Buru belarri lanean, Gasteizko Txosnak abuztuaren 4an irekitzeko
Agerraldia egin dute Txosna Batzordeko kideek, hiru urteren ostean txosnaguneari ongi etorria emateko. Iragarri dutenez, Mirentxin Gidariak kolektiboari emango diote aurtengo txosnisaria.
Muntaian burubelarri murgilduta daude herri mugimenduaren topagune diren Gasteizko Txosnetan, jaiak hasteko hiru egun baino falta ez direla. Bi urteko geldialdiaren ostean, idarberrituta ekingo diote pogramazioari aurten txosnek, abuztuaren 4an.
Aurten zazpi txosna, bi karpa eta karpa komun bat egongo dira Gasteizko kanpusean. Bi espazio nagusiez gain (Entxosnatu karpa eta agertoki nagusia), gainontzeko txosna eta karpek ere programazio propioa izango dute. Tranbiaren obrek espazioaren antolaketan eragn badute ere, unibertsitate eremuan mantendu da txosnagunea.
Ohi bezala, egun bakoitzak «izaera berezia» izango du. Besteak beste, Entxosnazio Eguna ospatuko da abuztuaren 8an. Egun hori, bi urteren ostean, «herri mugimenduetako eragile ezberdinak berrelkartzeko parada» izango dela azaldu du txosna batzordeak. Aurten lehen aldiz Entxosnazio Eguna Alde Zaharrean hasiko da 12:00etan Irrien Lagunak ikuskizunak emango dio hasiera, eta marianitada eta bazkaria egingo dira ondoren. Arabako produktu ekologikoekin egingo da bazkaria. Txan Magoaren ikuskizuna eta txosnibusa, gero, «txosnaguneaz gozatzen segitzeko».
Txosnagunean edalontzi berrerabilgarri eta birziklagarriak erabiliko dituzte. Produktu ekologikoen eta elikadura-subiranotasunaren aldeko apustua indartu nahi du Txosna Batzordeak, eta Gasteizen berriki jaio den Herrizoma Elikadura Sarerak ekoizitako garagardoa izango da salgai aurten.
Mirentxin Kolektiboak jasoko du 2022ko txosnisaria
Gasteizko Txosnek 42 urte betetzen dituzten honetan Txosnisaria Mirentxin Kolektiboak jasoko duela ere iragarri dute agerraldian. Euskal preso politikoen senideak kartzeletara eramaten zituen gidari taldeak bukatutzat eman du bere bidea, urteen poderioz, konplizitate bat sortuz kilometroz kilometro. Txosna batzordeko kideek azaldu dutenez, «Mirentxineko furgonetetan urte hauetan guztietan argi izan dute protagonista nagusiak presoen senide eta lagunak direla; baina orain, milaka maitasun kilometroren ostean, eragile honi ere eskerrik asko esateko ordua dela uste dugu».
Gasteizko Txosnetan presorik gabeko txosnagunea nahi dutela ere gogorarazi dute eta hala aldarrikatuko dutela abuztuaren 5ean egingo den kalejiran eta elkartasun egunean.
Erasorik gabeko espazioa
Txosnagunean jai eredu «euskaldun, anitz, parte-hartzaile eta herrikoiaren aldeko apustu garbia» berretsi dute eragileek eta, zentzu horretan, eraso matxistarik gabeko espazioa izango dela aldarrikatu. Txosnek bere egingo dute Gasteizko Mugimendu Feministaren protokoloa eraso matxisten aurka eta dei egin dute Mugimendu Feministak erasoak salatzeko jarritako telefono zenbakia erabiltzeko: 747 41 48 34.
Bi bortxaketa eta beste sei erasoren salaketa zuzenak jaso ditu Gasteizko Mugimendu Feministak. Elkarretaratzea egin du erasoak salatzeko txosna gunean, ostegunean. Gasteizko Udalak elkarretaratzea ostiralean 11:00etan egin du. Erasoen harira ez dute inor atzeman, momentuz.
