Bost zentral eolikori buruzko iragarkiak egun bakarrean, Jaurlaritzaren aldizkarian
Aldizkari ofizialean egun bakarrean bost zentral eolikorentzako hainbat eskaerari buruzko informazioa eman du Eusko Jaurlaritzak, bai aurretiazko administrazio baimena emateko eskarienak, bai ingurumen-inpaktuaren adierazpena eskatzeko. Bi eskari Gipuzkoako proiektuentzako dira eta beste hiruak Bizkaiko hainbat tokitan egin nahi diren azpiegiturentzako. Enkarterrietan, berriz, Artzentales inguruko makroeolikoen proiektua geratzeko 2.500 alegazio aurkeztu dituzte herritarrek.
EAEko aldizkari ofiziala eolikoen inguruko iragarpenez beteta dator ostiral honetan. Eusko Jaurlaritzako Gipuzkoa eta Bizkaiko Industriako Lurralde Ordezkaritzek egin dituzte iragarkiak orain izapideekin hasi edo jarraitzeko, baina azpiegitura horietako batzuen egitasmoak aspaldi ezagutarazi zituzten sustatzaileek.
Gipuzkoako kasuan, Trekutz mendiaren inguruan, Urretxu eta Antzuola artean Cilda Energy SL-k –Capital Energy multinazional taldearen sozietatea– 5 MWko bi haize errota jarri nahi ditu eta lau kilometroko lurpeko linea elektriko bat eraiki; denera 10 milioi euro baino gehiago kostako duen proiektua da. Horretarako ingurumen-inpaktu baimena eskatu du konpainiak eta eskabide hori jarri du Jaurlaritzak jendaurrean.
Horrez gain, Gipuzkoan ere, Oletako mendi eta lepo inguruan –Azkoitia, Azpeitia, Zumarraga eta Ezkio-Itsaso ukituko lituzke– beste zentral eoliko bat eraiki nahi dute. Kasu honetan Green Capital enpresak egin du eskaria ingurumen-inpaktu adierazpena onartzeko. Zentral honek 4 aerosorgailu edukiko lituzke 5 MWkoak eta bost kilometro baino gehiagoko lurrazpiko linea batekin lotuta egongo litzateke; 20 milioi euroko aurrekontua du proiektuak.
"Enkarterriko lurraldea aukeratua izan da energia kolonialismo eta finantza espekulazioaren prozesu oso zabal baten baitan, administrazioaren adostasunaz, enpresa handiek berdez tindatzen dutelarik baliabide naturalen espoliazioa"
Bizkaian beste hiru zentral eolikoen inguruko iragarkiak irakur daitezke aldizkari ofizialean, denak aurretiazko administrazio baimena eskatzeko: Zeberio, Galdakao, Bedia eta Igorreko udalerriak ukitzen dituena, Ferosca Wind SL enpresarena –6 haize errota–; Gorliz eta Lemoiz arteko beste bat, Mendia Wind SL izeneko enpresa batek eskatua 5 haize errota jartzeko; eta Bakio, Maruri-Jatabe eta Mungia artean beste zentral baterako eskaria Mendia Wind enpresa berak egina, baina kasu honetan 8 haize errotarentzat.
3.000 alegazio Enkarterrietan, makroeolikoen kontra
Artzentales, Sopuerta, Galdames, Muskiz, Zalla eta Gueñesko lurrak kaltetuko dituen Alen-Mello gailurreriako zentral eoliko proiektuaren kontrako 3.000 alegazio aurkeztu ditu Makroeolikorik Ez herri plataformak.
Azpiegitura erraldoia Euskal Haizie SL enpresak jarri nahi du inguru horretan eta plataformak gogor gaitzetsi du egitasmoa: "Mendien industralizazioaren aurka eta kapital handien onurarako, lurraldeetako biztanleria pobretzen duen eredu makro-berriztagarriaren kontra" azaldu dira.
Horrez gain, salatu dute kalteturiko udalek ez dituztela adierazpen sinbolikoetatik haragoko urratsak eman eta plataformak bere jarduerarekin aurrera jarraituko duela ohartarazi du. "Enkarterriko lurraldea aukeratua izan da energia kolonialismo eta finantza espekulazioaren prozesu oso zabal baten baitan, administrazioaren adostasunaz, enpresa handiek berdez tindatzen dutelarik baliabide naturalen espoliazioa", azaldu du.
