Brebeta osorik euskaraz egin ahal izango dute aurten Seaskako ikasleek
Zientzietako azterketa euskaraz egiteko aukera onartu dute. Seaskako 270 ikaslek egingo dute azterketa ekainaren 26 eta 27an. Baxoa euskaraz egitearen inguruan ez dago berririk, eta Seaskak borrokan jarraitzeko deia egin du.
Seaskako ikasleek euskaraz egin ahal izango dute Brebetako zientzietako azterketa aurten. Joan den asteburuan eman du aditzera erabakia Vincent Bru Frantziako Asanbladako diputatuak Twitterren, eta Pap Ndiaye Hezkuntza ministroaren erabakia txalotu du.
Peio Jorajuria Seaskako lehendakariak adierazi du "izugarrizko garaipena" dela, eta azken urteetako mobilizazioen lorpena dela aldaketa. Sare sozialen bitartez jaso du berria Seaskako lehendakariak ere, eta adierazi du "onartezina" dela modu horretan izatea erabakiaren berri.
Derrigorrezko Bigarren Hezkuntzako lehen zikloa amaitu ondoren egiten den proba da brebeta, hurrengo ziklora pasatzeko ikasle guztiek egiten dutena. Aurten ekainaren 26 eta 27an izango da, eta Seaskako 270 ikaslek egingo dute.
Euskararen Erakunde Publikoko (EEP) ordezkariak, Ipar Euskal Herriko parlamentariak eta Frantziako Hezkuntza Ministerioko ordezkariak bildu ziren irailean, eta mahai gainean jarri zuten brebeta euskaraz egiteko aukera. Ministerioko ordezkariek esan zieten "arrazoizko epeetan" erantzungo zietela. Otsailean, oraindik Hezkuntza Ministerioaren erantzunik ez zela ikusita, Seaskako guraso eta langileek Bordeleko errektoretza blokeatu zuten, azterketak euskaraz lelopean.
Baxoa, oraingoz frantsesez
Bigarren Hezkuntzako bigarren zikloa amaitzean baxoa egiten dute Lapurdi, Behe Nafarroa eta Zuberoako ikasleek, unibertsitateko ikasketak egin ahal izateko. Gaur egun ez dago baxoa euskaraz egiteko aukerarik, 2017ra arte ikasleek Matematika eta Historia-Geografia euskaraz egiten bazituzten ere. Aurten, Seaskako 120 ikaslek egingo dute azterketa hori, baina ez dago probaren hizkuntzaren inguruko berririk. Seaskak borrokan jarraitzeko asmoa adierazi du "baxoa ere euskaraz izan arte". Hala, elkarretaratzea egingo dute astelehenean Etxepare lizeoan.
Irakasleek baxoko ahozkoa euskaraz egiten laguntzeko ekintza egingo dute. Soinean ahobizi eta belarriprest txapak eramango dituzte, ikasleei adierazteko “babes osoa” dutela euskaraz mintzatzeko azterketan.
Pascal Jocou eta Fabienne Etchegaray aurkeztuko dira Beskoitzeko hauteskundeen bigarren itzulian. Haritza Camblong-ek oraindik ez du zehaztu ekainaren 23ko bozketara aurkeztuko den. Fabienne Ayensak, Beskoitzeko aurreko alkateak, ikastolaren hitzarmenak eragindako desadostasunen... [+]
Seaskako Bernat Etxepare lizeoko ikasleek mobilizaziorako deia luzatu dute maiatzaren 17rako. Guztien arteko sarea irudikatzeko asmoz, ekimenen aipamena Interneten #EuskarazIkasiMatxinada eta #EuskarazBiziMatxinada traolekin zabaltzeko eskaera egin diete.
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.
Haserre mintzatu da Peio Jorajuria Seaskako lehendakaria, Beskoitzeko Herriko Etxeak astelehenean hartutako erabakiarekin. 51 haur dituen ikastolarekin hitzarmena eten du auzapezak, eta sei hilabeteren buruan debekatuta izango dute bertan eskolak ematea. Gurasoek harridura... [+]
2.500 euskaltzale elkartu dira Seaskak eta Euskal Herriko Ikastolen Elkarteak deitutako manifestaziora. Herriko etxeak ikastolaren eraikin berria egiteko eskariari jarritako trabak salatu dituzte eta Beskoitzeko ikastolako haurrei babesa eman diete.
Ikastolak eraikina jaso nahi du herri lurretan eta herriko etxeak ezezkoa emana dio. Ikastolako eragileek salatu dute proiektuari baldintza arbitrarioak ezartzen dizkiotela eta hautetsiekin elkarrizketa izatea ezinezkoa dela. Manifestazio nazionalera deitu dute azaroaren 18an,... [+]
Egoera tirabiratsua bizi dute Beskoitzeko ikastolako gurasoek herriko etxearekin. Herriko gelak baliatzeko debekuak, baimen ezeztatzeak edota jantegi publikoan bazkaltzeko mugak...
Ikastolak eraikina jaso nahi du herri lurretan eta herriko etxeak ezezkoa emana dio. Ikastolako eragileek salatu dute proiektuari baldintza arbitrarioak ezartzen dizkiotela eta hautetsiekin elkarrizketa izatea ezinezkoa dela. Manifestazio nazionalera deitu dute azaroaren 18an,... [+]
Donibane Lohizuneko ikastola izan zen TxikiLinux erabiltzen hasi zen Ipar Euskal Herriko lehen ikastetxea. Bide beretik, sistema eragile libre eta euskaldunaren aldeko pausoa eman dute orain Urruñako ikastolan.
Senpereko Kattalin Elizalde kolegioarekin 39. ikastetxea ireki badu ere, 4.177 haurrekin egin da sartzea, haur hezkuntzatik lizeora. Kopuruak mantentzen dira beraz, bereziki lizeoan eta kolegioetan irabazi, eta lehen mailan galdu baitira haurrak.
Ziburuko kolegioa txiki geratu zaienez, 11 eta 15 urte bitarteko ikasleentzako kolegio berria eraiki dute zazpi hilabetean: Kattalin Elizalde. Irailaren 4an hasi dute ikasturtea, Ipar Euskal Herriko ikasle gehienek bezala.