Borrokak eta liburuak
Konturatu orduko apirila joan da, bere intentsitate eta kolore guztiekin. Egun beroak, epelak eta hotzak utzi dizkigu. Ostadarra eta izotza. Euri jasak eta bero sapa. Jaio berri diren arkume apurrak belardian dabiltzan bitartean, labanak eten egin du bizitza eman duten hiru ardien arnasa. Ardia bi arkume munduratzen ari dela, putreek bapo jan dute. Egunean bitan bildutako esnea, jada gazta-ganbaran dugu gordeta, ontzen. Apirilaren 13an atera ziren aurten egindako lehenbiziko gaztak etxetik, urdinak denak ere. Apirilak hartu ditu era guztietako borrokei eskainitako egunak eta liburuentzako tarteak. Borrokek eta liburuek egin dute bat apirilarekin.
Baserritarren nazioarteko borroken eguna izan zen apirilaren 17an. Gure egutegian, behinik behin, San Ixidro eguna baino garrantzitsuagoa. Bihotzean gordetako efemeridea, egunero bizi duguna: Brasilen poliziak 1996an eraildako hemeretzi nekazariak gogoan. Munduko toki askotan lurraren aldeko borrokek bizi-bizi jarraitzen dute; bizirik atera direnek malkoz erantzi nahi diete nekazarien gorpuei injustiziak jantzitako lokatza.
Badira lekuak, hala ere, gure malkoen faltan direnak. Gaza, adibidez. Ospitaletan odol eskasia dagoen bezala, hemengo nahiko malko ez dago gorpu haiek garbitu eta odolustea gelditzeko. Sionistek erauzitako olibondoak birlandatzeko. Nahiko oihu ez, lehergailuen burrunba isiltzeko.
Hemen borrokek beste forma batzuk hartzen dituzte, momentuz. Sotilagoak, gehienetan; kirrinkariak, askotan eta batzuetan pornografikoak. Maiz alea lastotik bereiztea zaila izaten da, eta ez gara gauza sare sozialen harien artetik alerik salbatzeko. Aletze lan horretan aurrera zoazela, bat-batean, jakin duzu egunero baserritar batek bere buruaz beste egiten duela estatu frantsesean –adibidez–. Hiltzeko modu asko daude, lehergailuak ez dira arma bakarra. Suizidatu diren lagun eta ezagunen presentziak ere gorpuzten dute zure borrokaren zentzua.
Eta horien guztien berri izan dugu baten batek jaso egin duelako. Gorpuetan odolez eta malkoz idatzitako horiek paperean tintaz bildu dituelako, gure amonak amantalean aleak bezala, banan-banan, tentuz, alerik gal ez dadin. Jabetzen ote gara zer garrantzitsuak ziren eskribauak eta zer inportanteak diren idazleak?
Izan ere, askotan, jasotakoak badu asmo bat, gogo bat, hitz bakoitzaren hautaketan: gerora metamorfosia gertatzea, alea ernaltzea. Zertarako idatzi, bestela, Brasilez, Gazaz edo mendialdeko suizidez; ez bada, lurraldeotan bizitza loratzeko?
Liburuaren egunaz ari garenean, finean, notario iraultzaile horietaz ari gara. Adi, ez nahastu gorteetako idazkariekin; horiek ez baitira idazleak, irabazleen gurtzaileak baizik.
Gorde ditzatela liburuek iraultzen existentzia eta iraultzaile anonimoen bizitzak, etorkizunean bizitza lora dadin.
Betoz apirilak horien berri ematera, kukuarekin batera, bizirik gaudela esatera.
Gaur egun, Gazan su-etena dago, eta ez dakigu noiz arte iraungo duen; bitartean, sarraskiak, anexioek, kolonizazioak eta era guztietako giza eskubideen urraketek bere horretan diraute gainerako lurralde okupatuetan. Jarraian irakurriko dituzunak ez dira kasu isolatuak,... [+]
Datorren astean Departamenduko Laborantza Ganbarako hauteskundeak ospatuko dira Ipar Euskal Herrian. Frantzia mailako FDSEA eta CR sindikatuez gain, ELB Euskal Herriko Laborarien Batasuna aurkezten da, "euskal laborarien defentsa" bermatzeko.
