CAF euskal enpresari esleitu diote Jerusalemgo tranbia eraikitzeko proiektua. Enpresako langileek enpresari eskatu zioten kontratuari uko egin ziezaion. CAFeko nagusiek aurrera egitea erabaki zuten, ordea. Egitasmoaren aurkako kanpaina piztu da Euskal Herrian, eta kanpainaren baitan Gasteizko BDZ taldeak (Israeli boikota, desinbertsioak eta zigorrak) eta Halabideok dokumentala egin dute elkarlanean: “Tranbia honi kolonia kiratsa dario”. Asteazkenean aurkeztuko dute, eta estreinaldiaren harira, Gasteizko BDZ taldeko Ruben Sánchezekin hitz egin du ARGIAk.
Asteazkenean Hala Bideorekin batera sortu duzuen dokumentala aurkeztuko duzue Gasteizen. Zer bilatzen duzue?
Oihu bat da, CAFek Jeruslamengo tranbia egin ez dezan. CAF presionatu eta elkartasuna piztu nahi dugu.
Dokumentala hiru galderen inguruan ardaztuta dago. “Zergatik da legez kanpokoa Jerusalengo tranbiaren proiektua? Nola eragingo die palestinarren bizi baldintzei? Nola eragingo lieke, aurrera aterako balitz, CAF enpresari eta hango langileei?”. Zeintzuk dira erantzun nagusiak?
Tranbia hori Jerusalem legez kanpoko koloniekin lotzeko eraiki nahi dute. Israelek etengabe elikatzen du kolonialismo ilegal hori: palestinarren lur eta ur putzuak lapurtu, kolonoentzako bakarrik diren azpiegitura berriak eraiki (zerbitzuak, errepideak, tranbia), apartheid-harresia... Okupazio hori legez kanpokoa da NBEren eta nazioarteko legediaren arabera. Palestinarrentzat umiliazio bat gehiago da, Palestinan okupaziorik gabe bizitzea ameskeria dela sinetsarazteko. CAFeko jabeentzat negozio erraza da, dagoeneko hainbat enpresa handik (Siemens, Alstom, Macquire eta Bombardier-ek) bertan behera utzi dute tranbia eraikitzeko asmoa, beraz, lehiakortasun gutxiko eta etekin handiko proiektua da haientzat. Zein da, baina, palestinarren apartheida areagotuko lukeen tranbia baten prezioa? CAF ez dira soilik CAFeko jabeak, CAF haren langileak dira, CAF harentzat lan egiten duten enpresak dira, CAF hura babesten duen Jaurlaritza da. Nolabait, CAF gu euskaldunok gara borroka honetan. Pentsatu nahi dugu euskaldun gehienok ez gaudela "Apartheid tranbia" hori eraikitzearen alde, ez CAFek, ez inork.
“Itzal handiko” pertsonen iritziak jaso dituzuela azpimarratu duzue. Izen batzuk aurreratzerik?
Dokumentalean parte hartzen dute, besteak beste, Eran Efrati militar ohi israeldarrak, Jamal Jumak (Stop the Wall), Amaia Elorzak (Badil Center), Liliana Córdovak (Judutar Antisionisten Sarea), Loreto Larunbek (EITBko kazetaria), Fermin Muguruzak...
Oihartzun handia izan zuen CAFeko langileen ez-ohiko jarrerak, enpresari eskatuz proiektuari muzin egin ziezaion. Nola baloratzen duzue jarrera hori?
Itxaropen su bat da jarrera hori, ez da erraza lantegi barrutik hori adieraztea. Zorionez, langile horiek bat egin dute langile klase palestinarrarekin, esan diete: “Guk ez dugu zuen lurra gehiago pitzatuko duen tranbia hori eraikiko”. Hori da elkartasun internazionalista. Zer ederra litzatekeen munduan herritar gehiagok jokatuko bagenu modu horretan.
Nola edo zer norabidetan uste duzue bideratu behar dela proiektu honen aurkako lana Euskal Herrian?
Langileek eman dute lehen pauso handi bat. Orain herritarroi eta eragile sozio-politikooi dagokigu Euskal Herri osoan zehar elkartasun borroka honen alde antolatzea. Denon ardura da.
