Bonba bat desaktibatu dute Irlanda iparraldean, Omagheko atentatua izan zen lekuan
Bonba bat aurkitu eta desaktibatu dute Ipar Irlandako Omagh herrian. Hildakoen Monumentuan atzeman dute lehergailua, Benetako IRAk (RIRA ingelesezko sigletan) orain dela hogei urte atentatu bat egin zuen leku berean: 1998an bonba bat jarri zuten herriko merkatuan eta 29 pertsona hil zituen. Omenaldiak ez dira bertan behera geratu eta agintariek “oztopoen gainetik hildakoak oroitzea” funtsezkoa dela adierazi dute.
Lehergailua dela eta, hildakoen omenez urtero egiten den desfilea ibilbidez aldatu dute. “Segurtasunagatik” hartutako neurria izan dela argudiatu du George Hamilton polizia buruak: “Atentatua oroitzeko urteurrenean izatea ez da kasualitatea. Ekitaldia oztopatu nahi zuten, baina ez dute lortu”.
Catherine Kelly Sinn Feineko kideak, aldiz, neurria ezbaian jarri du eta segurtasun arduradunei “axolagabekeriaz” jardutea leporatu die: “Guztiek dute eskubidea euren hildakoak nahi bezala oroitzeko eta Drumragh etorbidea itxi izanak eragin zuzena izan du beraien eskubidean”.
James Brokenshire Erresuma Batuko Ipar Irlandarako ordezkariak esan du ekintza “nazkagarria” izan dela eta, ez horrelako ekintzek ezta ekintzen arduradunek ere, ez dutela gizartean lekurik. Gainera, hainbat agintarik nabarmendu dutenez, 1987ko Enniskillen herriko atentatutik hiru hamarkada bete dira eta horrelako zerbait orain gertatzea “tamalgarria” da. Enniskillen Fermanagh konderriko herri nagusia da, Ipar Irlandan. Hamabi pertsona hil ziren IRAk eginiko atentatu batean.
Gertakaria ikertzen ari da polizia eta herritarrei laguntza eskatu diete, “edozein informazio” emateko.
Sinn Feinek lehen aldiz irabazi ditu Ipar Irlandako udal hauteskundeak, eta 462 zinegotzietatik 144 eskuratu ditu, duela lau urte baino 39 gehiago. Alderdi errepublikarraren ustez, horrek balio beharko luke unionismoak blokeatzen duen Stormonteko Legebiltzarra berriz... [+]
Mende laurdena bete du Ipar Irlandako Ostiral Santuko Hitzarmenak, gatazka armatuen konponbiderako erreferenteetako bat bilakatu dena munduan. 1998ko akordioaren helburu nagusia biolentziari amaiera jartzea zen. Indarkeria izugarri apaldu da, baina ez da desagertu. Berbarako,... [+]
Ipar Irlandako Parlamentua blokeatuta dago maiatzetik, DUP unionisten alderdiaren protestagatik, ez baitago ados Brexitaren ostean Ipar Irlandan Europako Batasunak jarri dituen merkataritza kontrolekin, besteak beste. Erresuma Batuaren eta Europako Batasunaren hitzarmen berriak... [+]
2022ko abenduaren 6an Ipar Irlandako mugimendu errepublikanoaren aldarrikapen historikoetako bat gauzatu zen: data horretatik aurrera, Irlandako berezko hizkuntza ofiziala da, lehenbizikoz, Ipar Irlandako sei konderrietan.
Sinn Feinek lehenbiziz irabazi zituen Stormonteko Legebiltzarrerako hauteskundeak iragan maiatzean eta horrek ematen dio gobernu autonomoa gidatzeko aukera, baina DUP alderdi unionistak uko egin dio gobernuko bere kideak izendatzeari.
Irlandaren etorkizuna hamarkada honetan erabakiko dela eta auzia benetan konponduko dela uste du Sinn Feineko presidente Mary Lou McDonald-ek. Hala adierazi du El País egunkarian.
Sei konderrietako estatua orain 101 urte sortu zen Irlandako iparraldean. Gehiengo unionista iraunkortzeko zegoen diseinatua. Sistema mota bat, non sortua izan zenean, hauteskunde barrutiak halako gisan banatu zituen ezen unionistek beti abertzale irlandesek baino bozka gehiago... [+]
Belfasteko alkatea da iragan ekainaren 3tik. Sinn Feineko alkatea. Ez da alderdi horretako lehena baina, alderdi unionisten hainbeste urtetako nagusitasunaren ondoren, oraindik ere berezia egiten da. Datorren urteko ekainera arte izango da alkate. Bere leloa:... [+]
1998ko bake akordioa baino lehenago egin ziren krimenenen akusazioak ez lirateke epaitegietara helduko. Aldekoek, berradiskidetzarako derrigorrezko neurria dela diote; oposizioak esan du erabakia “iraingarria” dela biktimentzat.
Mother and Baby Homes Commision of Investigation (Amen eta Haurren Etxeen inguruko Ikerketa Batzordea) erakundeak gauzatu du ikerketa. Aztergaiak agerian utzi ditu Elizaren menpeko harrera etxeetan haurrek eta emakume ezkongabeek zein alargunek jasandako bizi baldintza... [+]
Ipar Irlandako Fiskaltzak iragarri duenez, froga faltagatik ez dituzte prozesatuko ustez hamahiru lagunen hilketan parte hartu zuten soldaduak. Familiek etsigarritzat jo dute erabakia.
Hizkuntza Gutxituen Europako Gutuna sinatu badu ere, Erresuma Batuak ez ditu bete itunak ezartzen dizkion betebeharrak. Kornubiera, Irlandako gaelera eta Ulsterko eskoziera dira kaltetuak, Europako Kontseiluak argitaratutako txostenaren arabera.