Bullyinga ekiditeko programaren balorazio “oso positiboa” egin dute Nafarroako ikastolek
Nafarroako hamabost ikastoletan txertatu zuten KiVa programa finlandiarra 2016an. Honekin fokua jarri zuten eskola-jazarpenaren prebentzioan eta tratamenduan. Ikastolen elkarteak prentsaurrekoa egin du programa baloratzeko eta adierazi du emaitza “oso positiboa” izan dela.
Eskola jazarpenaren aurkako programari buruzko prentsaurrekoa egin du Nafarroako Ikastolen Elkarteak. Guztira Nafarroako hamabost ikastoletan txertatu zuten KiVa izeneko programa, eta 4.244 ikaslerengan eta 739 langilerengan eragiten du. Elkarteak adierazi duenez, “inflexio-puntua” izan da programaren ezarpena, eta balorazio “oso positiboa” egin dute. KiVa Turkuko Unibertsitateak garatu zuen Finlandian. Nabarmendu dutenez, azken sei urtetako datuen emaitza “positiboa” izan da, jarraipena egiteko unibertsitateak bidaltzen dituen galdetegi anonimoen arabera.
2016an txertatu zuten lehen aldiz lehen hezkuntzan, eta 2019tik aurrera DBHn ezarri zuten. Ikastolen Elkarteak azpimarratu du programak “bereziki” bullyingaren prebentzioan jartzen duela fokua: “Gakoa ikasleen jarreran eragitea da, haien jarreraren eta pertzepzioaren aldaketa proposatzen du. Gelan lantzen diren unitate didaktikoen bidez lortzen da hau”.
Halaber, programak bere gain hartzen du ikastolako komunitate osoa, eta programan inplikatzen ditu ikasleak, irakasleak, langileak eta gurasoak: “Ikastola bakoitzak KiVa taldea dauka eta ikasle guztiek dakite beraiengana jo behar dutela”.
2009an hasi ziren Finlandian KiVa metodoa erabiltzen, bullying edo eskola jazarpenari aurre egiteko. Erasotzaileen kopurua erdira eta biktimena heren bat jaistea lortu zuten urte gutxian, eta herrialdeko Lehen eta Bigarren Hezkuntzako ikastetxe ia guztietan ezarri zuten. Metodoaren arrakasta ikusita, nazioartera hedatu zuten programa eta gurean Ikastolen Elkarteak ezarri zuen zenbait ikastolatan. ARGIAko Mikel Garcia programaren nazioarteko koordinatzaile Johanna Alanenekin mintzatu zen 2016an. Hemen irakur daiteke programaren nondik norakoei buruzko elkarrizketa.
Material aukera zabala
Programaren onurak zerrendatu ditu elkarteak. Esaterako, jakinarazi dute tresna eta material “aukera zabala” eskaintzen duela, eta bi astez behin lantzen dituztela tutoretza orduan. Bestalde, “esku hartze eredu argia” eskaintzen du eskola jazarpen kasuetan. Ziberjazarpena gero eta ohikoagoa den garaiotan, lantzeko materiala ere eskuragarri dago programan.
“Eskola jazarpena fenomeno globala izateaz gainera, fenomeno sozial eta taldeko fenomenoa ere bada. Eskola jazarpena Nafarroako ikastolentzat kezka nagusia izan da beti”, adierazi dute. Halaber, nabarmendu dute “funtsezkoa” dela ikasleek balio pertsonal eta sozial sendoak garatzea “gizarte hobe bat eraikitzeko”.
