Brebeta zuzentzeari uko egin dio Seaskako irakasle talde batek
Ikasleek brebeta euskaraz egiterik ez dutela salatzeko azterketak zuzentzeko deialdiari uko egin diote Seaskako hainbat irakaslek, iaz abiatutako desobedientziaren bideari jarraiki.
Seaskako hainbat irakaslek brebetak zuzentzeari uko egin diote bigarren urtez, ikasleek azterketak euskaraz ezin egitea salatzeko. Ikasleek kolegioko hirugarren maila ofizialen egin beharreko frogan Matematika eta geografia-historia azterketei zientziena gehitu zien Frantziako Hezkuntza Ministerioak 2017an, eta, orain, beste biak ez bezala, zientziena frantsesez egitera behartuta daude Seaskako ikasleak. Azterketa horiek zuzentzera deitutako Seaskako irakasleek deialdiaren paperak hautsi dituzte prentsaren aurrean.
Ikasketak euskaraz egiteko jarritako traben aurrean protestara eta desobedientziara jo du berriz Seaskak. Iazko ekainean ere hainbat ekimen egin zituzten, Donapaleuko zuzenketa zentroa okupatu zuten, besteak beste. Berriki epaitegietara eraman du auzia Seaskak, baina Paueko auzitegi administratiboak Baxoa euskaraz egiteko eskaera atzera bota zuen maiatzaren 31n.
Kazeta.eus atariak jaso duenez hiru dira Seaskako irakasleek egindako eskaerak. Batetik, azterketak euskaraz zuzenduak izan daitezen nahi dute. Ikasleek euskaraz erantzundako azterketak baliogabetuak, bahituak eta irakasle erdaldunen esku utzi baitituzte askotan. Azterketak euskaraz zuzentzeko nahikoa irakasle badagoela azpimarratu dute.
Bigarren, Frantziako Hezkuntza Ministerioari legea errespetatzeko eta 2019-2022 aldirako sinaturiko hitzarmena betetzeko eskatu dio Seaskak. Hirugarren, azterketak hizkuntza gutxituetan egiteko eskubidea onartzeko eskatu diote Estatuari.
Euskararen Defentsarako Sareak Nafarroako Gobernuak D ereduari jartzen dizkion trabak salatu nahi ditu. Argi dute Nafarroako Gobernua “edozertarako prest” dagoela “euskararen kontra” jotzeko. Horregatik, elkarretaratzea deitu dute uztailaren 2an,... [+]
Aspaldiko aldarrikapena onartu du Frantziako Gobernuak: laborantza lizeo pribatuetan formakuntza elebidunak eskaini ahal izango dira, “esperimentazio pedagogiko” gisa, alegia frantsesez bakarrik ez, euskaraz ere irakatsi ahalko da. Donapaleun eta Hazparnen baliatuko... [+]
Irakurtzen al dute –eta irakurritakoa ongi ulertzen al dute– haur eta gazteek? Eta helduok? Eskolan zein tarte eskaintzen zaio irakurketari eta literaturari? Nola prestatzen da ikasleei eskaintzen zaien liburu zerrenda eta nolako liburutegiak dituzte ikastetxeek,... [+]
Haur eta gazteek duten pantaila kontsumoarekiko kezka nagusi den garaiotan, fokua helduongan jarri eta familia guztiarentzako gomendio baliagarriak bidali dituzte Zurriola ikastolatik, pantailek ez ditzaten udako oporrak baldintzatu.
Botoen %55 lortu du Pascal Jocouk Beskoitzeko hauteskundeen bigarren itzulian. Fabienne Etchegaray aurkariak bozen %44 atera du. Hemezortzi kontseilari izango ditu gehiengoak, eta bost oposizioak. Berriako Ekhi Erremundegik eginiko elkarrizketan, ikastolaren aldeko konpromisoa... [+]
“Nafarroako Gobernuak duela lau urte eginiko promesari huts egingo dio beste behin ere”, salatu du Lizarraldeako Lokiz eskolako guraso elkarteak. Orain 7 urte D ereduaren aldeko apustua egin zuen hezkuntza komunitateak, eta desagertzeko zorian zegoen eskola txiki... [+]
Irakasleek baxoko ahozkoa euskaraz egiten laguntzeko ekintza egingo dute. Soinean ahobizi eta belarriprest txapak eramango dituzte, ikasleei adierazteko “babes osoa” dutela euskaraz mintzatzeko azterketan.
Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]
Saldu eta erosi giza jarduerak dira batik bat. Merkatuak eta azoka txikiak espazio publiko zalapartatsu eta biziz beteak dira, soziabilitate-lekuak, non behar ditugun gauza baliotsuak topatzen ditugun (janaria, arropa, tresneria), bidezko prezio baten truke. Bertan, gizaki... [+]
Funtsezko konpetentzietatik ezabatua, Berritzeguneen birmoldaketan zokoratua, ordu kopuruetan gutxietsia... Heziketa fisikoak EAEn garai txarrak bizi dituela eta administrazioak baztertuta dituela salatzera etorri da ARGIAra Luis Larrañaga “Pizti” heziketa... [+]
Duela ia urte eta erdi, Ahoztar Zelaieta kazetariak Satlantis enpresaren aurpegi ezezagunena ekarri zuen argitara. Azkenaldian berrikuntza teknologikoaren alorrean sortzen ari diren euskal enpresen izar gisa aurkezten zaigu Satlantis; baina El Salto-k argitaratutako La empresa... [+]