Cabacas hil zuen operatiboko buruak hildakoaren familiari 777.000 euro eskatu dizkio
“Ugarteko” ezizena erabiltzen du Iñigo Cabacas gaztea hil zuten egunean Ertzaintzaren operatiboko buru zen pertsonak. Berak eskatuta, joan den ostegunean Bilboko 13. Instrukzio Epaitegian adiskidetze-ekitaldia egin zuten: “Ugarteko”k 777.000 euroko kalte ordainak eskatu dizkie Cabacas familiari, Garari eta Naizi.
Cabacas hil zuten gauean Ertzaintzaren barne-zirkuitutik emandako aginduak argitaratu zituzten Garak eta Naizek eta “Ugarteko”ren arabera, “modu partzialean” eman zituzten, egunean gertatu zenaz bestelakoa den gertakarien segida aurkeztuz.
"Ugarteko" bere izen-abizenez idenfitikatu izana ere leporatu die egunkariari eta hedabide digitalari. Agentearen abokatuak dioenez, hori egitea etengabe zigortu izan dute epaitegiek. Hedabideok agentearen NAN zenbakia ezagutzen zutela argitaratu izana "mehatxu" gisa hartu zuen "Ugarteko"k, haren abokatuaren arabera.
Gainera, ertzaina kexu da Iñigo Cabacasen aitak 2014an Naizi eskainitako elkarrizketa batean “Ugarteko” oraindik kartzelan ez egotea deitoratu zuelako. Kexu da, halaber, Jone Gorizelaiak, Cabacas familiaren abokatuak, "Ugarteko" bere polizia zenbakiarekin identifikatu zuelako.
Agentearen abokatuak Goirizelaiaren kontra egin du, hedabideen aurrean halako adierazpenak ez lituzkeela egin behar esanez.
Bere postutik kendu zuten
Aipatutako informazioak publiko egin ondoren oihartzun handia izan zuten Euskal Herriko hedabideetan, baita Espainiako Estatuan ere. Horren ondoren Eusko Jaurlaritzako Segurtasun Sailak kargutik kendu zituen operatiboan parte hartu zuten lau ertzain, baita “Ugarteko” bera ere.
Ertzainak azaldu duenez, horren guztiaren ondorioz tratamendu psikiatrikoa eta psikologikoa jaso du hemezortzi hilabetez eta “kalte pertsonal eta moralak” eragin zaizkio. “Aisialdirako gaitasuna” ere galdu duela dio jarritako salaketan. “Bere buruarengan konfiantza galtzea”, “isolamendu soziala” eta “bere izena ahots goran entzutean antsietatea” jasaten dituela dio, besteak beste.
“Kalte” horietan oinarrituta eskatzen dizkie bere agindupean egindako operazioan hil zuten Iñigo Cabacasen familiari, Garari eta Naizi 777.000 euro. Familiak eta hedabideek ez zuten eskatutakoa onartu eta Ertzaintzako kideak bide judizialari eusteko aukera irekita geratu da, Iñaki Iriondok asteleheneko Garan argitaratu duenez.
Omenaldia egin diote Iñigo Cabacasi, bere heriotzaren hamargarren urteurrenean. Iñigo Cabacas Lizeranzu plaza izendatu dute Ertzaintzaren pilotakada batek hil zuen kantoia. Antolatzaileek eta gurasoek herritarren babesa eskertu dute, eta erakundeen... [+]
Apirilaren 5ean hamar urte bete dira Ertzaintzak jaurtitako gomazko pilota batek Iñigo Cabacas larriki zauritu zuenetik. Apirilaren 9an, ostera, Cabacasen heriotzaren hamargarren urteurrena beteko da, pilotakadaren ondorioz hil egin baitzen gaztea. Data seinalatu... [+]
Abenduaren 15ean Ertzaintzak artxibatu egin zuen Cabacasen hilketari buruzko barne ikerketa, eta gurasoek gutun batean adierazi dute “harridura eta atsekabea” eragin ziela erabakiak. Josu Erkoreka Jaurlaritzako Segurtasun sailburuari leporatu diote euren samina... [+]
Eusko Jaurlaritzako Segurtasun sailburu Josu Erkorekak azaldu duenez, sei auzipetuei ezin zaie ardura diziplinariorik eskatu, haietako bost (Juan José de Pablo 'Ugarteko' ertzainburua tartean) jada ez direlako funtzionarioak, eta seigarrenak, tiro egiteko agindua... [+]
Bizkaiko Auzitegiak erabaki du bi urtez bertan behera uztea Iñigo Cabacas hiltzea kondenatutako Ertzaintzako agenteari ezarritako bi urteko kartzela zigorraren gauzatzea. Ebazpenaren arabera, espetxe zigorra betearaziko diote, baldin eta Juan Jose de Pablo ertzain... [+]
Bizkaiko Probintzia Auzitegiaren epaia berresten du bere erabakiarekin Espainiako Epaitegi Gorenak. Ertzain bakarra izan zen zigortua Iñigo Cabacasen heriotzagatik.
Ertzaintzak “eraldaketa sakona” aurrera eraman ondoren, “hobera” egin duela dio Segurtasun sailburuak. Cabacasen familiak “gezurretan” aritzea leporatu dio.
Cabacas kasuko auziperatuen “inpunitatea hautsi” eta berriz horrelako gertakaririk ez izatea bermatu behar dela azpimarratu dute manifestariek. Justizia egiteko borrokan jarraituko dutela ere adierazi dute.
Paintballeko eskopetekin koloredun pilotak tirokatuz Olagibel kaleko Ertzaintzaren komisaldegia margotu du Ernaik, Cabacas auziaren epaia salatzeko.
Cabacas auziko epaia salatzeko elkarretaratzeak egin dituzte Bilbon asteazkenean eta igandeko manifestazio handirako deia egin dute. Gasteizen mobilizazioekin jarraituko dute ostegunean.
Ostegunean eman zuen epaia Bizkaiko Lurralde Auzitegiko epaimahaiak. Iñigo Cabacasen guraso, senide, lagun eta kasuko abokatuek jakinarazi dute Auzitegi Gorenean helegitea jarriko dutela.
Iñigo Cabasen heriotzagatik kondenatutako ertzainak ez du kartzelara sartu behar izango, baina lau urteko inhabilitazioa ezarri dio Bizkaiko Lurralde Auzitegiko epaimahaiak.
Iñigo Cabacasen senide eta lagunek epaiketaren balorazioa egin dute ostiralean Bilboko Kafe Antzokian deitutako prentsaurrekoan. Beraien ahotik kontatu nahi izan diote jendarteari gertatutakoa, baita nola sentitzen diren ere.
Iñigo Cabacasen heriotza argitzeko epaiketaren azken aurreko egunean, behin betiko ondorioak eta eskaerak aurkeztu dituzte alde guztiek. Hasierako eskaerari eutsi dio fiskalak: ez du deliturik ikusten eta absoluzioa eskatu du akusatuentzat. Minduta, haserre, malko artean... [+]
Urriaren 15ean ekin zitzaion Iñigo Cabacasen heriotzaren gaineko epaiketari, eta azaroaren 9an amaituko da. Orain arteko saioetan kontrajarri egin dira ertzainen gehiengoen eta kaleko testiguen bertsioak. Asteartetik aurrera adituek deklaratuko dute.