Borrokatu eta irabazi: ELBk Bidaxunen aurkeztu ditu ‘kriaxera’ ahatekume intsumituak legalitate osoan
Albiste ona ahate gripearen gatazkan, ELB sindikatuak zabaldu duenez. Ahateak hiltzeari uko egin eta Frantziako agintariei aurre egin ostean, Bidaxunen inguruko baserritarrak ‘kriaxera’ arrazako ahatekumez hornitzen dituen Lataillade familiak baimen eta berme guztiekin saltzen ditu berriro.
Nekazarien borrokak saria izan du oraingoan. Hegaztien gripearena ez da gatazka erraza: aditu guztien ustean hegazti granja handietan ugaritu eta mutatu den gripearen barietate berriak munduan hedatu ahala, batean eta bestean ugaritu dira hegaztiak kanpoan sal-erosteko debekuak –Hego Euskal Herriko azoketatik desagertu dira– eta epidemiak harrapatzen dituen guneetan oiloak ez direnean ahate guztiak masakratzeko aginduak.
Hala egin zuen iazko udaberrian Frantziako administrazioak ere. Ahateak modu industrialean hazten dituzten laborari eta tratulariak ados ziren, industria bezala. Aldiz, etxalde txikietan oso modu kontrolatuan eta sarritan arraza zahar gogorragoekin hazten zituzten bakan batzuek aurre egin zioten debekuari, funtsean Euskal Herrian eta ELBren sustenguz. ARGIAk kontatu zuen borroka hura, erresistentzia baketsu eta polizien jazarpen bortitzen irudiak utzi zituena.
Borrokan zenbait etxalde txikitako ahateak alferrikako masakretik babesteaz gain protagonismo handia eduki du “kriaxera” arrazako ahate txitoak –iraunkortasunerako arraza industrialak baino prestatuagoak daudenak- ekoizten dituen Lataillade familiaren baserriak, Bidaxunen. ELBko nekazariek desobedientzia ekintza ausarta egin zuten hango ahate kumeak boluntarioen artean banatuz, arraza bizirik atxiki eta ondorengo hilabeteetarako horiek hazten dituzten baserritarrek urtea ez zutela galduko segurtatzeko.
Borrokarik ikusgarrienak baretu arren, 2017ko uda eta udazkenean zehar jendarmeriak oso estu hartu zituen bai agintariei aurre egin zieten protagonista nagusiak, etxaldeetako jabeak bezala ELBko arduradunak. Ordu luzeetako galdeketak jendarmerietan, kontrol administratibo oso zorrotzak behin eta berriro, hurbileko jarraipena, mugimendu horiek guztiek eragindako kalte ekonomikoak…
Dossierra ez tekniko edo zientifikoa baina politikoa izan dela salatu zuen ELBk egun haietan eta soluzio politikoa negoziatzen saiatu zen agintariekin. Akordio batera ere iritsi ziren abenduan, baina ELBk bere konpromisoak bete dituen arren administrazioak bereak ez dituela osatu salatu dute sindikalistek.
Hilabeteotako borroketan lagundu dieten herritarrei eskerrak eman eta administrazioarekiko harremanak erraztu dizkieten hautetsiei beren lana aitorturik, gatazkaren balantzea egin du ELBk: “Bi urtez segidan, milioika hegazti hil dituzte, diru publiko kopuru haundiak iretsiz: zentzugabeko erabakiak dira gure ustez, eritasuna ez berriz agertzea ez baitute segurtatzen, aldiz bai ahate sailaren berrigituratzea ekartzen dute, etxalde ttipi ainitz gelditzera behartuz, ekonomikoki ez baitute gehiago buru egiten ahal, gainera inposatzen zaielarik norma andana baten azkartzea (gastu haundikoak), beren errealitate eta neurriarekin arrunt deslotuak direnak. Argiki, politika hauek hazkuntza herrikoia, kanpokoa eta autarzikoa lanjerrean ezartzen dute. Horregatik, gure borrokaz pozten gira, Bidaxuneko etxaldeari eta harekin lan egiten duten hazkuntzeri jazko sasoina hein batean salbatzea ahalbidetu baitugu”.
Azken urteetan errepikatzen den gaitza dute hegazti gripearena laborariek. Frantziako Estatuak bideratu aterabideak –hegazti guzien hilketa prebentiboak eta kabalak barnean atxikitzea– gogorki gaitzesten ditu ELB sindikatuak. Egoeraren larritasunaz ohartarazteko eta... [+]
Animalien osasunaz arduratzen den DDPP departamendu mailako zerbitzuak Pauen dituen bulegoak okupatu dituzte ekainaren 8an, ELBk eta Biarnoko Modef eta Confederation Paysanne sindikatuek ere. Poliziak kanporatu ditu.
