BSHko langileek lantegiaren “deslokalizazioa” salatu eta manifestazioa deitu dute larunbaterako Iruñean
Alemaniatik etorritako goi kargu batek eman die 655 langileei enpresaren itxieraren berria, ohar bat "hoztasunez" irakurrita, eta langileei “lehiakortasun falta” egotzi die. Langileek presazko bilera eskatu diote BSHko operazio arduradun Pepe Justeri, eta Nafarroako Gobernuarekin asteazkenean bilduko dira.
Ezkirozeko BSH lantokia itxiko dutela jakin dute astelehenean bertako 655 langileek, euren hitzetan, “shock handi bat”. Juanjo Hermoso de Mendoza LABeko ordezkari eta batzordeburuak azaldu duenez, Alemaniatik etorritako eta “altxortegiaz arduratzen den administratzaile bakar moduko batek” eman die itxieraren berri. Onartu du bazekitela “zerbait handia” zetorrela, “baina itxiera inondik inora ez”.
Ohar bat "hoztasunez" irakurrita jakinarazi diete langileei enpresaren itxiera: “Detaile horiek gizatasun oro kentzen dute, eta agerian uzten dute multinazionalen aurpegirik krudelena”, adierazi du langileen ordezkariak.
“Hau deslokalizazio bat da, argi eta garbi”
Enpresak lehiakortasun falta egotzi die langileei, “hori frogatuko lukeen bestelako daturik eman gabe”, langileen esanetan. Lantokien ekoizpen doikuntza bat egin eta Ezkirozko lantokia itxiko dutela jakinarazi diete. Langileen batzordeak bere desadostasuna azaldu du enpresak leporatutako lehiakortasun faltarekiko. Aurtengo martxoan prentsaurreko batean salatu zuten Iruñeko saltoki handietan Ezkirozeko BSHn ekoizten dituzten produktu berdinak topatu zituztela, baina taldearen Turkiako eta Poloniako lantegietan ekoitziak. “Balantze ekonomikoa ez da fabrikarena, BSH Electrodomesticos Españarena baizik. Enpresa handiek aukera dute finantza ingeniaritza egiteko. Hau deslokalizazio bat da, argi eta garbi”, adierazi du Hermoso de Mendozak.
Asteartean enpresa itxita egon da, eta goizeko 9:30etik batzordeko kideak bildurik egon dira hurrengo urratsak zehazteko. Ondoren jakinarazi dutenez, asteazkenean elkarretaratzea egingo dute Nafarroako Legebiltzarraren aurrean, eta larunbatean manifestazioa Iruñean, BSH ez itxi, Nafarroako industriaren alde lelopean, Nafarroako industriaren “egoera larria” salatzeko. “Ez gara bakarrak, Antolin eta Sunsundegi ere gaizki daude”, salatu dute.
Azalpen eske
BSHko operazio arduradun Pepe Justeri presazko bilera eskatu diote langileek. Gobernuak langileen alde presioa egin dezakelakoan, Mikel Irujo Industria kontseilariarekin eta Maria Chivite lehendakariarekin ere bilerak eskatu dituzte. “Enpresak atzera egin dezan, modu aktibo batean lan egin dezala eskatzen diogu. Jar ditzatela euren bitarteko guztiak Ezkirozko BSHn jarduera egon dadin eta lanpostuak bermatu daitezen”.
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Sindikatu abertzaleko 100 bat kidek Portuko sarrera blokeatu dute Santurtzin, eserialdi baten bitartez. Ekimen horren bitartez Palestinari elkartasuna erakutsi eta genozidioa salatu dute.
PAIk sortutako biktimak ez dira bakarrik PAIren Legeak eragindako egonkortze prozesuari esker funtzionarizatutako irakasleak, baizik askoz gehiago. Batzuei nolabaiteko ikusgarritasun mediatikoa eman zaie Steilasek jarritako errekurtsoaren ondorioz; gehienak, alabaina, ikusezinak... [+]
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi... [+]
Berriz hasi dira laborarien manifestaldiak frantses estatu guzian. Sindikatu desberdinek aldarrikapenak hedatzen badituzte ere, entzun den lehena eta komunikabide nagusietan gomit izan dena, FNSEA "nagusia" izan da. Zer du saltzeko? Gezur andana bat ahal bezainbat boz... [+]
Botere sindikalaren inguruko bigarren azterlana argitaratu du Ipar Hegoa fundazioak. 2016an argitaratu zuen lehena eta, beraz, orain 2016 eta 2023 arteko eboluzioa ikus daiteke. Ondorio nagusien berri emateko prentsa agerraldia egin dute ostiral honetan LABeko koordinatzaile... [+]
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Aurrekontuak eta urteko kontuen itxiera, ez da besterik urteko garaiotan; etxeko ekonomiatik hasita, partekatzen ditugun espazio sozioekonomiko gehienetara. Enpresa handiak hasi dira kalkulagailuak ateratzen eta 2025ari begira asmo handiak martxan jartzen. Erakunde eta eragile... [+]
Teslaren aurkako lehen greba –eta bakarra– da munduan, Suedian 2023ko urritik aurrera egiten ari direna. Duela mende batetik hona Suedian egindako grebarik luzeena bihurtu da. IF Metall sindikatua bultzatu du protesta, Elon Musken autogintza enpresak hitzarmen... [+]
Joan den abenduaren 5ean, PPk lege proposamen bat aurkeztu zuen Nafarroako Parlamentuan, Nafarroako toki entitateetako Idazkaritza eta Kontu-hartzailetza lanpostuetan funtzionarizazioa lortzeko prozesuak bereizteko. Hori gertatuko balitz, 30 pertsona inguruk merezitako... [+]
B&B Trends lantegiaren jabeak iragarri du hartzekodunen konkurtsoan jarri duela lantegia, "ondare desegonkortasuna" argudiatuta.
Zerk motibatuta bultzatzen da bi ikastetxeren arteko fusioa? Nola uztartu norbere eskola-proiektua, eredua eta ibilbidea ondokoarekin? Zein da bidea bi eskoletako hezkuntza komunitateak ados jartzeko? Zein da Eusko Jaurlaritzaren rola?
660 langile ditu ontzi-garbigailuak eta hozkailuak ekoizten dituen lantokiak. Astelehen goizean ezagutu dute Alemaniako zuzendaritzaren asmoa. Enpresa batzordeak langile asanbladara dei egin du.
Armagintzari loturiko Hego Euskal Herriko “enpresa, zentro edo erakundeak” hirukoiztu egin dira azken hamabost urteetan, Gasteizkoak talde antimilitaristak hurrenez hurren 2008an eta 2024an egindako ikerketen datuek azaleratu dutenez. Aurkeztu berri duten... [+]