Ursula von der Leyen Europar Batasuneko lehendakariak iragarri duenez, konpainia elektrikoen diru sarrerak mugatuko ditu eta energia fosilen enpresei zergen ezohiko irabaziak zergapetuko dira. Irailaren 30ean dute neurriez eztabaidatzeko ezohiko bilera, eta aurrera ateratzen badira historikoak izan daitezke.
Orain arte oso gaitza izan dira beti halako neurriak, baina Errusia eta Ukrainiaren arteko gerrak zazpi hilabete egin behar dituenean, EBk energiaren sektorean esku-hartzea erabaki du. Batetik, energia berriztagarrien, nuklearren eta lignitioen bidez elektrizitatea ekoizten duten enpresen prezioei muga jarriko die.
Bestetik, energia fosilen salmentagatik azken hilabeteetan dirutza handia irabazten ari diren enpresen ezohiko irabazi horiek zergapetuko dira. Kopuruez ez da oraindik aipamenik egin, baina hainbat albiste agentzien arabera, irabaziei %33ko tasa aplika dakieke, eta energiaren salneurriari 180 euroko sabaia jarri megawatio batengatik. Azkenik, %10eko energia murrizketa derrigorrezkoa ere bultzatu nahi du EBk, erdia energia gehien kontsumitzen den orduetan.
Neurriokin, 140.000 milioi euro patrikaratu nahi ditu EBko altxorrak. Hori bai, gaur gaurkoz ez dago batere garbi estatuen jarrera zein izango den, orain arte horietako asko uzkur agertu baitira konpainiak zergapetzearekin. "Ez dago ongi konpainiek gerraren ondorioz irabaziak izan dezaten eta herritarrek gogotik ordaintzea", adierazi du EBko lehendakariak.
Gasa iaz baino hamar aldiz garestiago
Gerra egoerak biziki garestitu ditu prezioak, eta esaterako, gasa iaz baino hamar aldiz garestiagoa da gaur egun. Horrek ziurgabetasun handia sortu du herritarren artean, eta prezioei mugak jartzeko eskaria gero eta handiagoa da. Neurriek, dena den, kontraesanak sortzen dituzte eskuineko agintari eta politikari askoren artean: Espainian adibidez, konpainia energetikoak zergapetzearen aurka agertu zen astearte honetan PP, Kongresuaren gehiengoak zerga horien alde egin zuenean.
Edozein kasutan, 2008ko krisian bezala, badirudi erakunde publikoak gero eta neurri gehiago hartzen ari direla egoera bideratzeko eta energiaren gaiak eskuetatik ihes egin ez diezaien. Adierazle askoren arabera, ohiko arau bat errepikatzen ari da –Austriak mugak jartzen dizkio elektrizitateari, Eskoziak etxegabetzeak debekatu ditu, Frantziak hango konpainia elektriko handiena nazionalizatu du...–: sasoi oparoetan interes pribatuek dirutzak poltsikoratzen dituzte, eta une larriagoetan, esparru publikoak esku-hartzen du egoera bideratzeko dirutzak jarriz.
Zigoitian 100 hektareako parke fotovoltaikoa eraiki nahi du Solariak, eta eskualdea gurutzatuko luke oso goi tentsioko linea batek ere. Urkabustaiz, Zigoitia eta Zuiako bizilagunek herritarren 5.540 helegite aurkeztu dituzte ingurua “mehatxatzen duten proiektuak gelditzeko... [+]
Gaur egun, etengailu bat sakatzea keinu hutsala da. Gehiengoak ez daki energia-ekoizpenaren gibelean zer dagoen, energia-ekoizpen orok eragina baduelarik. Erregai fosiletan eta nuklearrean oinarritutako energia ereduaren hauskortasunari buru egiteko, energia herritarren... [+]
Babesturiko natur eremuetan egoteagatik, ingurumenean izan dezakeen inpaktuagatik eta hiri planeamenduarekin bat ez egiteagatik jarri dute alegazioa hiru udalek, besteak beste. Multinazional norvegiarrak eraiki nahi duen zentral eolikoak bost haize-errota handi aurreikusten ditu... [+]
Energiaren sektoreari loturiko konpainiak bere zuzendari nagusia aldatu du, doikuntzak iragartzearekin batera. Euskal Herriko lantegietan ia 3.000 langile aritzen dira eta sindikatuak kezkatuta agertu dira, kaleratzeak ekar litzakeelako erabakiak.
Energia krisiak eta Ukrainako gerrak hauspotuta, Gas Natural Likidotua (GNL) bihurtu da munduko lehengai estrategiko eta preziatuenetakoa. AEBetako hegoaldean gasa modu horretan biltegiratu eta esportatzeko planta erraldoiak egin asmo ditu industriak, baina Joe Bidenen gobernuak... [+]
"Elite ekonomiko baten pribilegioak iraunarazten diren aldi berean, konponbide faltsuak eskaintzen dizkigute, egiazko konponbideek beharko luketena onartu gabe: oligarkia energetikoa erabat auzitan jartzea, hazkunde ekonomikoaren aginduarekin haustea, gure eredu produktibo... [+]
Berdeago Azoka egingo dute martxoaren 22tik 24ra, Durangoko Landako Gunean. Energia-eraginkortasunaz eta kontsumo arduratsuaz kontzientziatzeko helburua du Jasangarritasunaren Euskal Azokak, ingurumena babesteko irtenbideak tarteko.
Fisikan lizentziatua eta Filosofia doktore, Gasteizen du ohiko bizitokia Adrián Almazánek (Madril, 1990), baina egun Madrilgo Carlos III Unibertsitatean ematen ditu klaseak. Digitalizazioak ingurumenean, energian eta gizartean sortzen dituen eraginak izan ditu... [+]
EAJ, EH Bildu eta PSE-ren babesarekin atera da aurrera. Erregai fosilen desinbertsiorako plan bat gauzatu beharko du Jaurlaritzak. Helburu nagusia 2050rako EAEn karbono emisioak zerora murriztea da.
Davoseko talaimendi distiratsu eta zuritik hitz egin digu Repsoleko sheriffaren ahotsak, denok entenditzeko moduan: “We have to broaden our mind”. Alegia, mentalitatea zabaldu behar dugula, ezin dugula pentsatu erregai fosilik gabe bizi gaitezkeenik. Ze uste zenuten... [+]
Nazioarteko Energia Agentziaren esanetan 2025ean inoiz baino energia nuklear gehiago produzituko da munduan. Nuklearren bultzada berri baten aurrean gaude, baina erreaktore eta zentraletan izaten diren “gertakariak” ikustea besterik ez dago hartzen ari garen... [+]
Davoseko talaimendi distiratsu eta zuritik hitz egin digu Repsoleko sheriffaren ahotsak, denok entenditzeko moduan: “We have to broaden our mind”. Alegia, mentalitatea zabaldu behar dugula, ezin dugula pentsatu erregai fosilik gabe bizi gaitezkeenik. Ze uste zenuten... [+]
Amigos de la Tierra gobernuz kanpoko erakundeak zenbait neurri jaso du mineral berriak erosteko beharra murrizteko, esaterako, ekonomia zirkularra eta aurrezteko praktikak bultzatzea eta ibilgailu elektrikoen flota murriztea.