Bost lagun epaituko dituzte hilaren 17an, Iruñeko Bloke Sozialistako etxegabetzeei lotuta
Iruñeko Udalaren aginduz, Poliziak iazko azaroan hustu zuen Jarautako blokea, hainbat egunez hura setiatu ostean. Bloke Sozialistan zirenei elkartasuna adieraztera joan ziren bost pertsona salatu zituen UPNk, eta salaketak mantentzea erabaki dute EH Bilduk, Geroa Baik zein Contigo-Zurekinek. Beraz, hurrengo asteazkenean izango da epaiketa, eta 13:00etan epaitegira bertaratzera deitu du Iruñerriko Etxebizitza Sindikatuak.
2023ko azaroaren 12an eman zuten berria Iruñean (Nafarroa): Jarauta kalean, langile kontrolpean jarri zuten bloke bat. Bertan bizitzen ari ziren jada hainbat familia eta pertsona: aurretik etxegabetuak izan ziren zenbait familia, indarkeria matxista jasan dutenak edota haurrak dituztenak; bai eta emantzipatu ezinik zeuden gazteak eta lan-arazoen ondorioz alokairu bat ordaindu ezin zuten zenbait lagun ere. Udalaren jabetzakoa da blokea; Pamplona Centro Histórico-Iruña Biziberritzen (PCH-IB) udal enpresarena, hain zuzen ere.
Indarkeriaz erantzun zuen udalak: udaltzainen bidez, legez kontrako sarbide-kontrol bat ezarri eta Bloke Sozialista setiatuta izan zuen hainbat egunez. Hala, etxe barruan ziren pertsonak hainbat egunez mantendu zituzten bahituta, bloketik irten ezinik. Bost eguneko setioaren ondoren hustu zuen eraikina Poliziak, udalaren aginduz.
Iruñerriko Etxebizitza Sindikatuak oraintsu salatu duenez, "argi geratu da Iruñeko Udalak nahiago duela etxebizitza horiek hutsik egotea eta, hala, funtzionalak izatea etxebizitzaren negozioari, bertan jendea bizitzea baino". Gogorarazi du, gainera, estrajudizialak izan zirela bai blokeko etxegabetzeak, bai "desokupazio-enpresek egiten duten moduan" ezarritako sarbide-kontrola ere.
Bost kideren kontrako salaketa eta alderdi guztien adostasuna
Udalak setioa indarrean izan zuen egunetan, jende ugari bertaratu zen Bloke Sozialistaren kanpoaldera, barruan zirenei babesa ematera eta elkartasuna adieraztera. Horietatik bost pertsona seinalatu zituen UPNk, eta euren kontrako salaketa bat jarri zuen. Horren ondorioz irekitako prozedura "UPN agintean zenean hartu zuen erabaki politiko baten ondorioa" dela argitu du Iruñerriko Etxebizitza Sindikatuak, eta "muntaia polizial batean oinarritzen" dela.
Dena den, "gaur egun udalean dauden alderdiek epaiketarekin aurrera jarraitzea erabaki dute", sindikatuak azaldu duenez. Alegia, "karguak atzera botatzeari uko egin" diote EH Bilduk, Geroa Baik eta Contigo-Zurekinek, PSNren babesarekin. "Alderdi guztiek bat egiten dute, eskuinetik ezkerrera, jabetza pribatua defendatzen eta elkartasuna kriminalizatzen, etxebizitzarako sarbide doakoa defendatzen dugunon aurrean", ohartarazi du sindikatuak.
Elkartasuna kriminalizatuta
Beraz apirilaren 17an epaituko dituzte bost kideak, Iruñeko epaitegian. 13:00etarako hara bertaratzera deitu du Etxebizitza Sindikatuak, epaituak izango diren pertsonei babesa emateko. Epaiketa horrekin, "elkartasuna kriminalizatu" nahi dutela salatu dute Iruñerriko kideek: "Are gehiago zaildu nahi dute Etxebizitza Sindikatuon jarduna, eta zigortu nahi dutena etxegabetzeen aurkako borroka eta antolakuntza dira".
