Aurten berriro esan diot neure buruari korrontearen aurka arraun egin daitekeela, abiapuntura itzultzea ez dela saihestezina. Gezurra zena sinistarazi nahi izan diot neure buruari, baina, borondatearen aurka, heldu gara berriz ere abiapuntura: “kurtso hasierara”, berriz ere. Amaitu dira aste nagusia, siesta amaigabeak, edo denbora galtzeak min egiten ez duen garaiak.
Hasi da, berriro ere, helmugarako espedizioa: hasi da urteroko estropada. Bakoitzak tokia hartu du bere traineruan, bere arraunaren azpian, eta ekin diogu arraunari, ia inertziaz, errutinari erritmoa hartu nahian, trakets, forma eta ohitura galduta. Asteburuko brisaren zain edo Gabonetako haize fresko boladaren esperoan egiten dugu arraun. Kalean oinutsik eta buruan kukurutxo bat daramatenak sumatzean esprinta besterik ez da falta. Ohiko bideari ekiten diogu, ez-ohikoa hartu behar ez dugulakoan helmugara iristeko. Ziabogarik gabe berriz ere korronteak hasierara itzul gaitzan bost aldiz azkarrago.
Amak esango lidake “gaitz erdi”, oporrak luzeagoak balira kontu korrontea zeroan geratzeko probabilitatea %100ekoa litzatekeela. Hainbeste bazkari kanpoan, hamaika bat kaña eguneko, edo Saloun astebete gehiago pasaz gero dena xahututa egongo litzatekeela. Baina ez du pentsatu orain unibertsitateko matrikula, rokodromoko kuota, Termodinamikako irakaslearen klaseetan ez lokartzeko kafe guztiak edo propaganda politikoa egitearren multa bat edo beste ordaindu beharko ditudala, edo zoritxarrez dituela.
"Urteak bi etapa baititu sisteman: oporrak eta ez-oporrak. Urte osoan ikasi edo kotizatu, kontua da produzitzea, kontua da oporrak izatea. Urte osoa arraunean pasa, arraun egiteari uzteko"
Urteak bi etapa baititu sisteman: oporrak eta ez-oporrak. Urte osoan ikasi edo kotizatu, kontua da produzitzea, kontua da oporrak izatea. Urte osoa arraunean pasa, arraun egiteari uzteko. Agujetekin, akaso bizkarra ere bidean galduta, denak merezi baitu oporretara iristeko. Denok Ithakara iritsiko garen arren, denok ez gara berdin iritsiko: batzuek fisiora joateko aukera izan dute bidean, bitaminak hartzeko aukera mina saihesteko helburuz. Beste batzuek ez. Hau baita ezarritakoa, behar beste lan egitea, ahalik eta opor gehien izateko, ahalik eta gehien disfrutatzeko.
Marea behean ikusteak bakarrik izutzen gaitu, baina itsasoa bare denean izutu beharko ginateke gehiago. Hori baita batzuon kasua, kurtsoan zehar klase partikularrak ematera dedikatu hilabetearen malda zeroan mantendu ahal izateko. Antzokiko sarrerak zazpi eurora igo direnetik konplikatu zaigu asuntoa. Kaña bat -2,5 euro, kafe bat (taberna egokia aukeratuz gero) -1,8 euro, fotokopia bat auzoan -0,1 euro orrialdeko (400 orriko apunteekin egin kontuak). Kontuko grafikoak gorakorrak izatea konplikatzen dabil, eta uda iristean amildegitik jausiko balira bezala amaitzen dute. Denboraldi osoa talde bakarrean egitea batzuetan ezinezkoa da, bi ekipotan sartzera bultzatuta sentitzen zara.
Azken finean, denon helburua da arraun egiteari uztea, arrauna uretatik atera eta itsaso barea begiratzea: oporrak izatea. Horregatik jarraitzen dugu oraindik arraunean, denok batera, koordinatuta eta helmuga berberari begira. Batzuk bi taldetan arraun eginda ere ez dira lehenago iritsiko. Ez dago gure esku, traineru batzuk jatorriz pisutsuagoak dira, arraunlari batzuk genetika txarrekoak dira, edota koordinazioa ez dute dohain.
Badaude sistemari uko egiten diotenak, korrontearen aurka igeri egiten duten atletak. Baita lanari uko egiteko bezain ausartak edo aberatsak; arraun egiteari uzten diotenak belaontzi bat dutelako, edo akaso bizitza osoa patera baten noraezean pasatzeko hautua egin dutenak arraun egiteari uko egin diotelako. Baina ni koldarra naiz, eta ia inertziaz, sistemako korronteari gidatzen utziko dion beste bat izango naiz: igual lanean hasi behar naiz.
