Bullyingaren aurrean eskolak ez direla nahikoa inplikatzen dio Gipuzkoako Adin Txikikoen Fiskaltzak
Erraza al da eskola-jazarpena antzematea eta moztea? Erremintak gero eta gehiago dira, "baina ez da protokolo kontua", bullyingaren aurrean ikastetxeek oro har ez dutela nahikoa arreta jartzen, ez direla behar adina inplikatzen eta ematen duten erantzuna ez dela aski ohartarazi du Gipuzkoako Adin Txikikoen Fiskaltzak.
Bullying kasu baten harira egin ditu adierazpenak Adin Txikikoen Fiskaltzak. Urte batzuetatik hona, gaia eskolan lantzeko tresnak ugaritu egin dira, baina salbuespenak salbuespen, oro har ikastetxeetan ez zaio aktiboki aurre egiten ikasleen arteko jazarpenari, Fiskaltzaren hitzetan. Jazarpen kasu baten berri dutenean, eskolek gehiago inplikatu behar dutela dio, ematen den erantzuna ez dela nahikoa izaten. Aurrez, "irakasleek arreta handiagoa jarri beharko lukete egoera pertsonal, familiar edo sozialarengatik bullyingaren jomuga izan daitezkeen edo izaten ari diren gazteengan".
Maiz huts egiten dute protokoloek, eta horren erakusle da zein ohikoa den biktima eskolaz aldatzeko joera, jazarpena tartean denean
Gaia eskolan lantzeko ekimenak ez dira gutxi. Besteak beste, fokua taldean eta lekuko pasiboengan jartzen duen KiVa metodoa, bizikidetza positiborako curriculuma helburu duen Bizikasi ekimena edota harreman osasuntsuak elikatzeko Haziak proiektua ezagutu ditugu urteotan. Irakasle, klaustro eta eskolek protokoloak ere ezagun dituzte, nahiz eta maiz protokoloek huts egin, eta horren erakusle da zein ohikoa den biktima eskolaz aldatzeko joera, jazarpena tartean denean. Behar bezalako lanketak denbora eta baliabideak eskatu ohi ditu. Eta eskolaz harago, jakina, familiena ere bada ardura: erasotzailearen etxean gurasoek esku hartzea erabakigarria izan daiteke.
Azken datuen arabera, eskola-jazarpen kasuek gora egin dute EAEn, eta Bigarren Hezkuntzan antzeman dira kasu gehienak.
Bullying kasuetara ez iristeko onena elkarren arteko tratu onak sustatzea dela sinetsita, Haur, Lehen eta Bigarren Hezkuntzako 67 ikastetxek parte hartzen dute Nafarroako Laguntza programan. Ikasleekin enpatia, bizikidetza, komunikazio asertiboa… lantzeko prestatzen... [+]
Incel, cyberbullying, sexting, catfishing, ciberbating, doxxing, gaslighting, grooming, sextorisioa… Azkenaldian, gizakion jokabide ezkor guztiak eremu digitalean “tag-eatuak” izaten ari dira, badirudi eremu fisikoan genituen adierazpenek ez dutela balio... [+]
Nafarroako hamabost ikastoletan txertatu zuten KiVa programa finlandiarra 2016an. Honekin fokua jarri zuten eskola-jazarpenaren prebentzioan eta tratamenduan. Ikastolen elkarteak prentsaurrekoa egin du programa baloratzeko eta adierazi du emaitza “oso positiboa” izan... [+]
Maiatzaren 2a, Bullying-aren aurkako Nazioarteko Eguna izan da, eta horregatik, eskola jazarpenaz aritzen den hizlari Iñaki Zubizarretagaz (Getxo, 1972) mintzatzeko aukera izan dugu. Bere fisikoari erreparatuta, inork ez luke esango saskibaloi jokalari profesional ohiak... [+]
Eskola-jazarpenaren kontrako egunean, joan den ikasturteko datuak aurkeztu ditu Eusko Jaurlaritzak: 157 bullying kasu identifikatu dituzte EAEko ikastetxeetan, aurreko ikasturtean baino 28 gehiago. Bigarren Hezkuntzan izan dira kasu gehienak, eta hitzezko erasoak izan dira... [+]
Lucasek 13 urte baino ez zituen, urtarril honetan bere buruaz beste egitea erabaki zuenean. Homosexuala zelako auzoan eta batez ere eskolan jasaten zuen jazarpenak eraman du heriotzara, gurasoek salatu dutenez. Bullyingaren eta homofobiaren aurkako borroka eztabaidagai jarri du... [+]
Pasa den ikasturtean Hezkuntza Ikuskaritzak eskola jazarpen gisa identifikatutako kasuen berri eman du Eusko Jaurlaritzak: 157 kasu guztira –aurreko ikasturtean 129–, gehienak DBHn gertatu dira eta hiru kasutik bat ziberbullyinga izan da.
Haurtzaroan adbertsitateak bizi izan dituzten haurrek motxila zamatuta eramaten dute eskolara, eta eskolan bizi duten esperientziak are gehiago zamatu ohi die motxila. Egoera hauetan hezkuntzak eta hezitzaileek egin dezaketenaz mintzatu zaizkigu Gema Lasarte eta Beatriz Garai... [+]
Bullyingaren biktima izan ohi da beti edo ia beti eskolaz aldatzen dena, baina sistema justu batean, erasotzailea kaleratu beharko luketela adierazi du ikastetxe bateko zuzendariak. Eztabaida piztu du gaiak, afera konplexuagoa dela azaleratuz.
LGBTfobiaren adibide lazgarriak ugariak izan dira 2021ean, Euskal Herrian eta munduan. Andaluziatik iritsi da azken kolpea: 20 urteko emakume batek bere buruaz beste egin zuen abenduaren 28an, lesbiana izateagatik bortizki jazartua izan ostean. Lau salaketa jarriak zituen.
Urtetako eskaera errealitate bihurtu da ikasturte honetan: Eskoziako ikastetxe publiko guztietan, sexu identitate anitzek lekua dute hezkuntza curriculumean. Aniztasun hori ikusgai egiteaz gain, ikasle ez heterosexualen eskola-esperientzia hobetzea eta bullyinga murriztea ere... [+]
Identifikatutako kasuen ehuneko handiena Bigarren Hezkuntzan izan dira, ehun kasutik 63. Azpimarratu beharrekoa da jazarpen hauen %25 internet, sare sozial edo bestelako bitarteko zibernetikoen bidez egin dela. Bestalde, ISEI irakats sistema ebaluatzeko eta ikertzeko erakundeak... [+]
17 urteko neska batek bere buruaz beste egin du Galizian, bisexuala zela esan zuenetik eskolakideengandik jasan zuen jazarpenaren ondorioz. Galiziako dozena bat LGBTI+ elkarte oso gogor mintzatu da, fokua erasotzaileengan jarriz: “Bisexual izateagatik gorroto zuen eta hala... [+]