“CAFeko zuzendaritzak produkzioa jarri zuen langilearen osasunaren gainetik”
Beasaingo tren lantokiko hiru nabe amiantoz kutsatuta zeudela jakin eta berrogei egunetara agerraldia egin dute Eusko Legebiltzarrean langileen eta erakundeen ordezkariek. Enpresa Batzordeko kideek salatu dute zuzendaritzak informazio "erabat eskasa" eman diela. Eusko Jaurlaritzako Lan sailak eta Osalanek onartu dute "agerikoa dela zerbaitek huts egin duela".
Abuztuaren 29tik Beasaingo CAF lantegiko hiru nabe itxita daude amianto kutsaduraren ondorioz. Ehunka langile kutsatuta izateko arriskuan izan dira abuztuko oporraldiaren bueltan lau egunez lanean jardun ostean.
CAFek bere pabiloietako teilatuak aldatu eta amiantoa kentzeko lanak egin izan ditu zortzi urtez udako oporraldia baliatuta. Aurtengo neurketetako batek ofizialki onartutako mugen gaineko balioak eman ostean piztu ziren alarmak. Abuztuaren 24an zortzigarren nabeko ehun langile inguru etxean geratu ziren.
Egun berean, neurketa berriek emaitza negatiboa eman ostean lanean hasteko agindu zuen enpresako zuzendaritzak. Baina lan-prebentzioko delegatuek eta Enpresa Batzordeko kideek eskatuta, neurketa gehiago egin zituzten nabe horretan eta aldemeneko bietan, baita langileei neurketa pertsonalak egin ere.
Lau egunez lanean jardun eta gero, jarraipena egin zitzaien 12 langileetatik 10ek positibo eman zuten. Orduan erabaki zuen enpresak hiru nabeak itxi eta ehunka langile etxera bidaltzea, gaur arte.
"Gu lanera sartzeko erabakia zuzendaritzarena izan da"
Eusko Legebiltzarrean agerraldia egin dute asteazkenean, gertatutakoa argitzeko. Enpresa Batzordeko kideek EH Bilduren eskariz hitz egin dute eta kezka azaldu dute, beste urtetan ere kexak izan direlako hauts eta zikinkeria azaldu direlako amiantoa kendu izan den beste nabeetan. "Zuzendaritzak beti esan izan digu neurketak ondo eman dutela eta, beraz, lanera. Baina orain diskurtso hori zalantzan jartzen dugu", esan dute.
Neurketa gehiago soilik Enpresa Batzordeak eskatu zituelako egin ziren, langileen ordezkarien esanetan: "Zuzendaritza oso ezkutuan ibili da, informazioa eta komunikazioa erabat eskasa izan da"
Prebentzio delegatuak eman zion kutsadura abisua Osalani, ez enpresak, hori ere azpimarratu nahi izan dute. Gainera, salatu dute Osalaneko ordezkariak ez zirela zortzi egun geroagora arte joan bisitan Beasaingo instalazioetara.
Azaldu dutenez, zortzigarren nabea egoera "tamalgarrian" aurkitu zuten lanera joaterakoan, "oso zikin eta hauts pila batekin", eta neurketa gehiago soilik Enpresa Batzordeak eskatu zituelako egin ziren: "Zuzendaritza oso ezkutuan ibili da, informazioa eta komunikazioa erabat eskasa izan da".
Langileen ordezkariek beste kontu bat ere argitu nahi izan dute: "Gu lanera sartzeko erabakia zuzendaritzarena izan da beti. Produkzioa jarri zuen langilearen osasunaren gainetik".
Hori horrela hainbat neurri exijitu dituzte, besteak beste, gertatutakoaren arduraduna kargugabetzeko enpresa mailan, eta langileak balizko kutsatuen zerrendan sartzea eta jarraipena egitea: "Beldur eta errespetu asko ematen digu aurreko urteetan gertatu denak".
Eusko Jaurlaritza eta Osalanen azalpenak
Elkarrekin-Podemosen eskariz Laneko eta Gizarte Segurantzako sailburuorde Elena Pérez Barredok eta Osalaneko zuzendari nagusi Lourdes Íscarrek ere hitz egin dute Legebiltzarreko bilkuran. "Agerikoa da zerbaitek huts egin duela, itxuraz zuzena den lan-plana izanik gorabehera bat gertatu bada", adierazi dute.
Íscarrek Osalanek egindako jardunbideak azaldu eta erakunde horretako teknikarien lana defendatu du bere hitzartzean. Nolanahi ere, prebentzio delegatuaren lehen deia funtsezkoa izan zela aitortu du.
Pérez Barredok, bere aldetik, esan du gertatutakoa jakin eta balizko erantzukizunak depuratzeko ikerketa zabalik duela lan-ikuskaritzak.
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Bi urte igaro dira Espainiako Estatuan funtsa sortzeko legea onartu zutela, baina Pedro Sánchezen gobernuak oraindik ez du araudirik garatu eta ez du aurrekonturik funtsa diruz hornitzeko. Espainiako Kongresuan talde politiko guztiek aho batez eskatu diote, berriz ere,... [+]
Irailarekin batera badator ikasturte berriaren hasiera eta milaka haur eta nerabek ikastetxeetarako bidea hartuko dute berriz ere, batzuk pozik, beste batzuk ez hainbeste, baina denek euren azterketak eta lezioak motxilan dituztela. Beste hainbeste espero zitekeen euskal... [+]
Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.
Jose Mari Esparza idazle, editore eta ekintzaile menderaezinak bere lanerako txokoan hartu gaitu, Altaffaylla Kultur Elkartea eta Txalaparta argitaletxearen sorlekuan, liburuz inguraturik. Gaztetan 20 urtez aritu zen Luzuriagaren Tafallako fabrikan lanean eta orain berriki... [+]
Laugarren dibisioko zortzigarren nabean egin diren desmuntaia lanen ondoren gertatu da amianto kutsatzea eta legez onartuta dagoena baino altuagoa izan da neurketaren emaitza. Langileei hartutako sei laginetatik lauk positibo eman dute.
Europar Batasuneko erakundeek adostuta, amiantoaren inguruko zuzentaraua aldatu eta minbizia sortzen duen mineralarekiko gehienezko esposizio-maila murriztu dute ekainean. Horretarako, funtsezkoa izan da Nantesen Tripode izeneko eraikinean frantziar administrazioko langileek... [+]
Europar Parlamentuak eta Europako Kontseiluak akordioa lortu dute amiantoaren inguruko araudia aldatzeko. Langileek mineral kantzerijenoarekiko izan dezaketen gehienezko esposizioa hamar bider jaitsiko dute. Europar Batasunaren arabera eraikuntzaren arloan 7 milioi langile daude... [+]
Legazpiko Patricio Echeverria enpresako langile ohi baten alargunari ere pentsioa onartu diote, senarra amiantoak eragindako gaixotasun batengatik hil zela onartuta.
Euskal Herriko amiantoaren biktimen elkarteak, Asviamiek, mozioa aurkeztu du gai kutsagarri horrek gehien kalteturiko Gipuzkoako eta Bizkaiko sei udalerritan. Egin gabe dagoen eta "beharrezkoa" den lan bat dela dio, "ingurumen-kutsaduragatik amiantoaren biktima... [+]
13 heriotza kontatu dituzte Aiaraldeko udalerri populatuenean. Asviamiek mozioa aurkeztuko du Laudion eta zerrendako lehen 10 postuetan agertzen diren Euskal Herriko udalerrietan.