Espainiako Estatuko zentral nuklearrak itxi ez daitezen aktoreen presioak gora jarraitzen du. Otsailaren 12an Espainiako Kongresuak itxi beharreko zentral nuklearrak ez ixteko eskatu zion Espainiako Gobernuari, eta orain berdin egin dute Endesak eta Iberdrolak.
"Historikotzat" jo du otsailaren 27an plazaraturiko epaia Lurraren Altxamenduak sare ekologista antikapitalistak. Bere aldetik, epaiaren "krudelkeria" salatu eta helegitea jarriko duela jakitera eman du Frantziako Estatuak. Duela hogei urte baino gehiago jarri... [+]
Iazko urriko bileran lortu ez zuten akordioa erdiestea espero dute COP16ko parte-hartzaileek, eta ostegun honetan dute gailurraren azken eguna. 2030. urtea bitartean, bioaniztasunaren alde 200.000 milioi dolar bideratzeko engaiamendua hartu zuten 2022ko COP15 gailurrean, eta... [+]
Biologian doktorea, CESIC Zientzia Ikerketen Kontseilu Nagusiko ikerlaria eta Madrilgo Rey Juan Carlos unibertsitateko irakaslea, Fernando Valladares (Mar del Plata, 1965) klima aldaketa eta ingurumen gaietan Espainiako Estatuko ahots kritiko ezagunenetako bat da. Urteak... [+]
Nola azaldu 10-12 urteko ikasleei bioaniztasunaren galerak eta klima aldaketaren ondorioek duten larritasuna, “ez dago ezer egiterik” ideia alboratu eta planetaren alde elkarrekin zer egin dezakegun gogoetatzeko? Fernando Valladares biologoak hainbat gako eman dizkie... [+]
Ur kontaminatua ur mineral eta ur natural gisa saltzen aritu dira urte luzeetan Nestlé eta Sources Alma multinazional frantsesak. Legez kanpoko filtrazioak, iturburuko ura txorrotakoarekin nahasi izana... kontsumitzaileen osagarria bigarren mailan jarri eta bere interes... [+]
Satorralaia plataformak eman du gainkostuaren berri, informazioa Jaurlaritzari eskatutako txosten batetik aterata. Donostiako metroaren Mirakontxa-Easo zatiaren lanak 53 milioi eurotan esleitu ziren, eta egungo aurrekontua 139,4 milioi eurokoa da. Donostiako metro-pasantearen... [+]
"Gasteiztik egin ezean, ez da egingo", adierazi du PSNren bozeramaile Ramón Alzorrizek. Kontra azaldu dira Geroa Bai, UPN eta PP.
Greenpeaceko kideak Dakota Acces oliobidearen aurka protesta egiteagatik auzipetu dituzte eta astelehenean aztertu du salaketa Dakotako auzitegiak. AEBko Greenpeacek gaiaren inguruan jasango duen bigarren epaiketa izango da, lehenengo kasua epaile federal batek bota zuen atzera... [+]
Laborantzaren Orientazio Legea pasa den astean ofizialki onartu du Frantziako Parlamentuak. Ostegunean Senatutik pasa da azken aldikoz. Iazko laborarien mobilizazioen ondotik, aldarrikapenei erantzuteko xedea du lege horrek. Aldiz, ingurumenaren aldeko elkarteek azkarki salatzen... [+]
Administrazio Epaitegiak arrazoia eman dio EH Bilduk Lizarrako plantilla organikoaren hizkutnz profilen aurka jarritako helegiteari.
Emakume bakoitzaren errelatotik abiatuta, lurrari eta elikadurari buruzko jakituria kolektibizatu eta sukaldeko iruditegia irauli nahi ditu Ziminttere proiektuak, mahai baten bueltan, sukaldean bertan eta elikagaiak eskutan darabiltzaten bitartean.
Ibon galdezka etorri zait Bizibaratzea.eus webguneko kontsultategira. Uda aurre horretan artoa (Zea mays) eta baba gorria (Phaseolus vulgaris) erein nahi ditu. “Arto” hitza grekotik dator eta oinarrizko jakia esan nahi du, artoa = ogia; arto edo panizo edo mileka... [+]
Nekazal eremu lehor baten erdian ageri da putzua. Txikia da tamainaz, eta ez oso sakona. Egunak dira euririk egiten ez duela, baina oasi txiki honek oraindik ere aurretik bildutako urari eusten dio. Gauak eremua irentsi du eta isiltasunaren erdian kantu bakarti bat entzun da... [+]
Zuhaitza esnatzear dago, kimuak ageri dira adarretan. Gutxi falta da loraldirako, laster aro berria hasiko du, indarberrituta.