Euskal Herriko Laborantza Ganbera elkartearen hogei urteak ospatu zituzten asteburuan Ainhize-Monjolosen. 2005eko urtarrilaren 15 hartan sortu zuten Lapurdi, Baxenabarre eta Zuberoako laborantzaren garapena –hori bai, iraunkorra eta herrikoia izan nahi duena–... [+]
Contigo-Zurekinek proposatutako idatzian azaltzen da Europako eta Hego Amerikako merkatari erakunde nagusien arteko hitzarmen berriak muga-zergen deuseztatzea ekarriko lukeela, bertako ekoizleak, txikiak bereziki, kaltetuz. UPNk, EH Bilduk, PPk eta Voxek mozioaren alde bozkatu... [+]
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Itsason (Gipuzkoa) elkarren ondoan dauden bi baserri dira Urteaga eta Urkulegi, duela zenbait urte elkartu eta proiektu bateratua martxan jarri zutenak. “Bi baserriak elkartu eta ekoizpen proiektua abiatu genuen, eta 2011tik dedikazio osoarekin ari naiz honetan”,... [+]
18 urterako plan estrategikoa garatzeko Europako diru-laguntzak jaso ditu Euskal Sagardoaren Jatorri Deiturako proiektuak. Iparraldea batu da jada, eta Nafarroa zein Trebiñu sartzeko urratsak ematen hasiak dira.
Berriz hasi dira laborarien manifestaldiak frantses estatu guzian. Sindikatu desberdinek aldarrikapenak hedatzen badituzte ere, entzun den lehena eta komunikabide nagusietan gomit izan dena, FNSEA "nagusia" izan da. Zer du saltzeko? Gezur andana bat ahal bezainbat boz... [+]
Urteak daramatza martxan Ipar Euskal Herrian Trebatu elkarteak, laborantzan proiektua abiatu nahi duten pertsonek aurrez trebatzeko aukera izan dezaten. Ipar Euskal Herriko proiektua eredutzat hartuta eta ideia berari tiraka, Gipuzkoan ere izen bereko elkartea sortu dute aurten... [+]
Kanboko Marienia eremuan etxebizitzak eraikitzeko proiektua badu Bouygues Immobilier agentziak. "Elkarlanaren bidez" zein "indar harremana" mantenduta, proiektua ezeztatzeko borroka eramateko determinazioa plazaratu dute adierazpen bateratu... [+]
Via Campesinako ordezkaritza bat Palestinan izan da abenduaren 8tik 18ra, bere kide den Palestinako Lan Komiteen Batasuna-k (UAWC) gonbidatuta. Bidaia horrekin herri palestinarrari elkartasuna adierazi nahi izan diote, "Gazan egiten ari diren genozidioaren erdian eta... [+]
Euskal Sagardoa Jatorri Deiturak erronka ezarria dio bere buruari: Euskal Herri osoko sagar eta sagardogileak biltzea. “Sagardoaren kultura lurralde osoan dago, eta lurralde osoan mantendu dira sagardotarako sagarrak”, esan digu Unai Agirrek, sor-markaren... [+]
“Aterako dut sagar zuku bat?”. Galdera horrekin hasi da Barrundiako Ekonomatoko kide Koldo Lopez Borobia, Susana Lopez de Ullibarri eta Santi Txintxurretarekin izandako elkarrizketa. Sagar zukuaren bueltan eta sagarrondoz inguratutako lorategian elkartu gara. Hau ez... [+]
ELB sindikatuak ardien mihi urdinaren eritasuna pairatu dutenendako elkartasunera deitzen du. Abendu hastapenean,departamenduko 650 ardi etxalde hunkiak izan dira. Kasu zenbaitetan, hamarka ardi galdu dituzte hazleek, bereziki marroak. Etxalde batzuek erraterako marroen %80... [+]