Bost egunez luzatu du Jaurlaritzak kulturgileentzako diru-laguntzak eskatzeko epea
Maiatzaren 25ean bukatzekoa zen kulturgileentzako diru-laguntzak eskatzeko Jaurlaritzak jarritako epea, baina beste bost lanegunez luzatzea erabaki dute: ekainaren 1era arte aurkeztu ahalko dituzte eskaerak baldintzak betetzen dituzten kulturaren alorreko langileek.
Kulturgileek COVID-19ak eragindako egoerari aurre egiteko diru-laguntzak jarri zituen martxan Eusko Jaurlaritzak: maiatzaren 12tik 25era arteko epea zegoen laguntza horiek eskatzeko, baina EAEko Gobernuko Kultura eta Hizkuntza Politika Sailak eta Lanbidek erabaki dute epea luzatu egingo dela: ekainaren 1era arte eskatu ahalko dituzte laguntzok alorreko profesionalek.
Iragarpen hori egitearekin batera, Jaurlaritzak argitu du laguntzak jaso ahal izateko Araubide Orokorrean edo Langile Autonomoen Araubide Berezian alta emanda dauden langileei zuzenduta dagoen partida bat dela. Laguntzak eskatzen dituzten guztiengana iristea du xede Jaurlaritzak, baina eskatzaile guztien beharrak asetzeko aurrekonturik egongo ez balitz, notario bidez egingo den zozketak definituko luke nork jasoko duen laguntza eta nork ez –Jaurlaritzak aukera hori lehenetsi du, lehenbizi eskatzen duenak lehentasuna edukitzearen aurrean–.
Kulturaren Euskal Behatokiaren arabera, 6.834 lagunek egiten dute lan EAEn kultur eta sormen industrietan. Apirilaren erdialdean diru-laguntzak aurkeztu zirenean, Bingen Zupiria Kultura eta Hizkuntza Politikarako sailburuak azaldu zuen horien erdiek inguruk eskatuko dutela diru-laguntza beraien aurreikuspenen arabera, beste erdiak enpresa bati lotuta egonik, beste mota bateko laguntzak eskatzeko aukera izango luketelako.
Bi miloi euro kulturako mikroenpresentzat
2020ko EAEko aurrekontuetan adostuta zegoen 2,5 milioi euroko partida horretaz gain, Jaurlaritzak iragarri du bi milioi euro gehiago ere jarriko dituela, COVID-19aren krisiak kaltetutako sektoreko mikroenpresei zuzenduta. Enpresa horien egiturazko gastuei aurre egiten laguntzeko xedea izango du partida horrek.
Gainera, Elkargiren bidez, Jaurlaritzak aukera eskaini du autonomoentzako eta enpresentzako likidezia funtsera jotzeko. Araba, Bizkaia eta Gipuzkoako gobernuaren arabera, dagoeneko 405 finantzazio eskaera jaso dituzte kultura eta kirol arloan, eta momentuz 177 onartu dira.
Mende batean, Baionako Euskal Museoak izan duen bilakaeraz erakusketa berezia sortu dute. Argazki, tindu edo objektuak ikusgai dira. 1924an William Boissel Bordaleko militarrak bultzatu zuen museoaren sorrera, "euskal herri tradizionalaren" ondarea babesteko... [+]
Seo/BirdLife GKEak eta Guggenheim Urdaibai Stop plataformak bultzatzen dute ekimena, eta sinadura kopuruak Bilboko museoak urtero dituen bisitarien zenbatekoari erreferentzia egiten dio. Zehaztu dute “inpaktu kritiko eta itzulezinak” eragingo lituzkeela Urdaibiako... [+]
Ekologistak Martxan elkarteak bandera beltzak banatzen ditu urtero, kutsaduragatik eta kudeaketa txarragatik. Getariako makrogranjak eta Leioako Lamiakoko padurak jaso dituzte beste bi banderak.
Donostiako Kultura Garaikidearen Nazioarteko Zentroan dituen 6.300 metro koadroak erabiliko ditu Kutxa Fundazioak espazio berriarentzat eta 15 milioi euroko aurrekontua du proiektuarentzat. 2026ko udazkenean ireki asmo dute Atenea, eta hori baino lehen itxiko dute Miramongo... [+]
Urtearen amaieran utziko du ardura postua. Zuzendaritza berritzeko prozesua jarriko dute martxan. Vidartek 32 urte pasatu ditu Bilboko Guggenheim museoko zuzendaritzari lotuta.
Muruetan 32.000 metro karratu erosteko asmo dauka Bizkaiko Diputazioak, besteak beste Urdaibain Guggenheim museoa eraikitzeko.
Urdaibaiko Guggenheimen proiektua bi urtez etengo dutela iragarri zuten urtarrilean Lakuak eta Bizkaiko Aldundiak, baina museoa eraiki ez dadin borrokan jarraitzen dute ekintzaileek. Futuro Vegetal aktibista klimatikoen azken ekintza eta Guernica Gernikara taldeak antolatu duen... [+]
Ghana, 1823. Ashanti Inperioaren eta britainiarren arteko lehen gerra hasi zen. Guztira lau gerra izan ziren bien artean, eta gatazka 1901 arte luzatu zen. Lehenago, europarrek herrialdeko Urrezko Kosta kontrolatzen zuten. Baina 1807ko esklabotzaren abolizioaren ondorioz,... [+]
Donostiako Amara auzoan dagoen Kontenedora sorkuntza espazioak ez du estreinako urterik onena izan: bederatzi hilabetez itxita egon da, burokraziaren katramiletan harrapatuta. Udalak ezarritako trabak azaldu dituzte. Abokatu eta arkitekto artean aritu ostean, baina, badirudi... [+]
Busturialdea eskualdeko hainbat alkate eta zinegotzi bildu ditu EH Bilduk Gernikan emandako prentsaurrekoan. Idurre Bideguren senatariak adierazi du neurria EAJren “kudeaketa eredu zaharkituaren beste adibide bat” dela.
Iñigo Urkullu lehendakariak jakinarazi du proiektua geldituko dutela 2024 eta 2025ean. Bilboko Guggenheim museoko patronatuak proiektuaren “bideragarritasuna” aztertu nahi du. Guggenheim Urdaibai Stop plataformaren esanetan, etena ez da "onargarria"... [+]
Joan den urriaren 28an manifestaldi jendetsua egin zen Gernikan. Aspaldiko partez, 1987an bonbardaketaren 50. urtemugaren harira egindakotik, agian, handiena. Berton, instituzio politiko zentral, autonomiko eta probintzialetik babestutako Guggenheim museo proiektu... [+]