Bortxaketa bat leporatua zaion Gerard Darmanin izendatu dute Frantziako Barne Ministro
Frantziako Gobernu berriaren osaketaren berri eman zuen uztailaren 6an Emmanuel Macron presidenteak. Gobernu "antifeminista" feministek salatu dutenez. Hain zuzen, jarrera sexistak eta antifeministak izandako gizonak izendatu ditu Justizia ministerioan zein Barne ministerioan.
Frantziako Gobernu berriaren osaketa “zaflako” eta “irain” gisa hartu dute feministek. Sinesgaitza bada ere, horra hor, besteak beste nor diren karguetan: Bortxaketa eta eraso sexistak leporatuak zaizkion Gerard Darmanin izendatu du Frantziako Barne Ministro eta Justizia Ministro berriz Eric Dupond-Moretti abokatu ezaguna, hamaika adierazpen sexista eta misogino egindakoa.
Hautua "erabat asumitzen" duela zehaztu du Jean Castex Lehen Ministro berriak, gehituz "hobengabetasun presuntzioa" errespetatu behar zaiola Darmanini. 2009. urtean burutu bortxaketa bat leporaturik, inkesta bat bidean da Darmaninen aurka.
Hori aski ez balitz, gay eta lesbianen eskubideen aurkako adierazpenak egin zituen behin baino gehiagotan, batez ere 2014. urtean homosexualentzako ezkontza eta adopzio eskubidea Parlamentuan eztabaidagai zutelarik. Ondokoa zioen: "Oroitarazi behar da legeak ez dituela homosexualen ezkontzak bideratzera behartzen auzapezak. Tourcoingo auzapez baldin banaiz, pertsonalki ez dut bi gizonen ala bi emakumeen arteko ezkontzik eginen". Bi urte lehenago ondoko galdera txiokatu zuen: "Homosexualentzako ezkontza eta adopzioa… Guztia onartu behar ote dugu jendartea bestelakotzen denaren estakuruagatik?". Manif Pour Tous manifestazio homofoboetan ere parte hartu zuen. Adierazpen arrazistak ukandakoa ere da, besteak beste Christiane Taubira garaiko Justizia Ministroaren kontra.
Dupont-Moretti misoginoa
#MeToo mugimenduaren aurkari bat jarri dute ere Justizia Ministro. Bortxaketa eta indarkeria sexistei begira justizia "eraldatzeko" beharra geroz eta gehiago entzunarazten denean, esperantza gutxi uzten du Dupont-Morettiren izendapenak. Frantzian, bortxaketa salaketen %76ari ez zaio segidarik ematen eta soilik bortxaketaz akusaturikoen %10a dira zigortuak. Jakinik gainera, bortxaketa kasuen %10etan duela emakumeak salaketa jartzen... Hori horrela, eraso sexistak eta bortxaketak jasandako emakume guztientzako "zaflakoa" izan da Justizia ministro Dupont-Moretti izendatu izana.
Abokatua da lanbidez, tartean, Georges Tron politikari bortxatzailearen defendatzen ariturikoa, adierazpen bortitzak eginez gainera: "Nik gainera jautzi egingo nizuke" adierazi zion biktimari. AVFT emakumeen kontrako indarkeriaren aurka dabilen Europa mailako elkarteari ere ondokoa adierazi zion epaitegian: "Ongi da emakumeen hitza askatzea, baina bizimodu arraro bat preparatzen diezute ondoko belaunaldiei”. Eraso sexistak eta emakumeen hitzak gutxiesten aritutakoa ere da: “Epaimahaikideak, zuen semeak autoan bere lagunaren belauna hunkitzea eraso bat da litzateke?”.
Feministen haserrea
Gobernu berriaren osaketa jakin bezain manifestazio feministak burutu zituzten, tartean, Parisko Eliseo jauregiaren aitzinean, uztailaren 7an.
Scuffles erupt between feminist protesters and police in front of Elysee Palace #Paris #France #dupontmoretti #Darmanin pic.twitter.com/btAZioDlTn
— Ruptly (@Ruptly) July 8, 2020
Pauline Baron #NousToutes kolektiboaren koordinatzaileak jasatoka "kolpearen" berri eman dio Liberation komunikabideari: “Cesar sari banaketaren bis repetita gisako bat dugu: bortxaketak leporatuak zaizkien gizonak omenduz edota ministro izendatuz, biktimak berun geruza baten pean mantentzen dira, indarkeria sexistak eta sexualak ukatzen dira. Bortxaketaren kultura iraunarazten du guzti horrek. Roman Polanski omentzeko unean Adèle Haenelek erran zuen gisara, emakume biktima guztien aurpegira tu egitea da”. Gobernu berriaren osaketa salatzeko eta ezeztatzeko petizio bat martxan da.
