Bosgarren urteurrena ospatuko du Etxelila Ondarruko emakumeen topalekuak
2013an martxan jarritako Etxelilak bost urte bete ditu, eta ospakizun jaialdia egingo dute abenduaren 14an.
Herriko mugimendu feministaren eskariei erantzunez, Ondarroako Udalak Artibai kaleko 1. zenbakidun eraikina esleitu zion mugimenduari 2013an. Etxelila izena eman zitzaion espazio hark bost urte bete ditu aurten, eta aitzakia horrekin jaialdia egingo dute abenduaren 14an.
Etxelilaren gaur arteko ibilbideari dagokionez badute zer ospatu. Bost urte hauetan hainbat ekintza burutu izateaz gaiz, espazioaren ardatz nagusietakoa den Jabekuntza Eskolaren baitan 100 ikastaro antolatu dituzte, eta 500 emakume inguruk parte hartu du hauetan. “Etxelila erreferentziazko gune bihurtu da Ondarroako emakumeentzat eta Mugimendu Feministarentzat”, adierazi dute Ondarroako Emakumeen Udal Berdintasun Kontseiluak eta Berdintasun Sailak.
Ospakizuna
Abenduaren 14an, ostirala, egingo dute ospakizun festa Etxelilan bertan. Egun horretarako abestia egin du Azalera taldeak, eta Uxue Alberdik jarri dizkio hitzak. Txakur Gorria kolektiboak, bestalde, urteurrenerako irudia sortu du.
Jaialdiaren egitarauari dagokionez, Andrabanda batukada feministak emango dio hasiera ospakizunari eta Beatriz Egizabal Ollokiegi klownak egingo ditu aurkezle lanak. Egun horretarako abestia sortu duen Azalera taldeko Lorea Zulaika Arriagak, Susunkordan taldeko Goretti Serrano Akarregik eta Nerea Larrinaga Sanchezek kontzertu akustikoa eskainiko dute, eta Amaia Cabero Saizar dantzaria zuzenean ikusteko parada ere izango da. Jaialdian zehar, herriko emakume talde eta mugimendu feministako kideek ere hartuko dute hitza, eta tarte guzti horretan Artestura Feministak erakusketa ikusgai egongo da. Txakur Gorria kolektiboak ospakizunaren kontaketa grafikoa egingo du.
Urteurrena iragartzeko bideoa ere egin dute:
Ipar Euskal Herriko lehen Emakumeen Etxeak ateak zabalduko ditu ondoko hilabeteetan Urruñan. Ostegunean, ekainaren 27an, ukan dute sorrera finkatzeko biltzar nagusia eta horren berri eman digu Véronique de la Devèze militante feministak.
Sasoi bateko etxekoandreek normalidadera itzultzeko gogo bizia izaten zuten opor-denboran. Etxekoak, firin-faran, urteko zereginak alde batera lagata, enbarazu baino ez ziren emakume hauendako. Gainera, senideak dolce far niente horretan zebiltzan bitartean, ama/amama hauek... [+]
Emakumeek zuzendutako emakumeentzako proiektu feminista jarriko dute abian Etxanobe etxean.
34.601 bisita izan ditu Donostiako Emakumeen Etxeak 2017/2018 ikasturtean, Duñike Agirrezabalaga udaleko berdintasun zinegotziak Emakumeen Etxeko memoriaren aurkezpenean azaldu duenez. 140 bisita izan ditu Okendo kalean kokatuta dagoen egoitzak, aurreko ikasturtean baino... [+]
Iruñeak argi berdea eman dio Emakumeen Etxea sortzeari. Lehen aldiz izanen du hiriak halako gune bat eta horretarako inbertsioa eginen du udalak, 143.000 euro ia.
Jane Wildek 19 urte zituela ezagutu zuen Stephen Hawking. Ordurako bi urteko bizi-itxaropena diagnostikatu zioten Hawkingi. Halere, Wildek 25 urtez zaindu zituen zientzialaria eta elkarrekin izan zituzten hiru umeak. Gizona XX. mendeko astrofisikorik ezagunena bilakatu zen eta... [+]
Ostiral honetan egingo da lehen saioa, Eibarko Andretxean, 19:00etan. Ordutik abendura bitartean, sei bertso jaialdi gehiago egingo dira emakumeen testu literarioak oinarri hartuta.