ELBk berriz ere bere arrangurak agertarazi ditu hegazti gripeari begira. Euskal Herriko Laborarien Batasunak jakitera eman duenez, iragan hiru asteetan 70 kutsadura kasu aitortu dira Aturri arroko etxaldeetan, horietatik 50 Gersen, hemezortzi Landetan eta bi... [+]
Ehundik gora lagun elkartu dira Ilharren (Nafarroa Beherea) Bidarteberria etxaldearen aitzinean, zerbitzu sanitarioko ordezkariei bidea mozteko. Hegazti gripearen testuinguruan, 200 ahateren hiltzea oztopatzea lortu dute.
Kanpoan hazten diren hegaztiak hiltzea da Frantziako Gobernuak darabilen estrategia, hegazti gripeari aurre egiteko. Euskal Herriko Laborarien Batasunak (ELB) ohartarazi du estrategia hori antzua dela eta etxalde txikiek ez dituztela kudeaketa txarraren ondorioak pairatu behar... [+]
Nafarroa Beherean, Akamarreko etxalde batean H58N birusa edo hegazti gripea atzeman dute bertako ahateetan. Etxaldeko ahate guztiak hil dituzte eta gripea zabaldu daitekeen beldur, Akamarretik 10 kilometroko eremuan neurriak hartu ditu Pirinio Atlantikoetako Departamenduko... [+]
Prefetarekin negoziaketak gogorrak izan direla aitortu digu Panpi Sainte Marie ELB sindikatuko bozeramaileak. Baina protokoloa onartu eta izenpetu dute, Kriaxera ahatearen berezitasuna kontutan hartu dute, baita Rouen arrazarena ere. Bidaxuneko Lataillade familiaren etxaldea,... [+]
Ahate karrankaren oihartzuna beste behin gure Euskal Herrian. Heriotzak ala ihardokipenak irabaziko ote du? Azkeneko hamarkadetan izan da heriotz mehatxu frango gure etxaldetako kabalentzat, gaitz kutsakorretarik jalgitzeko bide garbiena omen baitzen. Eta izan dira eztabaida eta... [+]
Ehunka lagunek erantzun zioten larunbatean ELB sindikatuaren deiari. Hegazti gripearen aurrean, konfrontazioa aurreikusi dute sano dauden hegaztiak hiltzera derrigortu nahi badituzte.
Bidaxuneko bi etxaldetan eta Amorotzeko batean agertu da H5N8 birusa, baita Zuberoarekin mugan den Lixoze herriko bi etxaldetan. Nahiz eta prefekturak oraindik baieztatu ez, baliteke Bardozen ere zabaldu izana birusa. Frantziako administrazioaren erabakiei segi, birusa... [+]
Birusak pertsonak kutsatzen ez dituen arren, hegaztien mugimenduak debekatu eta osasun neurriak indartu dituzte baserriaren inguruetan.
La Coordination rurale nekazal sindikatuak aditzera eman duenez, hegaztien H5N8 birusa itzul liteke Frantziako lurraldeetara. 2016 eta 2017 urteetan gibel-orearen sektoreari izugarrizko triskantza egin zion. Ahateki hazleak atezuan jarri dira.
2017ko udaberrian hegaztien gripearen kontrako kanpainan Frantziako gobernuak milaka ahate hiltzeko agindua eman zuenean, Ipar Euskal Herriko lau baserrik ELB sindikatuaren laguntzarekin aurre egin zioten eta herritar askoren mobilizazioari esker kriaxera arrazako hegaztiok... [+]
Paueko auzitegiak hala erabaki du: ELB sindikatuak 5.000 euroko isuna eta 2.071 euroko kalte-ordaina Pertsonen Zaintzarako Departamenduko Zuzendaritzari. Uhartia etxaldeko ahate hazlea errugabe jo dute.
Astelehen goizean zuten hitzordua Paueko auzitegian ELBko lehendakari Panpi Sainte-Marieek eta Barkoxeko Ühartia etxaldeko nagusi Cathy Xabalgoitik, hegaztien gripearen aferan etxalde hartako ahatek hiltzera joandako funtzionarioei bidea itxi zietelako. Berrehun herritar... [+]