Burujabetza esperientzien bankua sortu du Udalbiltzak
Hartu-Eman esperientzien bankuak Euskal Herria "burujabetzaren bidean" jartzen duten ekinbideak bildu, saretu eta helaraztea izango du helburu. Dagoeneko hogeitamar esperientzia daude ikusgai Udalbitza.eus webgunean.
Udalbiltza Partzuergoak martxan jarri du, Hartu-Eman burujabetza eta garapena bultzatzeko esperientzien bankua. "Euskal Herriko gizartean hain ugariak diren lankidetzarako sinergiak, udalgintzaren arlora zabaltzeko ahalegina" da honakoa, erakundearen esanetan.
Udal eta herrietan proiektu aitzindari eta aurrerakoi ugari ari dira garatzen, eta hori guztia biltzea da ekimen honen helburua: "Esperientzia multzo hori Euskal Herriko gainerako udalen mesedetara jartzea du xede, nazio mailako harreman sareak ehunduz eta hautetsien formazioa ahalbidetuz".
Udalbiltza.eus webgunean paratutako plataforman, orotara hogeitamar esperientzia jarri dituzte ikusgai, zazpi lan-ildotan antolatuta: Energia Burujabetza, Elikadura burujabetza, Etxebizitza eta hirigintza, Lurr lantzeko erraztasuna, Ekonomia sozial eraldatzailea, Euskara, eta politika feministak. Ekinbide horiek hainbat irizpide bete behar dituzte, hala nola eraldatzaileak izan, "transportagarriak" izan –beste herrietan ere martxan jartzeko moduakoak– eta "gizarte onura" helburu nagusitzat edukitzea.
Hala, webgunean kontsulta ditzakegu hainbat lurralde eta tokitako proiektu anitzak: Errekaleor Gasteizko auzo autogestionatua, Laudioko baratze ekologikoak, Urduñako herri sukaldea, Zuberoako Gazteen Aurrezkirako Lekuko Taldea, Hernaniko klausula sozialak, Koop57, I-Ener... Horien eta gehiagoren informazio zabala eskaintzen du bankuak, euskaraz, gaztelaniaz eta frantsesez.
Udalbiltzak azaldu duenez, urtero esperientzia berriak jasoko dituzte eta "etengabe elikatzen joango da".
Udalbiltzak 2021etik antolatzen du Geuretik Sortuak sormen beka. Oraingoan, literaturaren alorrari dagokion Hamarreko bitxia ipuin liburua aurkeztu dute Donostian.
Hernani Burujabe herri proiektuak, Hernaniko Udalak eta Udalbiltzak hiru eguneko jardunaldiak antolatu dituzte urriaren 19tik 21era, burujabetzen gaia ardatz hartuta, herrigintza eta udalgintza ikuspegi eraldatzaile batetik jorratzeko. Hainbat esperientziren inguruko hitzaldiak... [+]
Udalbiltzak bere lehen kultur-egitasmoa martxan jarri du: Geuretik Sortuak proiektua. Artistek beren sormen lana burutzeko hiru aste bitarteko egonaldia egingo dute, bere bizilekua ez den herri batean. Udalbiltzak azaldu duenez, proiektu honek "euskal kultura Euskal Herriko... [+]
Artikulu honek udalgintza eraldatzailearen adibide praktiko bat azaltzen du: despopulazioa, langabezia edo zerbitzuen irisgarritasunean arazoak dituzten zonaldeetan ekonomia suspertzeko Udalbiltzak eta Olatukoopek elkarrekin martxan jarritako Hauspotu programa, hain zuzen... [+]
Ekonomia sozial eraldatzaileko proiektuek (ESE) eguneroko praktikan erakusten dute posible dela jardueren erdigunean dirua metatzea ez den baloreak jartzea. Haien arteko sareak indartuz doaz, jarduera ekonomikoen fase bakoitza geroz eta gehiago ESEko proiektuen bidez hornitzeko... [+]
Apirilaren 24ean zendu da Lekuinen bizi eta bertako hautetsi abertzalea ere izandako Dominique Duhalde. Koronabirusaren testuinguruagatik berehala egitea ezinezkoa izan arren, omenaldia eskainiko diote egoera baretuko denean.
Herri eta bailara ugari basamortu bihurtzen ari da Euskal Herrian. Lan eta zerbitzurik gabe, egungo merkatuak bazterturiko eremuotan nola bizi? Egoera hori irauli nahi du Udalbiltzak, eta horretarako, logika lehiakorretik at, pertsonak erdigunean jartzen dituen ekonomia... [+]
Joan den ostiralean aurkeztu zuten Donostian Hauspotu, herriak bizituz programa, Euskal Herriko eremu zabalek nozitzen duten despopulazio eta gainbeherari tokiko proiektu eraldatzaileen bidez aurre egiteko. Udalbiltzak, Koop57 finantza erakundeak eta OlatuKoop sareak elkarlanean... [+]
Jabi Asurmendi Sainz, Arakaldoko alkatea (EH Bildu), izango da Udalbiltzako lehendakaria 2019-2023 epealdian, Luis Intxausperi lekukoa hartuta.
“Euskal Herri burujabe bat eraikitzeko bidean” 20 urte bete ditu Udalbiltzak, “Euskal Herriko garapen eta barne kohesioa sustatzea helburu”. Lehendakari eta zuzendaritza politiko berria iragarri ditu partzuergoak, eta martxan jarriko dituzten proiektuen... [+]
Koop57 irabazi asmorik gabeko kooperatibak eta Udalbiltzak lankidetza hitzarmena sinatu dute, hiru ardatzetan oinarrituta: Euskal Herriko lurralde desorekak arintzea, ekonomia soziala eta tokiko garapena sustatzea eta Euskal Herriaren kohesioan laguntzea.
Euskal Herriko udaletxe askotan abenduaren 6a lan eta aldarrikapen eguna izango dela adierazi dute Luis Intxauspe Udalbiltzako presidenteak eta Patricia Perales Iruñeko Udaleko zinegotziak.
Igandean goizeko bostetan eskoletako ateetan egon behar dela diote batean eta bestean, behin eta berriz, hori da mezu nagusia nonahi Bartzelonan. Seietan Mossoak joango ei dira eskolak hustera.