CAF eta Veolia: okupazio militarrarekin negozio egiteko bi adibide
Beasaingo multinazionala 500 milioi euroko irabazien truke palestinarren aurkako segregazioa eta okupazio militarra handitzen lagunduko duen proiektu baten jabe egin da: Jerusalemgo tranbia. Helburu bera zuen Veolia multinazional frantziarrak, baina mugimendu internazionalisten presioak tranbiaren obrei uko egitera behartu zuen 2015ean.
BDZ kanpainak (Boikota, Desinbertsioa eta Zigorrak), orohar Israeli Boikot ekimen gisa ezaguna, aparteko garaipena lortu zuen 2015eko apirila eta abuztu artean. Veolia multinazional frantziarrak orduan baieztatu zuen Israelen eta Palestinako lur okupatuetan zituen inbertsio guztiak bertan behera utziko zituela. Ehunka milioitako inbertsioak zituen uraren kudeaketarekin, garraioarekin, Zisjordaniako zabortegiekin eta energiarekin lotuta.
Bere akzio guztiak AEBetako Oaktree Capital Management patzuergoari saldu zizkion, zazpi urtez nazioartean egindako boikotak eragin zizkien galerei eutsi ezinik. BDS mugimenduaren arabera, Veoliari egindako nazioarteko presioak kontratu publiko askoren ateak itxiarazi zizkion enpresari eta horrek milaka milioi euroko galerak eragin zizkion. Adibide batzuk jartzearren, Irlandako eta Ingalaterrako hainbat udalek Veoliarekin zituzten hitzarmenak bertan behera utzi zituzten, baita Londres, Estokolmo edo Bostongo hiruburuek ere. Berbarako, Kuwaiten 750 milioi dolar galdu zituen, hiriko hondakin solidoak kudeatzeko hitzartuta zuen kontratua erretiratzean. Bilboko tranbiaren kudeaketa ere enpresa frantziarrari esleitu zion Bilboko Udalak eta horrek eragin zituen protestak Bizkaiko hiriburuan.
Eta hau dena zergatik? Batetik, Nazioarteko legeriaren arabera, legez kanpokoak direlako Palestinako lurralde okupatuan Israelek dituen koloniak. Hala berresten dute Nazio Batuen, Nazioarteko Justizia Auzitegiaren, Genevako Konbentzioaren eta giza eskubideen aldeko nazioarteko erakundeen beste zenbait ebazpenek. Eta bestetik, itsusia delako besteen mina errentagarri bilakatzea, norberarentzat nahi ez duzuna besteei eginez, zer eta poltsikoa ondo betetzeko.
CAF, bide beretik?
Veoliakoa mugarria izan zen, baina CAFeko langileek onartutakoa ere nazioartean gutxitan gertatzen den zerbait da: langileek presioa egitea beren enpresak uko egin diezaion lan bat egiteari, beste herri bateko langileen ongizatearen izenean. Norberaren interes puntualen gainetik —"aurrena hemengoak" faxisten leloa, uste baino sustraituago dugu eguneroko gure praktikan— elkartasun internazionalista hobetsi dute langileen sindikatu guztiek, aho batez.
Paletinarrek hala eskertu zuten Palestinaren Askapenerako Erakundeko (PAE) ordezkari Saeb Erekaten eskutik, CAFeko langileei igorritako gutunean. "Esker ona azaldu nahi dizuet gure kausa babesteagatik, uko eginda Jerusalem Okupatuan egingo diren lanetan parte hartzeari".
Hautu bera egin dute nazioarteko enpresa ugarik eta lizitazio-proiektutik erretiratu dira Kanadako Bombardier, Australiako Macquarie, Alemaniako Siemens, Frantziako Alsthom eta Systra (Frantziako Estatuaren SNCF tren-konpainiaren filiala) edota Greziako partzuergo batek eta tranbiaren Linea Gorria kudeatzen zuen Citty-Pass konpainiak ere.
