Usansolok hitz egin du: boto-emaileen %90 udalerri bihurtzearen alde
3.000 herritarrek zuten boto eskubidea Usansolo udalerri bihurtzeari buruzko galdeketan eta %73k bozkatu dute, horietatik %90ek desanexioaren alde. Galdeketa Usansolo Herria plataformak antolatu du eta ez du balio juridikorik.
Gaur egun Galdakaoko auzo dena udalerri bihurtzea nahi duten edo ez bozkatu dute, eta antolatzaileak “gustura” azaldu dira parte hartzearekin, haien hitzetan, aurreikuspenak gainditu dituztelako.
Orain, Bizkaiko Foru Aldundiari eskatuko diote herri berriak sortzea eragozten duen foru legea alda dezala, Usansoloko desanexio prozesua has dadin.
Galdakaoko Udalak 2015ean galdetu nahi du
Ibon Uribe Galdakaoko alkateak 2015eko otsailerako aurreikusten du gaiari buruzko galdeketa, behin aipatutako legea aldatuta.
Unai Rementeria Bizkaiko Foru Aldundiko bozeramailearen hitzetan, kontsultak ez dauka "ez balio juridikorik ez politikorik". Rementeriaren iritziz Ibon Uribek proposatutako bide-orria da jarraitu beharrekoa, beti ere “marko legal eta politikoen” barruan.
Hala ere, Aldundiko bozeramaileak esan du galdeketa ofiziala egin aurretik hainbat kontu argitu behar direla, udal berriaren mugak eta haren bideragarritasuna, esaterako.
Usansolo Herriako bozeramaile Monika Menaren esanetan, mugak ondo finkatuta daude 1991tik, Usansolo Galdakaotik bereizteko prozesua hasi eta gutxira sortutako Kudeaketa Batzorde batek ezarrita. Bideragarritasun ekonomikoa, berriz, hainbat ikerketak frogatu dute, Usansolo Herriak aldarrikatzen duenez; azkenekoa, EHUk egindakoa, urriaren 29an aurkeztu zuten.
Bestalde, galdeketak balio politiko erabatekoa daukala adierazi du Usansolo Herriak. Plataformak bi zinegotzi ditu Galdakaoko Udaletxean, 2011ko udal hauteskundeetan Usansolon aise gailendu eta gero. "EAJk horren balioa ukatzen du, ordea", adierazi digu Monika Menak.
Ukazio horri aurre egiteko deitu zuten, hain zuzen, desanexioari buruzko erreferenduma: "Galdakaon, eta Bilbon, herri honek zer izan gura duen entzun dezatela".
Lurralde Politikako Ministerioak ukatu egin du eskaera, ez duela gutxieneko biztanle kopurua (5.000) argudiatuta. Kudeaketa batzordeak, Galdakaoko Udalak eta Bizkaiko Aldundiak erabakiaren kontrako errekurtsoa jarriko dute.
Usansolotarrek 30 urte daramatzate herri izateko lanean, eta orain bide horren azken txanpan daude. Espainiako Legedian, aldiz, oztopoak egon daitezke eta horiek gainditzeko, asteazken honetan EAJk, EH Bilduk eta Ahal Duguk proposamen bateratua aurkeztu dute Madrilen.
Larunbatean, desanexioaren aldeko aldarria berriz atera dute kalera Usansolon, eta urriaren 15erako mobilizazioa deitu dute. Bizkaiko Batzar Nagusietan beren borondatea bete dadila, hori lortu nahi dute ekimenokin. Izan ere, Bizkaiko Batzar Nagusien hurrengo bileran bozkatuko... [+]
Igandean herri-galdeketa egin dute, eta Usansoloren desanexioaren aldeko postura nagusitu da. Bozka eman dutenen %81,54 Usansolo Galdakaotik bereizi eta udalerri bilakatzearen alde agertu da.
Usansolon erroldatuta dauden 16 urtetik gorako 3.647 lagun zeuden deituak Galdakaoko Udalak antolatutako galdeketara, eta haietatik 2.302k (%63,12) eman dute bere iritzia. Herri independente gisa eratzearen alde agertu dira %81,54.
Bizkaiko 113. herria izan nahi du Usansolok, hala erabaki zuten 2014. urtean egindako kontsultan eta 2017an egin zuten sinadura bilketan. Deskonexiorako bide orria adostu zuten alderdi eta instituzioekin, orain ordea EAJk prozesua blokeatu izana salatu du UHk.
Usansolo Herria (UH) taldeak prentsaurrekoa eman du, Usansolo Galdakaotik bereizteko 2016an martxan jarritako prozedura Galdakaoko EAJren eta batik bat Ibon Uribe alkatearen jarreragatik geldotzen ari dela salatzeko. Usansoloren mugak zeintzuk diren berresteko bertoko... [+]
Usansolo Herria (UH) elkarteak agerraldia egin du Galdakaoko Udaletxearen aurrean. Usansoloren desanexio prozesuan Galdakaoko alkateak izandako jarrera salatu du bertan, hala nola Batzorde Parekidearen eraketa.
Usansoloko desanexio prozesuaren barnean, Galdakaoko alkateak ohiz kanpoko Bozeramaile Batzordea antolatu duela salatu du Usansolo Herria (UH) elkarteak. Aukeraketa hori modu pribatuan egin izana leporatu dio.
Bizkaiko Foru Aldundiak men egin dio Batzar Nagusiek otsailaren 3an onartutakoari, eta 2012tik indarrean dagoen foru araua aldatzea onartu du. Arau horrek Bizkaian udal gehiago sortzea debekatzen du.
Udal berrien sorrera debekatzen duen araua aldatzeko proposamen bat egin dezan eskatuko diote Bizkaiko Batzar Nagusiek Aldundiari, EH Bilduren mozio bat onartu ondoren. Hala, apur bat hurbilago du Usansolok Galdakaotik bereizteko aukera.
Udalbatzak PSE-EEren mozioa onartu du. Sozialistek ez eze, Usansolo Herria, Bildu eta Galdakao Bizirik taldeek alde bozkatu dute. PPk ezezkoa eman du eta EAJ abstenitu egin da.
Azaroaren 23an erreferendumera deituta daude Usansoloko herritarrak. Oraingoz Galdakaoko auzoa dena udal bihurtzea gura duten esan beharko dute. Emaitza ez da juridikoki loteslea izango, baina bai politikoki esanguratsua. 2012tik udal berrien sorrera galarazten duen araua... [+]
