Bruselan osasun pasearen aurkako manifestazioan sei pertsona zauritu eta 20 atxilotu ditu poliziak
Bruselasko poliziaren arabera, 8.000 herritar elkartu ziren abenduaren 5ean, osasun neurrien aurkako manifestazioan. Amaieran, poliziak ur txorrotekin eta gas negar-eragileekin jazartu zituen eta sei pertsona zauritu eta hogei atxilotu zituen.
"II. Ekintza, Askatasunaren aldeko Martxa" zuen izenburua, baina askoz jende gutxiago bildu zuen azaroaren 21ean egindako manifestazioak baino: ordukoan 35.000 manifestari bildu ziren eta polizia ustekabean harrapatu zuten. Oraingoan poliziak hasieratik indar erakustaldia egin du, eta Europar Batasuneko egoitza zaindu du batipat, Burselasko Le Soir hedabidean irakur daitekeenez. Abendu hasierako manifestazioa modu baketsuan eta tekno musikaren erritmoan egina izan dela azaldu du, eta bukaeran izan zirela polizia eta manifestarien arteko liskarrak.
"QR = esbastika"
Manifestariak derrigorrez ezarri diren neurriak kritikatu dituzte, adibidez, hainbat denda eta ostatutara sartzeko derrigorrezkoa den osasun pasea, baita hedabideek gaiari egindako jarraipena ere. "Txertorik ez, eskerrik asko", "Covid = genozidio antolatua" edo "QR = esbastika" irakur zitekeen manifestazioetako karteletan, aipatu hedabidearen arabera. Manifestariek salatu dute osasun pasea "oinarrizko eskubideen aurkakoa eta diskriminatzailea dela" eta azpimarratu dute "birusa ez dagoela kontrolpean, baina herritarrak bai".
Batzuek diote ez daudela txertoen aurka, baina bai hauek derrigorrezko egitearen kontra. Izan ere, hurrengo urte hasieratik aurrera osasun langileak txertoa hartzera behartuak izango dira, baita suhiltzaileak ere. Azken hauek bat egin zuten manifestazioarekin, adieraziz Bruselasko taldearen bostenak (200 bat suhiltzaile) ezingo duela lanik egin pasea eskatzen bazaio.
Hona Le Soir hedabideak zabaldutako hainbat bideo:
Katalunian Societat Catalana de Pediatria elkarteak pandemia kontrolatzeko ikastetxeetan aplikatzen diren neurriak bertan behera uzteko eskatu du, neurri horiek haurrengan dituzten ondorio kaltegarriak argudiatuz. Tartean dago gela barruetan maskararen erabilera kentzea, modu... [+]
Beste hainbat bezala COVID pasearen aurka Bilbon deituta zegoen manifestaziora joan ginen aurrekoan. Bertan adin, kolore, janzkera eta hizkera askotariko zenbat jende zegoen ikusteak asko poztu ninduen, eta tartean topatu nituen unibertsitate garaiko batailetako lagunak edo... [+]
Zarauzko Udaleko urtarrileko osoko bilkuran, galdera erantzunen txandan sei herritarrek hartu zuten hitza, eta Covid pasaporteak eragindako diskriminazioa eta beren bizipenak azaldu zituzten; tartean, pasaporterik gabe kiroldegira sartzeagatik atxilotuta bukatu zuen... [+]
Bermeon jaiotako eta bertara etorritako herritarren artean hilean behin egiten zuten tertulia dago Lurre Hurre proiektuaren oinarrian. Elkar ezagutu zuen herritar talde horren harremanetik abiatuta, eta konfinamendu garaian migratzaile askok bizi zuten egoeraz jabetuta, egitasmo... [+]
Joseph Andras (Le Havre, Frantzia, 1984) idazlea da. 2016an lehen eleberriagatik "Goncourt" sari famatua eman zioten, baina berak uko egin zion epaimahaiari esanda “lehia, konkurrentzia eta norgehiagoka arrotzak zaizkiela idazketari eta sorkuntzari”... [+]
Lehen mailako arretak “kolapso egoeran” jarraitzen duela uste dute, ospitaletako arretak bizi duen gainkarga salatu nahi dute, eta egoerari aurrea egiteko neurriak eskatzen dituzte ELA, SATSE, LAB, CCOO eta UGT sindikatuek.
Abenduaren 20an eman zuen jakitera Olentzeroren Lagunak elkarteak 2021ean ere ez zela Olentzero Iruñeko kalez kale ibiliko, pandemiaren egoerak horretara bultzatuta. Urtarrilaren 4an, aldiz, Iruñeko Errege Magoen Kabalkadaren Elkarteak adierazi du aurten kaleetara... [+]
COVID txertoa hartu edo ez, norberaren hautu bat da, legezkoa, eta batak bezala besteak errespetu bera merezi duena. Ez da derrigorra, baina behartzeko erreminta ezarria dago Euskal Herri osoan: Europar Batasunak bidaiatzeko udan jarri zuen QR pasaportea. Zer dakar QR... [+]
Honela adierazi du Gazte Koordinadora Sozialistak zabaldu duen oharrean: "Zentzu sanitariorik gabeko neurriak hartzen jarraitzen dute politikari profesional despotikoek". Berriki hartutako hiru neurriak salatu dituzte zehazki: COVID ziurtagiriaren zabalpena, aire... [+]
Osakidetzaren lehen mailako arretaren egoera "jasanezina" dela salatuz Araba, Bizkai eta Gipuzkoako osasun etxeen aurrean elkarretaratzeak egin dituzte. "Lehen olatua izan eta urte eta erdira, osasungintza urria, nekatua eta baliabiderik gabea daukagu",... [+]
LAB sindikatuak honako irakurketa plazaratu du: "COVID kutsatzeen olatu berria dela eta, Eusko Jaurlaritza, Nafarroako Gobernua eta Frantziako Gobernua COVID ziurtagiriaren ezarpena erabiltzen ari dira euren kudeaketaren hutsuneak ezkutatzeko. Bost ardatzetan neurriak... [+]
Urtero Bilboko Konpartsek San Tomas egunaren harira argitaratzen duten egutegiaren etekinak Etxaldeko Emakumeei emango dizkiete aurten.
Abenduaren 18 arratsaldean Donostian jendetzak hartu ditu kaleak, Bizitza plataformak deituta egin den manifestazioan. "COVID pasearen inposaketari ez" lemak elkartu ditu.
Abenduaren 14an Osasun Publikoaren Aldeko Herri Ekimenak 1.000 erreklamaziotik gora aurkeztu ditu Donostiako Eusko Jaurlaritzako Osasun sailean, bereziki Lehen Arreta eta oro har osasungintza publikoa indartzeko eta duintzeko eskatuz: "Osasun sistema publiko,... [+]
Gazte Koordinadora Sozialistak deituta, protestara jo dute ostiralean Bilbon, Donostian eta Gasteizen. 'Covid ziurtagiriari ez! Burgesiaren ofentsibari aurre egin' izan dute aldarri milatik gora lagunek.