Uztailaren 6an jakinarazi zuten Frantziako Gobernu berriaren osaketa. Hiru egun lehenago gobernu osoaren dimisioa aurkeztu zuen Edouard Philippe Lehen Ministroak.
Ostegun arratsaldean egin dute bozketa eta, aurreikusitako moduan, François Bayrou lehen ministroaren aurkako zentsura mozioak ez du aurrera egin. Izan ere, eskuin muturreko Batasun Nazionalaren sostengurik gabe, ez zuen aurrera egiteko aukerarik.
331 diputatuk bozkatu dute ezkerrak aurkezturiko zentsura mozioaren alde. Eskuin muturrak babestu du ezkerraren testua, eta horrek ekarri du gehiengoa lortu izana. Emmanuel Macron presidenteak hitza hartuko du ostegun honetan 20:00etan.
Frantziako Gobernuaren aurrekontu proiektuan Gizarte Segurantzan egitekoak dituzten murrizketak salatzeko mobilizazio eguna dute ostegunean. Manifestazioa abiatuko dute 10:00etan Baionako geltoki aitzinetik. Bezperan, zentsura mozioaren alde eman dute botoa Frantziako... [+]
Israelgo lehen ministro Benjamin Netanyahuk "immunitatea", hau da, babes politikoa duela adierazi du Frantziako Kanpoko Aferen ministroak. Israelgo Haaretz eta Maariv komunikabideek jakitera eman dute Libanorekin adosturiko su-etenaren baldintzen artean zuela... [+]
Duela bi aste, Frantziako irratien finantziamendua zalantzan zen, Frantziako Kultur Ministerioak %35 apaldu nahi baitzituen elkarte irrati lokalei bideratu dirulaguntzak. Orduan, 200 bat elkarte ziren lanjerrean eta horien artean Iparraldeko Euskal Irratiak.
Azalpena... [+]
Frantziako Gobernuak aurkeztu duen 2025eko finantza lege-proiektuaren arabera, irrati elkarteek jasoko duten laguntza ekonomikoa %35 murriztuko da. Murrizketak, hamar milioi euro gutxiagoko diru-laguntza jasotzea suposatuko luke. Irratien elkarteak esan du "lurraldearen... [+]
Larunbat honetan aurkeztu du Frantziako gobernu berriaren osaketa Michel Barnier lehen ministroak. Eskuin muturreko RN alderdiak defendaturiko ideiak dituzten hainbat politikari eskuindar jarri ditu gobernuko karguetan. "Legetimitaterik gabeko gobernua" dela salatu du,... [+]
Eskuin muturreko RN alderdia da Frantziako Legebiltzarrerako hauteskundeen lehen itzuliko garaile handia. RN alderdiak %33,15 jaso du, ezkerreko Fronte Herritar Berriak %27,99 eta Macronen Ensemble alderdiak %20,04.
Asteazken goizean eskainitako ohiz kanpoko prentsaurrekoan eman du erabakiaren berri Frantziako presidente Emmanuel Macronek. Kanaken haserrea piztu zuen legeak, errolda horren eguneratzeak kanaken pisua gutxitzeaz gain, 1998ko Noumeako Bake Akordioen muinaren errespetu-eza... [+]
Ekainaren 30eko eta uztailaren 7ko Frantziako Legebiltzarrerako hauteskundeetan eskuin muturrak garaipena lortu dezake, eta hori gertatzekotan Le Penen RN eta Macronen Renaissanceren arteko koalizio gobernua osa liteke. Arrisku errealaz kontziente, eskuin muturraren gorakada... [+]
Batasun Nazionaleko buruak, Macronek Frantziako Asanblea Nazionala disolbatu eta hauteskundeak deitzeko harturiko erabakia jakin eta berehala hitz egin du, alderdi ultraeskuindarrak Europako hauteskundeetan emaitza ikusgarriak izango zituela baiezkotzat emanda.
Urgentziazko prentsa agerraldia egin du Emmanuel Macronek, inkesta emaitzak jakin eta ordubetera. Izan ere, inkestaren arabera, Le Penen alderdi ultraeskuindarrak bikoiztu egingo lituzke bere botoak.
Laborantza lizeoetan tokiko hizkuntzetako irakaskuntza sailen sortzea eztabaidatua izan da frantses legebiltzarrean. Legearen zuzenketa proposatu du Iñaki Etxaniz legebiltzarkideak.