Boto-kutxak itxi direneko inkesta: PPk eta Vox-ek osa dezakete gobernua
SigmaDos etxearen arabera, PPk 145 eta 150 eserlekuren artean eskuratuko lituzke, eta Vox-ek 24 eta 27ren artean. Alegia, bien artean gehiengoa osatzeko (176) inkesta horren emaitzarik onenak beharko lituzkete. Aldiz, historikoki PPren aldera egin ohi duen GAD3 etxearen arabera, PPk 150 lituzke eta Vox-ek 31.
SigmaDos etxeak Espainiako Estatuko telebista publikoentzat eginiko inkestaren arabera, aurreko galdeketek adierazi bezala, PPk irabaziko lituzke hauteskundeak. PSOEk uste baino gutxiago galduko luke (120 zituen lehen; orain, 113 eta 118 artean lituzke). Sumar-ek, Podemosek zituen eserlekuei eutsi eta gora egingo luke apur bat (26tik 28-31ra).
PPk, baina, PSOEk eta Sumar-ek baino eserleku gehiago eskuratuko lituzke Espainiako Kongresuan. Izan ere, SigmaDos-ek 145 eta 150en artean ematen dizkie popularrei (azken hauteskundeetan 88 zituen). Espero bezala Vox-en laguntza beharko luke gobernua osatzeko, eta aukerak dituzten arren, inkestak emandako emaitzarik onenak eskuratu beharko lituzkete (52 zituen Vox-ek; inkestaren arabera, 24 eta 27 artean eskuratuko lituzke). Vox-en jaitsiera nabarmena da, eta bistakoa da PPren alde jo dutela boto emaile askok.
GAD3-ren inkesta: PP eta Vox-en gobernu aukera
GAD3 etxearen inkestek sarri jo dute PPren aldera, eta oraingoan, Mediaset-entzat, boto-kutxak itxi berritan kaleratu duten inkestan, PPren eta Vox-en gobernua aurreikusi daiteke.
PPk 150 eserleku eskuratuko lituzkeela dio GAD3-ek, eta Vox-ek, berriz, 27. Alegia, eserleku batengatik gaindituko lukete gehiengoa osatzeko eserleku kopurua, 176.
PSOEk, bestalde, 112 eserleku eskuratuko lituzke inkesta horren arabera, eta Sumar-ek 27.
Espainiako Gobernurako presidentegaia aukeratzeko elkarrizketak egin ditu Espainiako errege Felipe Borboikoak. Francina Armengolek, Espainiako Kongresuko Mahaiko presidenteak, jakinarazi du erregeak Feijóo aukeratu duela.
Mapa honetan ikus daitezke emaitzak udalerriz udalerri.
Eskuin muturreko ordezkariak adierazpen hauek egin ditu:
“EAJk balantze ona egiten du gaurko Hauteskunde Orokorretan lortutako emaitzen inguruan”, hasi du hitzartzea EAJko lehendakari Andoni Ortuzarrek. Adierazi du helburu nagusia lortu duela EAJk.
"Garaipena azkenekoz lortu genuenetik zazpi urtera, berriro irabazi ditugu hauteskunde orokorrak", adierazi du PPko presidentegai Alberto Núnez Feijóok. "Harro nago horregatik. Eskerrik asko!".
Egun osoa igaro ostean parte hartzea jaitsi egin zela esanez, posta bidezko botoak zenbatu direnean, ondorioztatu da, igo egin dela. Espainiako estatu mailan bi puntu igo da parte-hartzea. PSOE izan da irabazlea bototan Hegoaldean 375.963 botorekin, 64.604 irabazita. Bigarrena... [+]
“Duela lau urte baino boto, eserleku eta portzentaje gehiago atera dugu”, azpimarratu du Pedro Sánchez Espainiako Gobernuko egungo presidenteak.
Arnaldo Otegik adierazpenak egin ditu EH Bilduren Donostiako egoitzan, 23:30 aldera. Oso pozik agertu da emaitzekin eta PP eta Voxek ez dezaten gobernatu, EH Bilduren babesa adierazi dio Sanchezen gobernuari.
Nagia ematen du, bai. Duela lau urte hauteskundeak errepikatu ziren tronurako bidea nola egin adosteko gai izan ez zirelako politikari profesionalak, eta medioen zein jendearen titular nagusia horixe izan zen orduan: nagia. Oraingoan ere beste hauteskunde batzuetatik zetozen... [+]
Yolanda Díaz Sumar-eko sortzaile eta buruak azpimarratu du “esperantzak beldurrari irabazi” diola, eta ziurtatu du astelehenetik aurrera elkarrizketak hasiko dituela “alderdi aurrerakoi eta demokratekin”, gobernua ahalbidetzeko.
2019ko hauteskundeekin alderatuta, parte-hartzeak behera egin du Araban, Bizkaian, Gipuzkoan eta Nafarroan. Aurten marka guztiak hautsi dituen posta bidezko botoa ez dago kontatuta. 14:00etako datuek zioten zuten parte-hartzeak gora egin zuela. Grafikoan, parte-hartzeak behera... [+]