Cabacasen familiak helegitea aurkeztu du goi kargu gehiago auzipetzeko
“Denarekin sartzeko ordena” eman zuen Ertzaintzako kidea, Jaurlaritzako Herrizaingo sailburu orde ohi Miguel Buen eta Ertzaintzako buru ohi Jose Antonio Varela inputatzeko helegitea egin dute Iñigo Cabacasen senideek.
2012ko apirilean Ertzaintzak Iñigo Cabacas gaztea pilotakadaz hil zuenetik, zabalik dago errudunak aurkitzeko auzia. Aurreko astean eman zuen epaileak haren erabakiaren berri: lau polizia auzipetu ditu; pilotak bota zituztela onartu duten hirurak eta polizia operatibo horren arduraduna. Akusazio partikularrak, baina, 40 ertzain baino gehiago auzipetzeko eskatu zuen uztailean. Kexu da, beraz, auzipetze eskas horiekin.
Epailearen erabakia “aurrera pauso bat da”, baina “ez da nahikoa”, familiaren akusazioa zuzentzen duen Jone Goirizelai abokatuaren ustetan. Hala mintzatu da bart hedabideei Bilbon eskainitako prentsaurrekoan.
“Denarekin sartu” agindu zien goi kargu batek apirilaren 6ko gauean Maria Diaz de Haro kalean zeuden Ertzainei. Dena lasai zegoela erantzun zioten, baina mandatuak aurrera jarraitu zuen. “Ugarteko” ezizenez identifikatzen zuten poliziek aparatuaren beste aldetik ordena eman zuen ertzaina.
Gainontzeko auzipetze eskaerekin bat “Ugartekoren” inputazioa “espresuki” eskatu du Goirizelaiak, Bilboko 10. Instrukzio Epaitegian egin duen errekurtsoan.
“Ugarteko” delakoaren plaka zenbakia baino ez da ezagutzen egun: 3.316 identifikazio-zenbakia dauka.
Familia, minduta
Fina Lizeranzu eta Manu Cabacas hildako gaztearen gurasoek “minduta” daudela esan dute. Diotenez, Patxi Lopezen eta Iñigo Urkulluren agintaldietan “hitzak” baino ez dituzte jaso, “ez animorik, ezta laguntzarik ere”.
Manu Cabacas oso kritiko azaldu da instituzioek emandako tratuarekin: “Aurtengo biktimen omenaldira ez gaituzte gonbidatu. Eta gure semea biktima da, ez zen katarroak jota hil”.
Saminez egin du solas Lizeranzuk ere: “Erraiak erauzi dizkigute”. Haren esanetan, oparazioa gidatu zuena identifikatuta dute, baina ez diote ezer egin.
Cabacasen hilketan ertzainen arteko komunikazio erakusten duten irudiak:
Omenaldia egin diote Iñigo Cabacasi, bere heriotzaren hamargarren urteurrenean. Iñigo Cabacas Lizeranzu plaza izendatu dute Ertzaintzaren pilotakada batek hil zuen kantoia. Antolatzaileek eta gurasoek herritarren babesa eskertu dute, eta erakundeen... [+]
Apirilaren 5ean hamar urte bete dira Ertzaintzak jaurtitako gomazko pilota batek Iñigo Cabacas larriki zauritu zuenetik. Apirilaren 9an, ostera, Cabacasen heriotzaren hamargarren urteurrena beteko da, pilotakadaren ondorioz hil egin baitzen gaztea. Data seinalatu... [+]
Abenduaren 15ean Ertzaintzak artxibatu egin zuen Cabacasen hilketari buruzko barne ikerketa, eta gurasoek gutun batean adierazi dute “harridura eta atsekabea” eragin ziela erabakiak. Josu Erkoreka Jaurlaritzako Segurtasun sailburuari leporatu diote euren samina... [+]
Eusko Jaurlaritzako Segurtasun sailburu Josu Erkorekak azaldu duenez, sei auzipetuei ezin zaie ardura diziplinariorik eskatu, haietako bost (Juan José de Pablo 'Ugarteko' ertzainburua tartean) jada ez direlako funtzionarioak, eta seigarrenak, tiro egiteko agindua... [+]
Bizkaiko Auzitegiak erabaki du bi urtez bertan behera uztea Iñigo Cabacas hiltzea kondenatutako Ertzaintzako agenteari ezarritako bi urteko kartzela zigorraren gauzatzea. Ebazpenaren arabera, espetxe zigorra betearaziko diote, baldin eta Juan Jose de Pablo ertzain... [+]
Bizkaiko Probintzia Auzitegiaren epaia berresten du bere erabakiarekin Espainiako Epaitegi Gorenak. Ertzain bakarra izan zen zigortua Iñigo Cabacasen heriotzagatik.
Ertzaintzak “eraldaketa sakona” aurrera eraman ondoren, “hobera” egin duela dio Segurtasun sailburuak. Cabacasen familiak “gezurretan” aritzea leporatu dio.
Cabacas kasuko auziperatuen “inpunitatea hautsi” eta berriz horrelako gertakaririk ez izatea bermatu behar dela azpimarratu dute manifestariek. Justizia egiteko borrokan jarraituko dutela ere adierazi dute.
Paintballeko eskopetekin koloredun pilotak tirokatuz Olagibel kaleko Ertzaintzaren komisaldegia margotu du Ernaik, Cabacas auziaren epaia salatzeko.
Cabacas auziko epaia salatzeko elkarretaratzeak egin dituzte Bilbon asteazkenean eta igandeko manifestazio handirako deia egin dute. Gasteizen mobilizazioekin jarraituko dute ostegunean.
Ostegunean eman zuen epaia Bizkaiko Lurralde Auzitegiko epaimahaiak. Iñigo Cabacasen guraso, senide, lagun eta kasuko abokatuek jakinarazi dute Auzitegi Gorenean helegitea jarriko dutela.
Iñigo Cabasen heriotzagatik kondenatutako ertzainak ez du kartzelara sartu behar izango, baina lau urteko inhabilitazioa ezarri dio Bizkaiko Lurralde Auzitegiko epaimahaiak.
Iñigo Cabacasen senide eta lagunek epaiketaren balorazioa egin dute ostiralean Bilboko Kafe Antzokian deitutako prentsaurrekoan. Beraien ahotik kontatu nahi izan diote jendarteari gertatutakoa, baita nola sentitzen diren ere.
Iñigo Cabacasen heriotza argitzeko epaiketaren azken aurreko egunean, behin betiko ondorioak eta eskaerak aurkeztu dituzte alde guztiek. Hasierako eskaerari eutsi dio fiskalak: ez du deliturik ikusten eta absoluzioa eskatu du akusatuentzat. Minduta, haserre, malko artean... [+]
Urriaren 15ean ekin zitzaion Iñigo Cabacasen heriotzaren gaineko epaiketari, eta azaroaren 9an amaituko da. Orain arteko saioetan kontrajarri egin dira ertzainen gehiengoen eta kaleko testiguen bertsioak. Asteartetik aurrera adituek deklaratuko dute.