CAFek Jerusalemgo tranbiaren proiektua utz dezala eskatzeko manifestaziora deitu du BDZk
Larunbatean egindako prentsaurrekoan adierazi dute manifestazioa ekainak 14an Donostian egingo dutela. 130 kolektibo, alderdi politiko eta sindikatu batu zaizkie eta "atxikimendu kanpaina oraindik zabalik dagoela" gogorarazi dute.
Mugimenduak bost urte daramatza CAFen kontrako kanpainarekin borrokan. Bost urte "CAF salatzen, Jerusalemgo tranbiaren proiektuan parte hartzeagatik, tranbia horrek Jerusalem hiria eta Israelek Palestinako lurralde okupatuetan dituen kolonia ilegalak lotzen dituelako". Kanpainak izan duen atxikimenduen gorakada ere azpimarratu dute: "Duela bost urte, 70 elkartek, sindikatuk eta alderdi politikok bat egin zuten kanpainarekin (...) Urte hauetan zehar, kanpainaren babesa biderkatu egin da, eta gaur arte 130 atxikimendu baino gehiago jaso ditu".
Kanpainaren CAF Jaitsi zaitez apartheidaren trenetik! manifestuak CAFen kontra egitearen arrazoiak jasotzen ditu: "CAFen bazkide israeldarra, Saphir, Nazio Batuen datu-basean sartuta dago, zeinak 110 enpresa baino gehiago izendatzen dituen palestinarren okupazioaz eta apartheidaz etekina ateratzen dutenak". Bide beretik, "CAFek nazioarteko zuzenbidea bete dezala" eskatu dute, Nazioarteko Justizia Gorteak 2024tik "Palestinaren okupazio israeldarra legez kanpokotzat" jotzen baitu.
Kanpainak nazioartean izan duen oihartzuna ere gogoratu dute: Norvegian, Frantzian, Erresuma Batuan, Mexikon eta Kolonbian, besteak beste, CAF enpresa tren eta trenbideen kudeaketarako "aukera egokia" ez dela erabaki baitute. Eusko Jaurlaritzari jarrera berbera izan dezala eskatzen diote, "CAFi ematen dion babesa eten dezala, enpresak nazioarteko zuzenbidea errespetatu arte".
CAFen kontrako ekintza Orbitaleko filialean
Prentsaurrekoaren egun berean Nafarroako BDZko kideek Orbital (CAFen filialean) enpresaren aurrean ekintza egin dute. Enpresak "genozidioarekin konplizitatea duela salatzeko eta Nafarroako Gobernuaren diru laguntza publikoak jasotzen dituela adierazteko" batu dira mugimenduko kideak. Jerusalemgo tranbiak sortzen duen kaltea salatzeko antzezpen bat egin dute.
Torturaren kontrako eguna baliatuz, Aske antolakundeak prentsaurrekoa egin du Bilboko Justizia Jauregian. Gaur egun ere tortura gauzatzeko baldintzek bere horretan jarraitzen dutela salatu dute.
Arrasateko Udaltzaingoak abiatu du ikerketa, neska batzuek igande goizaldean erdialdeko taberna bateko komunean kamera txiki bat aurkitu ondoren.
Estatuaren biolentziaren biktima gisa onartzeko 125 eskaera egin zaizkio Nafarroako Gobernuari 2023an eta 2024an. Horietatik 41 onartu dira. Egiari Zor eta Torturatuen Elkarteak ongi baloratu dute egiten ari den bidea.
Gure eskubideak, gure etorkizuna, orain! lelopean, Giza Eskubideen Nazioarteko Egunak 76 urteetako ondarea ospatzen du. Egunak mundu baketsuagoa, berdinzaleagoa eta jasangarriagoa eraikitzearen alde egitea du xede. Hala ere, aurrerapenak ospatzen diren bitartean, babesturik... [+]
Zure komunitatean harrapatuta, gainerako herritarrengandik isolatuta. Talde armatuen tiro eta indarkeriaren erdian, lurra eta elikagaiak lantzeko ere etxetik atera ezinik. Halaxe deskribatu du Kolonbiako Chocó departamenduko bizimodua bertako ekintzaile Laura Orozcok... [+]
2023ko abuztuaren 4an atxilotu zuten etxean Teherango Inteligentzia Ministerioko agenteek. Desagerrarazi eta gero, fisikoki nahiz psikologikoki torturatu zuten Evingo espetxean. Orain heriotza-zigorra ezarri diote, eta espetxekideek haren aldeko defentsa eskutitza argitaratu... [+]
Bere agintaldian egindako krimen ugariengatik eta ustelkeriagatik zigortua, Perun esku gogorra erabili zuen Fujimorik 1990eko hamarkadan. 87 urterekin hil da Keiko Fujimori politikari ultraeskuindarraren aita.
Langile eskubideen aldeko ekintzaile Sharifeh Mohammadiri heriotza zigorra ezarri diote. 2023ko abenduaren 5ean atxilotu zuten aktibista matxinada karguak egotzita.