Bost urte beteko ditu Euskoa monetak eta erabiltzaile-perfila zabaltzea du erronka
Bost urte beteko ditu aurten Euskoak: Ipar Euskal Herrian erabiltzen den tokiko moneta da, solidarioa eta ekologikoa. Babes handia du herritar nahiz instituzioen aldetik eta sarea indartzen jarraitzeko asmoa dute. Bosgarren urteurrenaren harira, martxoaren 4an “familia giroko festa handi bat” lortu nahi dutela esan du Dante Edme Sanjurjo Elkarteko zuzendariak.
Egitarau zabala osatu dute Euskoaren bosgarren urtemuga ospatzeko. Pirritx eta Porrotxen ikuskizunarekin hasiko da goiza, eta behin egunari hasiera emanda, festak ez du etenik izango: animazio txokoak, laborantza herrikoiaren merkatua, zirko ikastaroa, haurrentzako lasaitze gune bat eta bazkari herrikoia egongo dira, besteak beste. Herri Urrats bezalako egun bat izatea nahi dute antolatzaileek.
Zer ospatua badagoela dio Edmek, bost urtetan Euskoaren erabilerak gora egin baitu eta etorkizun oparoa aurreikusten dio. Arrakastaren gakoa proiektu amankomun baten inguruan eraiki diren zubiak direla dio: “jJndarteko sektore ezberdinen artean eraiki diren zubiak dira proiektua sostengatzen dutenak”. Batez beste, 3.000 kidek erabiltzen dute Euskoa euren egunerokotasunean. “Euskal Herri euskaldunago, ekologikoago eta solidario bat eraikitzeko elkarrekin lanean ari diren norbanakoak dira”, dio Edmek.
Aurrerantzean, Euskoaren erabiltzaile perfila zabaltzea izango da erronka, tokiko moneta militanteak ez diren pertsonen egunerokoan ere sartuz. Oraingoz erabiltzaileak konpromiso handiko herritarrak direla dio Sanjurjo Elkarteko zuzendariak: “Batzuk tokiko ekonomia dinamizatzeko eta bertako enplegua defendatzeko egiten dute. Beste batzuk Euskal Herriak bere moneta propioa izan behar duela sinesten dutelako erabiltzen dute. Saltoki txiki eta laborantza herrikoien alde egiteko erabiltzen dutenik ere bada. Muga horien gainetik dauden erabiltzaileengana hurbildu behar dugu”.
Herria da oinarria, baina ekimenak administrazioaren bultzada sendoa jaso du azken aldian: Jean-Rene Etchegaray Baionako alkateak, besteak beste, Euskoaren erabilera bultzatzeko proiektuak abiarazi ditu eta argi du Frantziako Gobernuak tokiko moneten aurka ezarritako neurriek zer ezkutatzen duten: “Uste dut badela sumindura jakobino bat, zeren Euskal Herrian tokiko moneta oso ondo dabil. Zentralizatze nahikeri bat antzematen dut”.
Ipar Euskal Herritik kanpoko herritarrentzat ere posible da Euskoari sostengua ematea. www.euskalmoneta.org bidez kidetza lor dezakete. Hala ere, tokiko monetari laguntzeko biderik onena martxoaren 4an Baionara hurbiltzea dela nabarmendu du Edmek
Euskal Monetak garapen handia ezagutu du azken urteotan Ipar Euskal Herrian. Europako tokiko moneta indartsuena bilakatu da. Sortu zenetik, Hego Euskal Herrira hedatzeko asmoa integratu zen proiektuan. Mugaz gaindiko tokiko moneta osagarri baten sortzea lantzen hasia da Euskal... [+]
Biarritzen egin dute larunbatean Eusko Elkarteen Eguna. Guztira 69.672 euro banatu dituzte tokiko moneta babesten duten elkarteen artean. AEK izan da iaztik gehien hazi den elkartea, 2.531 eusko jasota.
Apirilaren 15ean, larunbatean, Ezpeletan, tokiko monetaren besta herrikoi handia iragan zen: Eusko Eguna. Hiru urtez falta izan ondoan, azkenean, Eusko Eguna berriz antolatu ahal izan genuen. Gainera, aurten, Euskoaren hamargarren urtebetetzea ospatzen ari gara! Horregatik, egun... [+]
Europako tokiko monetarik handiena bilakatu da Euskoa 10 urtetako ibilbidean. "Elkartasuna sustatu eta lurraldea pentsatzeko boterea berreskuratzeko" tresna izatea da Euskal Monetaren asmoa.
Eusko monetaren "% 3ko emaitza" baliabideari esker, orotara 61.281 eusko emanak izan dira 58 elkarte hartzaileri. Tokiko monetaren izaera solidarioa berresten da errekor berri honekin; izan ere, iazko 50.540 euroak aise gainditu dira aurten.
Larunbat honetan iraganen da Miarritzeko Surfrider fundazioan Eusko ekimenak antolatzen duen Elkarteen eguna. Lekuko moneta bat plantan ezartzearen parte bat elkarteei bideratzen die sistemak eta aurten ere, diruaren birbanaketa solidario horri esker, elkarte batzuk sarituak... [+]
Lekuko moneta erabiltzen hastearen alde aho batez bozkatu dute apirilaren 1ean kontseilariek. Lapurdiko hiri horretako 67 elkartek dute Euskoa onartzen eta herriko etxea sarean sartu izana esanguratsua da.
Euskoren “%3ko emaitza” baliabideari esker, 2021ean 50.540 euro eman zaizkie hainbat arlotan –ekologia, kirola, elkartasuna, euskara eta abar– lanean ari diren 61 elkarte hartzaileri. Urriaren 2an Biarritzen bildu ziren elkarteak txekea eskuratzeko eta... [+]
Hautetsiek lansariaren zati bat euskoz jasoko duten lehen herria izango da Uztaritze.
Urriaren 10ean ospatu dute Eusko Elkarteen Eguna Donapaleun. Karia horretara, 38.500 eusko baino gehiago banatu dizkiete 55 elkarte ezberdinei.
Euskal Elkargoko Turismo Bulegoak eta Euskal Moneta elkarteak “Bakantzak euskoz” egitasmoa jarri dute martxan, helburu batekin: oporrak eusko moneta erabiliz igaro ahal izatea.
Euskal Moneta elkarteak Euskopay aurkeztu zuen larunbatean, mugikorrarekin euskoz ordaintzeko aplikazioa. Astelehenean Ipar Euskal Herrian turismo jasangarria sustatzeko kanpaina eman du ezagutzera.
Euskoa Europako lehen tokiko moneta da, milioi bat baino gehiago eusko zirkulazioan direlarik, 2013an abiatu zenetik izandako dinamikari esker. Orain hozka batez gora egitea da xedea, Euskoz ordaintzearen ekintza norma bilakaraziz, zeren, euskoz hobe!
Eusko Eguna ospatu zen iragan igandean Lapurdiko hiriburuan. Antolatzaileen erranetan, eguna euritsua izan arren, mila lagun baino gehiago hurbildu ziren Baionako Elkarteen etxera.