Burlatako eta Errekaldeko gaztetxeen defentsan, indarrak batzera deitzen ari dira
Iruñerrian bat egin dute hainbat Gazte Asanbladak, Burlatako Gaztetxearen alde. Etxarriren desalojoa gelditzera deitzeko, bestalde, manifestazio bat antolatu dute Bilbon hilaren 28rako.
Berehalako desalojo arriskuan daude Burlatako (Iruñerria, Nafarroa) eta Errekaldeko (Bilbo, Bizkaia) Gaztetxeak. Burlatako Udalaren arabera, martxoaren erdialderako hustu behar da bertako Gaztetxea, segituan hasiko direlako eraikinaren eraistea ekarriko duten obrak, Nogalera 2025 proiektuaren barruan. Errekaldeko Etxarri II Gaztetxea, berriz, apirilaren 4an hustu nahi dute, hango kideek jaso duten huste-aginduak zehazten duenez; etxebizitza berriak egiteko erosi ditu inguruak Amenabar eraikuntza-enpresak. Ez Burlatako ez Bilboko udalek ez dute alternatiba errealik bermatu bi Gaztetxeak lekualdatzeko.
Beraz, bietako asanbladak ari dira borrokan, Gaztetxeen defentsan. Errekaldeko kideen kasuan, mobilizazio-deialdi bat egin dute martxoaren 28rako, ostiralerako: manifestazio bat antolatu dute Errekalden bertan, Etxarri II Gaztetxearen desalojoa gelditzera eta Gaztetxeak defendatzera deitzeko. 18:30ean hasiko da mobilizazioa Errekaldeko plazatik, eta Euskal Herriko Gaztetxe ugariren babesa jasotzen ari da.
Burlatako Gaztetxearen alde, bestalde, agerraldi bat egin dute berriki Iruñerriko hainbat Gazte Asanbladatako kideek, Burlatak Gaztetxea behar du aldarriaren pean. Barañaingo Gazte Asanbladak, Txantreako Haustura asanbladak, Beriaingo Gazte Mugimenduak, Errotxapeko Gazteek, Atarrabiako Gazte Asanbladak, Alde Zaharreko Gazte Mugimenduak, Arrosadiako eta Azpilagañako Gazte Mugimenduak, Mendillorriko Gazte Asanbladak, Zizurko Gazte Asanbladak eta Esteribarko Gazte Asanbladak egin dute bat Burlatako Gaztetxearen aldeko adierazpenean.
Ezinbesteko espazio bat gazteen antolakuntza independenterako
Iruñerriko gazte-kolektibo horiek guztiek salatu dutenez, "alternatiba errealik gabeko desalojoa da Gaztetxearen auziari eskaintzen dioten aterabide bakarra", eta "gobernu-taldeak arazoaren gainean duen ardura seinalatu" dute. "Argi geratu da berriz ere alderdi instituzionalek ez dutela inongo interesik antolakuntza independenterako espazioak egon daitezen eta bide burokratikoak beste mekanismo bat besterik ez direla horrelako espazioak menderatzeko eta desagerrarazteko", gaineratu dute.
Zentzu horretan, iritzi diote Burlatako Gaztetxearen eta Gazte Asanbladaren lana "ezinbestekoa" dela "antolakuntzan eta borrokan oinarritzen den kultura bat hedatzen joateko", eta Gaztetxeak "ekarpen handia" egin duela horretan, "bai Burlatan bai Iruñerrian ere". "Desmobilizazioak, apatia politikoak, indibidualismoak eta ziurgabetasunak ezaugarritzen duten garaian, Gaztetxearen ekarpena inoiz baino garrantzitsuagoa dela uste dugu", esan dute: "Gazteon antolakuntza independenterako espazioen beharra aldarrikatu nahi dugu". Horri lotuta, Burlatako Gaztetxea defendatzeko deia zabaldu dute.
Asteburu honetan hasiko da Gaztetxeak Bertsotan egitasmo berria, Itsasun, eta zazpi kanporaketa izango ditu Euskal Herriko ondorengo hauetan: Hernanin, Mutrikun, Altsasun, Bilboko 7katun eta Gasteizen. Iragartzeko dago oraindik finala. Sariketa berezia izango da: 24 gaztez... [+]
Errekaldeko Gaztetxearen aurkako huste-agindua heldu da jadanik. Espazioa defendatzera deitu dute bertako kideek.
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
Larrabetzuko Hori Bai Gaztetxeak 60 urte bete ditu. Euskal Herriko Gaztetxe zaharrena da Larrabetzukoa.
1965ean sortu zen Larrabetzuko Hori Bai gaztetxea, frankismo garai betean. Ordutik ez ditu ateak itxi, eta 2025ean 60 urte bete ditu. “60 urte lotu barik” lelopean eman diote hasiera urteurrenari gaztetxeko kideek.
Eraikin osoan zehar egin dituzte margoketa faxistak. Erasoa salatzeko, protesta bat antolatu dute larunbaterako.
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]
Kaletik Gaztetxera asanbladak ostiralean jakinarazi zuen lehengo Correos birjabetu duela, Gaztetxe bilakatzeko. Hainbat ekimen antolatu dituzte bertan azken egunetan, eta jende andana bertaratu da.
Pasa den urriaren 30ean, Portugaleteko Sastraka Gaztetxeko bederatzi lagun auzipetu zituzten. Handik egun batzuetara Portugaleteko kaleak hartu zituzten hainbat lagunek gaztetxearen defentsan. Bi egun geroago, fiskalak karguak kendu zituen.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Azaroaren 5ean epaituko dituzte Barakaldoko epaitegian. “Kapitalismoaren logikatik kanpo” dagoen alternatiba bat sortzeagatik okupazio mugimendua “kriminalizatu eta zigortu” nahi dutela salatzen dute gaztetxeko kideek. Txirbilenea Kulturgunearen hustearen... [+]
2020an birjabetu zuten espazioa Portugaleten, eta horren harira epaituko dituzte bederatzi pertsona azaroaren 5ean. Ostiral honetan manifestaziora deitu dute, 'Okupazioaren kontrako erasoak gelditu' lelopean.
Euskal Herri mailako topaketak antolatu dituzte hainbat gaztetxe eta gazte asanbladatako gazteek urriaren 19rako, Leitzan (Nafarroa). Mugimenduaren egoeraz eta egitekoez hausnartu, elkarren artean saretu, eta borrokarako indartzea dute helburu. Idatziz erantzun diete ARGIAren... [+]
Autogestio espazio "irekiak, asanblearioak eta horizontalak" eraiki nahi dituzten gaztez osaturiko gaztetxe eta gazte asanbladak antolatutako jardunaldiek gaur egun atomizatua eta polarizatua dagoen esparru batean eragin nahi dute.