Bretoieraren aldeko ‘Korrika’ ostiral honetan abiatuko da Finistèretik
Bi urtez jarraian ez egitea “eutsiezina” zela iritzita, Ar Redadeg bretoieraren aldeko lasterketa kalera ateratzea erabaki dute, osasun neurri zorrotzak betez. Euskal Herriko Korrikan oinarritua, 2008an hasi zuten ekimena Bretainian.
Bretoiera sustatzeko milaka lagunek hartzen dute parte bi urtean behin Ar Redadeg lasterketan. Iaz koronabirusaren krisiaren ondorioz bertan behera geratu zen, baina aurten egitea erabaki dute antolatzaileek, bigarren urtez jarraian ez egitea “eutsiezina” litzatekeelako.
Ekimena funtsezko bihurtu da bretoierari loturiko egitasmoak finantzatzeko. Lasterketako kilometroak norbanakoei, eragileei, erakundeei eta enpresei salduz, diru-ekarpena jasotzen dute eta azkeneko edizioan 130.000 euro baino gehiago bildu zuten. Horregatik, eta “sinboliko eta mediatikoki” ere garrantzitsua delako, erabaki dute korrikaldiari eustea.
Finistèreko Karaez (Carhaix) herrian hasiko da ostiral honetan, hilak 21, eta astebetez ibiliko da lekukoa herriz herri Bretainia osoan zehar maiatzaren 29an Gwengampera iritsi arte. Denera 2.020 kilometroko ibilbidea burutuko dute.
Baina horretarako segurtasun neurri zorrotzak bete beharko ditu lasterketak. Hala, lekukoa aurrealdeko furgonetan eramango da etengabe, eskuz esku igaro beharrean, eta lasterketan zehar antolatu ohi diren beste ekitaldiak ez dira egingo. Gauez ezin izango da lasterketa egin, baina gauez kilometroak erosi dituztenek, egunezko kilometroa erosi eta korri egin ezin dutenena hartu ahal izango dute.
“Burugogorrak gara eta oraindik nahikoa energia badugu amore eman gabe zailtasun horiek gainditzen saiatzeko”, azaldu zuten pandemiaren olatu betean martxoan Quimperren, Mendebaldeko Bretainian egin zen erreferendumaren aldeko manifestazio batean, Ar Redadeg egin egingo zela jakinarazteko. Apirilaren 3an koordinazio taldeak aho batez erabaki zuen antolakuntzari eustea: “Agian kilometro gutxiago salduko dira, baina nahikoak izango dira, gure ahalegin eta mobilizazioa erakusteko (…) erakutsiko dugu badugula energia, gure hizkuntzak bizitzeko indarra duen bezala”.
Karaezen, lekukoa abiatzeko tokian, arratsalde osoko egitaraua antolatu dute, bisita, mahai-inguru eta animazioarekin. 18:00etan ekingo zaio lasterketari.
Korrika oinarri
Ar Redadeg lasterketa 2008an hasi zuten eta Euskal Herrian egiten den Korrika izan zuten oinarri. Lehendabiziko lasterketa hark 600 kilometro egin zituen Nantesetik Karaezeraino.
AEK-Korrikak azaldu duenez, aurtengo edizioan bretoieraren aldeko ekimenean hartuko dute parte eta kilometroa erosi dute hilaren 28an, ostiralarekin, “ahizparen” ondoan korrika egiteko.
Gabonetako argiak pizteko ekitaldia espainolez egin izanak, Irungo euskaldunak haserretzeaz harago, Aski Da! mugimendua abiatu zuen: herriko 40 elkarteren indarrak batuta, Irungo udal gobernuarekin bildu dira orain, alkatea eta Euskara zinegotzia tarteko, herriko eragileak... [+]
Manifestazioa goizeko 11:30ean izango da, Justizia Jauregian. Mugimenduak euskaldunon eskubideen alde eta auziperatuekiko elkartasunean luzatu du deialdia. Auziperatuek iazko Euskararen Egunean Baionako Justizia Auzitegian "Justizia Euskararentzat" pintaketa egin zuten... [+]
Eskola segregatua izan da Gasteizko Judimendi ikastetxe publikoa, hiri guztiko ikasleak hartu ditu, jatorri atzerritarreko familien seme-alabak. Baina A hizkuntza eredutik D eredura igarotzeaz gain, auzoak eskola bere sentitzeko eta auzoko familiak erakartzeko egindako... [+]
Ertzain patruila batek hizkuntz tratu desegokia eman diela salatu dute Donostiako bi herritarrek. Isuna jaso zuten, behin eta berriz euskaraz artatuak izateko eskatu ondoren. Arartekoak kargu hartu dio Ertzaintzari.
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
Korsikako legebiltzarkideek ezin dute Korsikako Asanblean korsikeraz hitz egin, Bastiako Auzitegiaren 2023ko epai baten arabera. Ebazpen horri helegitea jarri zion Asanbleak, baina debekua berretsi du orain auzitegi berak. Epaiak tokiko beste hizkuntzei eragiten diela ohartarazi... [+]
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Donostiako Decathlon saltoki handiak errotulazioak euskaraz ez dauzkalako kexa jarri du kontsumitzaile batek Behatokian. Saltokiaren erantzuna (gaztelaniaz) esanguratsua da: Erkidegoko legeak ez du jasotzen inongo inposiziorik karteldegia euskaraz jartzeari buruz. Alegia, lege... [+]
Kabia organismoaren zaharren egoitzetan 54 plaza egonkortzeko 2022an onartutako lan-eskaintza bertan behera utzi du Donostiako epaile Gonzalo Pérez Sanzek. Gipuzkoako Aldundiaren erakundeak jarritako hizkuntza eskakizuna gehiegizkoa eta baztertzailea dela dio epaileak.
6.000 eurotik 10.000 eurorainokoak izango dira zigorrak. Katalana da Andorrako hizkuntza ofizial bakarra, nahiz eta biztanleen erdiaren ama hizkuntza gaztelania den.
Eusko Legebiltzarrera heldu da gaia, eta pobrea izan da Eusko Jaurlaritzaren erantzuna. Osakidetzak medikuak falta dituen arren, apenas handitu diren Medikuntza ikasteko plazak EHUn. Gainera, karrera euskaraz ikasteko plaza gutxiago eskaintzen dituzte espainolez baino, nahiz eta... [+]
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.