Zein da egoera egun Palestinako gatazkan? Trumpek “gatazka behin batiko amaitzeko” proposamena aurkeztu berri du.
"Gatazka"-ren ordez jarri "Palestina" eta hori da Trump eta Israelek proposatzen dutena: Palestina akabatzea. Jarrera hori beti existitu da sionismoaren barruan, koiunturaren arabera azkartu edo mantsotzen dute eta orain azeleratzen ari dira. Trumpek ahoan bilorik gabe eman die abisu palestinarrei: Hau da zuen azken aukera, edo onartu, edo are okerragoa izango da.
Larunbatean zeharkatuko ditu hiriko kaleak Donostiako Klasikoak, eta Gernika-Palestina herri ekimenak Israelek bertan duen presentzia salatu du, prentsaurreko batean. Adierazi dutenez, “genozidioa eteten ez duten bitartean” klasikoak ez luke Israel-Premier Tech... [+]
Palestine Action taldeak dio bere ekintzaileek astelehen goizean (abuztuak 6) Elbit-ek Bristolen duen fabrika "inbaditu" dutela. Ikerketa eta fabrikazio zentroa oso zainduta dago, eta espetxeko furgoneta bat erabili dute kanpoko perimetroa txikitzeko.
Kaleak bete dituzte LGTBI Komunitatearen Nazioarteko Egunean. Salatu dute erakundeek aurpegia garbitzen dutela keinu sinbolikoekin.
Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]
Mondragon Korporazioak bost proiektu ditu esku artean erakunde israeldarrekin Ahoztar Zelaietak El Salton salatu duenez. Horren bidez hiru milioi euro inguru irabaziko ditu Mondragonek.
Uribe Kostako Palestinaren aldeko Khalas! elkartasun taldeko hainbat kidek salaketa ekintza egin dute Eusko Jaurlaritzak Bilbon duen egoitza barruan. Jaurlaritzak Israelekin dituen harremanak azaleratu eta salatu nahi izan dituzte.
Ahoztar Zelaietaren ikerketa batek argitu du EHUk lotura duela palestinarren etxeak botatzeko erabiltzen diren ‘bulldozerrak’ garatu dituen institutuarekin. Unibertsitate publikoak apirila bukaeran esan zuen harremanak etengo zituela Palestinako sarraskia espreski... [+]
Gazako krimenak baztertzen ez dituen unibertsitate israeldarrekin harremanak eten eginen ditu Nafarroako Unibertsitate Publikoak. Unibertsitateko Gobernu Kontseiluak aho batez hartu du erabakia, akordio bidez, eta ez du hartu emanik izanen. Harreman komertzialak eta akademikoak... [+]
Asteartean deklaratu beharko dute Tuteran, ikertu gisa. Palestinan eraikitzen ari den tranbia-sarearen bidez, CAF "entitate sionistaren kolonizazioan parte hartzen" ari dela ohartarazi dute.
Duela 76 urte abiatutako Nakbak martxan jarraitzen duela salatu dute hiri eta herri ugaritan. 5.500 euskal herritar inguruk egin dute bat BDZk antolatutako mobilizazioekin. Larunbatean manifestazioa izango da Iruñean, 12:30ean.
Maiatzaren 11n ospatuko da Suedian Eurovision jaialdia eta Israelen parte hartzeak kritika ugari sortu ditu. Europako milaka artista eta ehunka antolakundek jaialdiari boikota egiteko deia egin dute. Aurten Malmö hirian izango da ekitaldia eta aurreko egunetan, milaka... [+]
Besteak beste, Bartzelonako Unibertsitateko klaustroak Israelekin harreman instituzionalak etetearen alde bozkatu du. Dublingo Trinity College ikasle mobilizatuekin akordio batera heldu da Israelekin “harremana hausteko norabidean lan egiteko”. Ikasle Abertzaleakek... [+]
Erandioko Carrefour katearen merkatalgunean protesta egin zuen barikuan Khalas! Palestina Uribe Kostako taldeak, "Gazako sarraskian duen konplizitatea salatzeko". Ekintza horren bitartez, bezeroak informatu, kontzientziatu eta "Israelen kolaboratzailea" den... [+]