Klase ikuspegia
CAFeko enpresariek ordea, langileen hitzari muzin eginez, palestinarrei lapurtutako lurretan negozioa egitea hobetsi dute. Enpresa israeldar batekin bat eginez, 1.800 milioi euroko kontratu batetik 500 milioi poltsikoratzearen truke. Klase ikuspegia ulertzeko, adibide paregabea da: gehiengoak –langileak– elkartasuna, eta gutxiengoak –enpresarioak– etekina.
Ikusteko dago CAFeko zuzendaritzak hartutako bideak zer ondorio ekarriko duen. Bai Euskal Herrian, CAFeko langileen, Euskal Herriko sindikatuen eta nazioarteko elkartasun mugimenduen aldetik. Baliteke hemengo protestak saihesteko tranbiako lanak Euskal Herriko lantegietatik kanpo egitea, Zaragozan adibidez. Saiestezin egingo zaie, ordea, egun munduan den Aparheid-a laguntzen eta hobetzen lagundu izanaren lotsa publikoa.
"Kanporatuko al du FIFAk Israel?", galdegin du hainbat mediok, futbol erakunde gorenak adierazi ostean Palestinako Federazioak egindako eskaera aztertuko duela. FIFAren izaera ezagututa, are gehiago eskaeraren bueltan zein epel jokatzen ari den, inplikatutako bi aldeak... [+]
Larunbatean zeharkatuko ditu hiriko kaleak Donostiako Klasikoak, eta Gernika-Palestina herri ekimenak Israelek bertan duen presentzia salatu du, prentsaurreko batean. Adierazi dutenez, “genozidioa eteten ez duten bitartean” klasikoak ez luke Israel-Premier Tech... [+]
Palestine Action taldeak dio bere ekintzaileek astelehen goizean (abuztuak 6) Elbit-ek Bristolen duen fabrika "inbaditu" dutela. Ikerketa eta fabrikazio zentroa oso zainduta dago, eta espetxeko furgoneta bat erabili dute kanpoko perimetroa txikitzeko.
Kaleak bete dituzte LGTBI Komunitatearen Nazioarteko Egunean. Salatu dute erakundeek aurpegia garbitzen dutela keinu sinbolikoekin.
Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]
Mondragon Korporazioak bost proiektu ditu esku artean erakunde israeldarrekin Ahoztar Zelaietak El Salton salatu duenez. Horren bidez hiru milioi euro inguru irabaziko ditu Mondragonek.
Uribe Kostako Palestinaren aldeko Khalas! elkartasun taldeko hainbat kidek salaketa ekintza egin dute Eusko Jaurlaritzak Bilbon duen egoitza barruan. Jaurlaritzak Israelekin dituen harremanak azaleratu eta salatu nahi izan dituzte.
Ahoztar Zelaietaren ikerketa batek argitu du EHUk lotura duela palestinarren etxeak botatzeko erabiltzen diren ‘bulldozerrak’ garatu dituen institutuarekin. Unibertsitate publikoak apirila bukaeran esan zuen harremanak etengo zituela Palestinako sarraskia espreski... [+]
Gazako krimenak baztertzen ez dituen unibertsitate israeldarrekin harremanak eten eginen ditu Nafarroako Unibertsitate Publikoak. Unibertsitateko Gobernu Kontseiluak aho batez hartu du erabakia, akordio bidez, eta ez du hartu emanik izanen. Harreman komertzialak eta akademikoak... [+]
Asteartean deklaratu beharko dute Tuteran, ikertu gisa. Palestinan eraikitzen ari den tranbia-sarearen bidez, CAF "entitate sionistaren kolonizazioan parte hartzen" ari dela ohartarazi dute.
Duela 76 urte abiatutako Nakbak martxan jarraitzen duela salatu dute hiri eta herri ugaritan. 5.500 euskal herritar inguruk egin dute bat BDZk antolatutako mobilizazioekin. Larunbatean manifestazioa izango da Iruñean, 12:30ean.
Maiatzaren 11n ospatuko da Suedian Eurovision jaialdia eta Israelen parte hartzeak kritika ugari sortu ditu. Europako milaka artista eta ehunka antolakundek jaialdiari boikota egiteko deia egin dute. Aurten Malmö hirian izango da ekitaldia eta aurreko egunetan, milaka... [+]