Azken asteetan txosnen harira eztabaidaren erdian egon diren Mugimendu Sozialistako eragileek –Gasteizko GKS eta Etxebizitza Sindikatuak, eta Bilboko Luberri konpartsak– prentsaurreko bateratua eman dute ostegun goizean Gasteizen. Nahiz eta ukatu egin dituzten... [+]
GKSk kanpaldia abiatu du asteazkenean Artzain Onaren katedralean, eta mobilizazioa egingo dute ostegun arratsaldean. Ohartarazi dute Palestinako Estatua formalki aitortzeak ez duela palestinar herriaren egoera aldatuko. Kanpaldia ostiral arratsaldean amaituko dutela jakinarazi... [+]
“Desadostasun ideologikoen gainetik”, jai herrikoiek denon espazio izan behar dutela ulertuta, txosnetan GKSri eta Etxebizitza Sindikatuari Gasteizen eta Luberri Konpartsari Bilbon betoa jarri dietela salatu eta konponbidea eskatu dute 150 bat artistak. Tartean dira... [+]
Eusko Jaurlaritzako Segurtasun sailburuaren arabera, gazteek ertzainei “bortizki eraso” zieten, eta “erabat gaitzetsi” ditu jokabideak.
Gazte Koordinadora Sozialistak agerraldia egin du Gasteizen, larunbat gauean hainbat gaztek jasandako polizia-indarkeria salatzeko. Izan ere, etxebizitza huts batean sartu ziren gazteei babesa adieraztera bertaratu zen jendea jipoitu zuen Ertzaintzak. Lau pertsona ospitaleratu... [+]
Egun osoko jardunaldi politikoaren barruan, manifestazio bat egingo du 19:30ean, Gipuzkoa Plazatik abiatuta. "Azken asteotako jazarpen polizialaren eta errepresioaren" kontra mobilizatuko dira.
Asteazken honetan deklaratu beharko du, eta elkarretaratzera deitu du GKSk: 11:30ean bilduko dira epaitegi aurrean. Iazko azaroaren 3an egindako protesta baten harira auzipetu dute gaztea; PSOEren egoitza aurrean mobilizatu ziren egun horretan, sionistak Palestinan egiten ari... [+]
Aurrerantzean Mugimendu Sozialistaren erreferente politiko nagusia izango den antolakunde berria aurkeztu dute. 1.500 lagunetik gora bildu ditu Eibarko Astelena pilotalekuan eginiko ekitaldi poliikoak, Gedarrek jaso duenez. Alternatiba sozialista antolatzeko beharraz jardun... [+]
Donostiako Kontseilu Sozialistak, Defentsa Komunitatearekin batera, Donostiako Zentro Sozialistaren aurkako prozedura judiziala gelditzea eta zentroan jarraitzeko hitzarmena sinatzea lortu du datozen urteetarako.
Zaintza sektoreko langileen baldintza txarrak eta zaintza zerbitzuen kalitatearen okertzea salatu dituzte. Sektore feminizatuetan borrokan diharduten emakume langile asko batu dira mobilizazioetara; Correosek eta beste hainbat enpresak azpikontratatutako garbitzaileak,... [+]
Ostiralean Palestinaren alde egin zuten kontzentrazioan Ertzaintza “gogor oldartu” zela nabarmendu du Gazte Koordinadora Sozialistak.
"Euskal Herriko gazte askok parte hartu dute Topaguneko ekimenetan, sozialismo iraultzaileak milaka gazte langileren artean duen atxikimenduaren erakusle dena", adierazi dute GKSk eta IAk ekimenaren osteko balorazio politikoan. Antolatzaileen arabera, milaka gazte... [+]
EH Bilduk eta Sortuk “jarrera baztertzaile eta debekatzaileekin jarraitzen" dutela salatu eta Topagune Sozialistaren egitaraua "berme guztiekin" egin dadin "moldatu eta egokitu" behar izan dutela adierazi dute GKSk eta Ikasle... [+]