Puntobobo
Itxaso Martin Zapirain
Erein, 2024
----------------------------------------------------
Izenburuak eta azaleko irudiak (Puntobobo, artile-mataza eta trapuzko panpina) osasun mentala, puntua egitea eta haurtzaroa iradokiko dizkigute, baina adabaki gehiago... [+]
Liburutegi publikoak kudeatzearen ardura duen EAEko Liburutegi Zerbitzura gutun bidalketa masiboa egin dute Debako hainbat herritarrek, herriko liburutegiko araudi diskriminatzailearen aurrean esku har dezala eskatzeko. 6 urtetik beherakoek egunean ordubetez baino ezin dute... [+]
Fiesta y rebeldía. Historia oral del Rock Radical Vasco
Javier 'Jerry' Corral
Liburuak, 2025
------------------------------------------------
Javier Corral ‘Jerry’ EHUko Kazetaritzako lehen promozioko ikaslea izan zen, Euskal Herriko rock... [+]
Itsasoa bete urre
Dani Martirena
Irudiak: Ana Ibañez
Txalaparta, 2022
--------------------------------------------
Liburu honetara barneratzen den irakurleak sentsazio ugari izango ditu. Deigarria da azaleko letren urre kolorea eta zuritasuna, goialdean ageri den... [+]
Hirietako egunerokoa interesatzen zaio Sarah Babiker kazetariari; ez, ordea, postaletako irudia, baizik eta auzoetan, parkeetan, eskoletan, garatzen den bizitza; bertan dabilen jendea. Lurralde horretan kokatzen dira bere artikuluak, baita iaz argitaratu zituen bi lanak ere... [+]
Euskal nobela beltzaren astea ospatu da Baztanen hilaren 20tik 26ra. Hainbat liburu aurkezpen, solasaldi eta bestelako ekitaldiren artean, zapatu goizeko mahai-inguruak sortu du aparteko ikusmina. Izan ere, nobela beltzaren aitzakian, bestela ere kriminal bat nola eraikitzen den... [+]
Migranteak
Issa watanabe
1545 argitaletxea, 2024
-------------------------------------------
Ezagutzen ez nuen 1545 argitaletxeak 2024an itzuli eta kaleratu du Issa Watanaberen Migranteak liburua. Animalia talde batek egiten duen migrazio prozesua kontatzen du; eta... [+]
Erakunde publikoen bekak eta sariak. Kritika eraikitzaile bat izeneko dokumentua plazaratu du Lanartea elkarteak. Berria-k zabaldu du laburpena, eta txostena eskuraturik, hemen duzue elkarteak erakunde publikoei egiten dien gomendio sorta.
Burgosko Gamonalen 2014ko urtarrilean gertaturikoa M15 mugimenduak eta antzekoek hauspotutako protesta soil batzuk izan zirela uste duena, oso erratuta dabil. Auzoaren memorian arakatzea besterik ez dago konturatzeko zer nolako eragina izan zuten iraganeko galera sentimenduak,... [+]
DBH4 errepikatu zuen urtea gogoratzen du Jonek Pleibak (Susa, 2024) eleberrian. Adinkideak Durangoko institutura aldatu ziren, eta Polly auzokidearen ikasgelan geratu zen bera. Haurtzaroa Joneren baserria eta Pollyren txaleta lotzen zituen errepidean gora eta behera emana zuten... [+]
6 urtetik beherakoek 16:30-17:30 artean baino ezin dute liburutegian egon Deban, eta 2 urtetik beherakoek zuzenean debekaturik dute. Bestelako neurri baztertzaileak ere jasaten dituzte. Ageriko diskriminazioak haurrak literaturatik aldendu baino ez ditu egiten, eta borroka luzea... [+]
DETAILE XUME BAT
Adania Shibli
Itzulpena: Aitor Blanco Leoz
Igela, 2024
----------------------------------------------
Egunotan, Israelgo soldadu batek bideo-joko batean balego bezala droneak erabilita Palestinako ospitaleak, eskolak, errefuxiatu-eremuak bonbardatzen... [+]
Hamahiru urte beteko dira asteartean, hilaren 14an, Jose Luis Alvarez Enparantza Txillardegi hil zela, eta hura gogoan, ekitaldi jendetsua egin dute Antiguako Gaskonia plazan. Urteroko legez, Txillardegiren senideak, lagunak eta euskaltzaleak elkartu dira bertan, Eta non du... [+]
Negua beti gertatu izan zait malenkoniatsu. Leihotik begira eta oroitzeko garaia, besterik ez. Udazkenaren eta udaberriaren tarteko burokrazia saihestezina, paramentu bertikal batean zuriz margotzea ostera gainean nahi dena islatzeko. Ez da nire kontua bakarrik, elurra bustia... [+]
Fun Home. Familia-istorio tragikomiko bat
Alison Bechdel
Txalaparta, 2024
---------------------------------------------
Fun Home. Familia-istorio tragikomiko bat (2006) nobela grafikoaren lehen argitalpenarekin egin zen ezaguna Alison Bechdel komikilaria, nahiz eta berak... [+]