Arabako Aldundiak TicketBai sistema ezartzea exijitzen die txosnei, eta uko egiten dio Gasteizko Txosnen Batzordeak. Hala ere, jaietan txosnak jarriko dituztela ziurtatu du batzordeak. “Erasoa” Euskal Herriko jai herrikoi eta herri eragile guztien aurkakoa dela... [+]
Gasteizko jaiak hasteko aste gutxi falta direla, Gasteizko Txosna Batzordeak urgentziazko prentsaurrekoa eman du, salatzeko Arabako Foru Aldundiak txosnetan TicketBAI ezartzera derrigortu nahi dituela. "Parekatu egin nahi dituzte txosnak eta irabazi ekonomikoa helburu duen... [+]
Azken asteetan txosnen harira eztabaidaren erdian egon diren Mugimendu Sozialistako eragileek –Gasteizko GKS eta Etxebizitza Sindikatuak, eta Bilboko Luberri konpartsak– prentsaurreko bateratua eman dute ostegun goizean Gasteizen. Nahiz eta ukatu egin dituzten... [+]
Gorka Urtaran hiriko alkateak adierazi duenez bultzadak eta irain homofoboak salatu dituzte. Pertsona batek salaketa jarri du.
Emakume sozialisten Itaia antolakundeak ziztaden aurkako mobilizazioak deitu ditu –Gasteizen 3an, Donostian 13an eta Bilbon 19an– eta horrekin batera, eraso mota honi buruz egiten duen irakurketa plazaratu du. Azpian osorik irakurgai.
Jaietan txosna jartzea debekatu dietela salatu zuten otsailean eta orain txosnak hiriko beste leku batean jartzeko baimen berezia eskatu dute. Manifestuan Gasteizko Udalari baimena onartzeko eskaria egin diote.
Abuztuaren 4a eta 9a bitartean ospatzen dira Gasteizko jaiak. Aurten, pandemiak eragindako bi urteko geldialdiaren ostean, txosnak egongo dira berriro ere Gasteizko Campusean, jai herrikoi eta herri mugimenduarentzako bultzada.
Entxosnatu lelopean, txosnak hainbat ekitaldi burutzen ari dira gaur.
Gorka Urtaran alkateak ohartarazi du Udalak ez duela Gasteizko Txosnen herri bazkaria egiteko baimenik emango, gainerako jarduerak egin ahal izango badituzte ere.
Abuztuaren 3tik 8ra bitartean, dozenaka kontzertu eta bestelako ikuskizun ugari izango dira Gasteizko jaietan. Uda osoan bezala, aire zabaleko ekitaldiak izango dira nagusi, eta hitzordu guztiak bildu ditugu ALEAn.
Iaz bete zituzten 40 urte Gasteizko Txosnek, baina ezohiko egoerak eraginda "etenaldi bat" egitea erabaki zuten. Hala ere, ez dute inola ere haien jarduna eten eta eguneroko lanari ekiten jarraitu dute Txosna Batzordea osatzen duten eragileek. Aurten kaleak hartzeko... [+]
Astearte goizean aurkeztu dute Gasteizko Txosnak osatzen duten eragileek 2021. urteko Banda Lehiaketa. Iaz ganoraz ospatu ezin izan zuten txosnen 40. urteurrenaren baitan.
GEU Elkarteak Aihotz plazako txosna kudeatu izan du azken urteotan. Euskarari jai-eremu propio bat eskaintzeaz gain, elkarteak urtean zehar antolatzen dituen beste zenbait egitasmo egiteko beharrezkoa den diru-iturria ere eskaintzen du. Jairik ez ospatzeak kalte ekonomikoa... [+]
1957an bederatzi gizonen talde batek asmatu zuen tradizioa bertan behera utzi du koronabirusak. Gasteizko hemerotekan eta artxiboetan toki pribilegiatua izango dute gaurko egunek, 1977an euskaraz argitaratu zen lehen jaietako kartelaren antzera edo Fronton Vitorianoko pilota... [+]