Cabacasen heriotza ekarri zuen operatiboko arduraduna Ertzaintzako buru
Eusko Jaurlaritzaren Segurtasun sailburu Estefania Beltran de Herediak berri eman duenez Jorge Aldekoa izanen da Ertzaintzako buru berria.
Jorge Aldekoa Ertzaintzaren Bilboko polizia etxe nagusiko burua izan da orain arte. 2012ko apirilaren 5ean Iñigo Cabacasen heriotza eragin zuen pilotakadaren operatiboko arduraduna izan zen.
Berriak ezinegona piztu du Cabacasen senide eta lagunen artean, baina Beltran de Herediaren ustez, Aldekoa da “garai berrietako” Ertzaintza zuzentzeko pertsonarik egokiena.
Hamar hilabete iraun dituen hausnarketa prozesuan erabaki da Ertzaintzako arduradun nagusiaren izendapena. Hortaz, Segurtasun sailburuaren iritziz izendatze horrek ez luke polemikarik sortu behar.
Segurtasun Sailaren txostenak jasotzen du Ertzaintzaren buru berria izanen denak esperientzia handia duela, lanpostu horretarako kualifikatua dagoela eta “Ibilbide profesional bikaina” duela.
Ertzaintzaren lehen promozioko kidea da eta hainbat ertzain etxe zuzendu ditu. Horren ostean, Bizkaiko lurralde burua eta Ertzaintzaren Herritarren Segurtasuneko burua izan da. Horregatik guztiagatik Ertzaintzako arduradun nagusia izateko ezaugarri guztiak betetzen dituela nabarmendu du Beltran de Herediak.
Erandioko Ertzaintzaren egoitza nagusian egindako agerraldian aurkeztu dute Cabacas auziaren inguruko aipamenik biltzen ez duen txostena. Eta aurkezpenean bertan gaiari buruz hitz egitea sahiestu dute.
Kazetarien galderen aurrean honakoa erantzun dute sailburuek: “Gure ustez, ez dauka inolako erantzukizunik han gertatu zenarekin, eta guk uste dugu Jorge Aldekoa dela pertsonarik egokiena aurrean dauzkagun erronkak eta helburuak lortzeko”.
Omenaldia egin diote Iñigo Cabacasi, bere heriotzaren hamargarren urteurrenean. Iñigo Cabacas Lizeranzu plaza izendatu dute Ertzaintzaren pilotakada batek hil zuen kantoia. Antolatzaileek eta gurasoek herritarren babesa eskertu dute, eta erakundeen... [+]
Apirilaren 5ean hamar urte bete dira Ertzaintzak jaurtitako gomazko pilota batek Iñigo Cabacas larriki zauritu zuenetik. Apirilaren 9an, ostera, Cabacasen heriotzaren hamargarren urteurrena beteko da, pilotakadaren ondorioz hil egin baitzen gaztea. Data seinalatu... [+]
Abenduaren 15ean Ertzaintzak artxibatu egin zuen Cabacasen hilketari buruzko barne ikerketa, eta gurasoek gutun batean adierazi dute “harridura eta atsekabea” eragin ziela erabakiak. Josu Erkoreka Jaurlaritzako Segurtasun sailburuari leporatu diote euren samina... [+]
Eusko Jaurlaritzako Segurtasun sailburu Josu Erkorekak azaldu duenez, sei auzipetuei ezin zaie ardura diziplinariorik eskatu, haietako bost (Juan José de Pablo 'Ugarteko' ertzainburua tartean) jada ez direlako funtzionarioak, eta seigarrenak, tiro egiteko agindua... [+]
Bizkaiko Auzitegiak erabaki du bi urtez bertan behera uztea Iñigo Cabacas hiltzea kondenatutako Ertzaintzako agenteari ezarritako bi urteko kartzela zigorraren gauzatzea. Ebazpenaren arabera, espetxe zigorra betearaziko diote, baldin eta Juan Jose de Pablo ertzain... [+]
Bizkaiko Probintzia Auzitegiaren epaia berresten du bere erabakiarekin Espainiako Epaitegi Gorenak. Ertzain bakarra izan zen zigortua Iñigo Cabacasen heriotzagatik.
Ertzaintzak “eraldaketa sakona” aurrera eraman ondoren, “hobera” egin duela dio Segurtasun sailburuak. Cabacasen familiak “gezurretan” aritzea leporatu dio.
Cabacas kasuko auziperatuen “inpunitatea hautsi” eta berriz horrelako gertakaririk ez izatea bermatu behar dela azpimarratu dute manifestariek. Justizia egiteko borrokan jarraituko dutela ere adierazi dute.
Paintballeko eskopetekin koloredun pilotak tirokatuz Olagibel kaleko Ertzaintzaren komisaldegia margotu du Ernaik, Cabacas auziaren epaia salatzeko.
Cabacas auziko epaia salatzeko elkarretaratzeak egin dituzte Bilbon asteazkenean eta igandeko manifestazio handirako deia egin dute. Gasteizen mobilizazioekin jarraituko dute ostegunean.
Ostegunean eman zuen epaia Bizkaiko Lurralde Auzitegiko epaimahaiak. Iñigo Cabacasen guraso, senide, lagun eta kasuko abokatuek jakinarazi dute Auzitegi Gorenean helegitea jarriko dutela.
Iñigo Cabasen heriotzagatik kondenatutako ertzainak ez du kartzelara sartu behar izango, baina lau urteko inhabilitazioa ezarri dio Bizkaiko Lurralde Auzitegiko epaimahaiak.
Iñigo Cabacasen senide eta lagunek epaiketaren balorazioa egin dute ostiralean Bilboko Kafe Antzokian deitutako prentsaurrekoan. Beraien ahotik kontatu nahi izan diote jendarteari gertatutakoa, baita nola sentitzen diren ere.
Iñigo Cabacasen heriotza argitzeko epaiketaren azken aurreko egunean, behin betiko ondorioak eta eskaerak aurkeztu dituzte alde guztiek. Hasierako eskaerari eutsi dio fiskalak: ez du deliturik ikusten eta absoluzioa eskatu du akusatuentzat. Minduta, haserre, malko artean... [+]
Urriaren 15ean ekin zitzaion Iñigo Cabacasen heriotzaren gaineko epaiketari, eta azaroaren 9an amaituko da. Orain arteko saioetan kontrajarri egin dira ertzainen gehiengoen eta kaleko testiguen bertsioak. Asteartetik aurrera adituek deklaratuko dute.