Bullying kasuetara ez iristeko onena elkarren arteko tratu onak sustatzea dela sinetsita, Haur, Lehen eta Bigarren Hezkuntzako 67 ikastetxek parte hartzen dute Nafarroako Laguntza programan. Ikasleekin enpatia, bizikidetza, komunikazio asertiboa… lantzeko prestatzen... [+]
Incel, cyberbullying, sexting, catfishing, ciberbating, doxxing, gaslighting, grooming, sextorisioa… Azkenaldian, gizakion jokabide ezkor guztiak eremu digitalean “tag-eatuak” izaten ari dira, badirudi eremu fisikoan genituen adierazpenek ez dutela balio... [+]
Erraza al da eskola-jazarpena antzematea eta moztea? Erremintak gero eta gehiago dira, "baina ez da protokolo kontua", bullyingaren aurrean ikastetxeek oro har ez dutela nahikoa arreta jartzen, ez direla behar adina inplikatzen eta ematen duten erantzuna ez dela aski... [+]
Maiatzaren 2a, Bullying-aren aurkako Nazioarteko Eguna izan da, eta horregatik, eskola jazarpenaz aritzen den hizlari Iñaki Zubizarretagaz (Getxo, 1972) mintzatzeko aukera izan dugu. Bere fisikoari erreparatuta, inork ez luke esango saskibaloi jokalari profesional ohiak... [+]
Eskola-jazarpenaren kontrako egunean, joan den ikasturteko datuak aurkeztu ditu Eusko Jaurlaritzak: 157 bullying kasu identifikatu dituzte EAEko ikastetxeetan, aurreko ikasturtean baino 28 gehiago. Bigarren Hezkuntzan izan dira kasu gehienak, eta hitzezko erasoak izan dira... [+]
Lucasek 13 urte baino ez zituen, urtarril honetan bere buruaz beste egitea erabaki zuenean. Homosexuala zelako auzoan eta batez ere eskolan jasaten zuen jazarpenak eraman du heriotzara, gurasoek salatu dutenez. Bullyingaren eta homofobiaren aurkako borroka eztabaidagai jarri du... [+]
Pasa den ikasturtean Hezkuntza Ikuskaritzak eskola jazarpen gisa identifikatutako kasuen berri eman du Eusko Jaurlaritzak: 157 kasu guztira –aurreko ikasturtean 129–, gehienak DBHn gertatu dira eta hiru kasutik bat ziberbullyinga izan da.
Haurtzaroan adbertsitateak bizi izan dituzten haurrek motxila zamatuta eramaten dute eskolara, eta eskolan bizi duten esperientziak are gehiago zamatu ohi die motxila. Egoera hauetan hezkuntzak eta hezitzaileek egin dezaketenaz mintzatu zaizkigu Gema Lasarte eta Beatriz Garai... [+]
Bullyingaren biktima izan ohi da beti edo ia beti eskolaz aldatzen dena, baina sistema justu batean, erasotzailea kaleratu beharko luketela adierazi du ikastetxe bateko zuzendariak. Eztabaida piztu du gaiak, afera konplexuagoa dela azaleratuz.
LGBTfobiaren adibide lazgarriak ugariak izan dira 2021ean, Euskal Herrian eta munduan. Andaluziatik iritsi da azken kolpea: 20 urteko emakume batek bere buruaz beste egin zuen abenduaren 28an, lesbiana izateagatik bortizki jazartua izan ostean. Lau salaketa jarriak zituen.
Urtetako eskaera errealitate bihurtu da ikasturte honetan: Eskoziako ikastetxe publiko guztietan, sexu identitate anitzek lekua dute hezkuntza curriculumean. Aniztasun hori ikusgai egiteaz gain, ikasle ez heterosexualen eskola-esperientzia hobetzea eta bullyinga murriztea ere... [+]
Identifikatutako kasuen ehuneko handiena Bigarren Hezkuntzan izan dira, ehun kasutik 63. Azpimarratu beharrekoa da jazarpen hauen %25 internet, sare sozial edo bestelako bitarteko zibernetikoen bidez egin dela. Bestalde, ISEI irakats sistema ebaluatzeko eta ikertzeko erakundeak... [+]
17 urteko neska batek bere buruaz beste egin du Galizian, bisexuala zela esan zuenetik eskolakideengandik jasan zuen jazarpenaren ondorioz. Galiziako dozena bat LGBTI+ elkarte oso gogor mintzatu da, fokua erasotzaileengan jarriz: “Bisexual izateagatik gorroto zuen eta hala... [+]