barne sailak aste honetan abiatu duen blitzkriegak badauka beste irakurketa bat ere.
Asteazkenean egin zen publiko “Hotel del Palau auzia” delakoaren sententzia –“Millet auzia”-ren barruko adar bat, izen horrekin ezaguna, haren erantzule nagusia den Félix Millet i Tusellengatik–. Orfeó Catalá-Palau de la Música fundazioaren patronatuko presidentea zen Millet eta 2000ko hamarkada osoan erakunde horretatik diruak legez kanpo desbideratu izana leporatu zioten.
Kasuak Convergència Democràtica de Catalunya –CiU koalizioko alderdi nagusia– ere zipriztindu du eta Kataluniako gizartean ezinegona sortu, musika jauregiak erakunde gisa daukan garrantzia sinbolikoarengatik. Gainera, "Hotel del Palau"-ren kasuan, eraikin baten birkalifikazio irregularra ere ikertu da.
Aste honetan jakinarazi da azkeneko kasu horren sententzia eta seina hilabeteko kartzela zigorra ezarri zaie Félix Milleti eta Jordi Montulli eragin-trafikoarengatik. Milletek 3,6 milioi euroko isuna ordaindu beharko du gainera. Montullek 900.000 eurokoa. Epaia biguna izan dela uste dute askok, absolbitu egin baititu auzian inplikatuta zeuden Bartzelonako Udaleko hirigintza alorreko buruzagi guztiak.
(Millet eta Montull, Palau auziko epaiketan. Argazkia: El Periódico).
Horrelako gai batek telebistako informatiboak zabaldu beharko lituzke, egunkarien webguneetan lehen albistea izan, irrati-tertulietarako ordutako kalaka. Baina historia nagusi bat dagoenean, besteak itzalpean geratu ohi dira eta Generalitateko buruek bazeuzkaten tresnak leherketa soziala eragiteko, eraikin bat huste hutsarekin. Baita erabili ere.
Emaitza: egunotan hedabide katalanetatik osteratxoa egiten duen edonork ikusiko duenez, Santseko istiluak dira lehen hizpidea. Auzo oso bat sutan jarri zentro sozial bat goitik behera botaz. Eta haren hondakinekin Palau de la Músicaren ustelkeria estali.
Bartzelonako Auzitegiak kondena partzialarekin zigortu ditu Jesus Antonio Zoyo Rodriguez eta David Villares Yelmo poliziak.
Ostegunean 19:00etatik aurrera Can Vies. Única solució: Reconstrucció hitzaldia eskeiniko du zentro sozial horretako kide batek Iruñeko Katakrak gunean.
Bartzelonako epaile batek zortzi hilabete eta hiru urte eta bederatzi hilabete arteko kartzela zigorra ezarri die lau gazteri. Gazte hauei 2014ko maiatzaren bukaeran Can Vies zentro sozial okupatuaren desalojoaren aurkako istiluetan parte hartzea egozten diete.
Bartzelonako Sants auzoko Can Vies zentro soziala berreraikitzen jarraituko dute, Udalak agindutakoaren aurka. Maiatzean etxe okupatua husten ahalegindu ziren eta eraikinak kalte larriak jasan zituen.
Crowdfunding finantzaketa kolektiboko kanpaina baten bidez Bartzelonako Can Vies zentro soziala berreraikitzeko eta protestetan atxilotutakoen tasa judizialak ordaintzeko dirua lortu du Can Vies viu! kolektiboak. 70.000 eurokoa zen finkatutako kopurua eta astearte arratsaldean... [+]
Esquadra Mossoek sei lagun atxilotu dituzte ostegunean Bartzelonan, Can Vies zentro autogestionatua hustu eta botatzen hasi osteko liskarretan parte hartu zutelakoan. Maiatzean hustu zuten Sants auzoko eraikina.
Espainiako barne ministro Jorge Fernandez Diazek Katalunia independentea balitz, nazioarteko segurtasun-agentzien “aterki babesletik” at geratuko litzatekeela adierazi du. Eta ondorioz, terrorismo eta krimen antolatuaren bazka izatera igaroko litzatekeela.
Bartzelonako Udalaren aginduz, eraikinaren jabe TMB garraio enpresa publikoaren konplizitatearekin, Can Vies eraikin autogestionatua hustu eta eraitsi zuten maiatzaren 26an. Horren aurrean Sants auzoko ehunka lagunek berreraikitze lanak abiatu zituzten, eta orain lan horrek... [+]
Ekainaren 13an 21:00etan Groseko Kortxoenea gaztetxean Bartzelonako zentro sozialari elkartasuna adierazteko kontzertua antolatu dute.
Frente X España eskuin muturreko taldeak manifestazioa deitu du ekainaren 21ean 19:00etan Bartzelonako Sants auzoan. Can Vies zentro soziala hustu ondoren izan diren istiluen erantzun gisa deitu dute mobilizazioa.
Bartzelonako Sants auzoko Can Vies zentro sozialaren eraistea hasi zuten duela bi aste, eta inork ez daki oraindik zein izango den gatazkaren konponbidea. Udalak eraikineko kideei eskaintza berriak egin dizkie, zentro soziala botatzea negoziaezina dela dioen arren.
Can Vies berreraikitzeko lanetan hasiak dira dagoeneko Bartzelonan, eta asteazkenetik larunbatera bitarteko deialdiak zabaldu dituzte. Horrekin batera, aurreko egunetan Sants auzoan modu bateko edo besteko laguntza eskaini duen orori eskerrak eman eta proiektu berrian parte... [+]
Istilu larrien ondoren Bartzelonako Udalak Can Vies zentro sozial autogestionatuari eman zion su-etena bukatu da. Joan den astean Xavier Trias hiriko alkatea negoziatzeko prest agertu zen, baina elkarrizketak etengo dituztela iragarri dute asteburuan.
Bartzelonako kaleetan aste osoan egindako protestek eragina izan dute eta Udalak Can Vies zentro sozial autogestionatuaren eraisketa gelditu du. Auzotarrek, euren kabuz, eraikinaren berreraikuntzari ekin diote.