Boliviako gobernuak Cesare Battisti iheslari komunista estraditatu du Italiara
2004. urtetik Brasilen bizi izan da Battisti Lularen gobernuaren oniritziari esker. Jair Bolsonaro ultraeskuindarra boterera iritsi izanak bultzaturik, duela hilabete Boliviara egin zuen ihes. Urtarrilaren 12an atxilotu zuten Santa Cruz (Bolivia) hirian eta astelehenetik, Sardiniako (Italia) Oristano espetxean dago.
Komunismorako Armaturiko Proletarioak taldeko militante (1977-1979) eta idazlea, Italiara estraditatu du Boliviako Gobernuak. 1977 eta 1979 artean “hilketa eta terrorismo ekitza” batzuk egozten dizkio Italiako Justiziak, berak beti horiek ukatu baditu ere. Akusazio horien harira, biziarteko kartzela-zigorra ezarri zioten Battistiri. Baina 1981ean espetxetik ihes egin zuenetik, 37 urtez izan da ihesean.
Boliviako Carlos Romero ministroak El Deber egunkariari azpimarratu dionez, “derrigorrez estraditatu behar izan dugu”, Battistiren migrazio egoera “irregularra” zela argudiatuz. Hala ere, Brasil eta Italiako Gobernu ultraeskuindarrekin kolaboratu izanagatik, kritika ugari jaso ditu Boliviako Gobernuak.
Hugo Moldiz ministro ohiak adierazi duenez, “Cessare Battisti Brasilera edo Italiara eramatean, bere eskubideak urratzen ari da Boliviako Errefuxiatuen Batzorde Nazionala”. Boliviako Gobernuarentzat “kostu politiko handia” izango duela ere gaineratu du.
David Tezanos Herriko Defendatzailearen iritziz, “Ez kanporatua izateko printzipioa urratzen du Battistiren estraditazioak, eta eskubide hori babesten du Errefuxiatuen Estatutuak, Amerikako Gorteetako Giza Eskubideen jurisprudentziak eta Errefuxiatuen Babeserako Legeak”.
Susana Bejarano politologo eta telebistako aurkezlea ere Boliviako Gobernuak harturiko erabakiaren kontra azaldu da, “munduko mugimendu ultraeskuindarren sareak opari bat jaso du. Non dago gure burujabetza, elkartasuna eta ideología?”.
Informazio gehiago
Cesare Battistiren bizitza eta egoerari buruzko artikulua idatzi zuen Koldo Izagirrek Bazka webgunean 2007an.
Luis Arce Boliviako presidenteak armadaren "mugimendu irregularrak" salatu ditu. Komandante ohi bat La Paz hiriburuan dagoen Quemado jauregia hartzen saiatu da hainbat ibilgailurekin, baina inork ez dio babesik eman eta azkenean atxilotu egin dute.
Maiatzean Elena Quispe Tincuta (El Alto, La Paz, Bolivia, 1998) eta Cecilia Llusco Alaña (El Alto, La Paz, Bolivia, 1985) txolita eskalatzaileak Hego Euskal Herriko hiriburuetan izan ziren Cholitas dokumentala aurkezten Alboan, Entreculturas eta Oxfam GKEen ekimenez... [+]
Adriana Guzmán Arroyo herri-hezitzaile aymara eta Boliviako feminismo komunitario antipatriarkaleko erreferentearekin batu eta kolonialismoa, arrazismoa, estraktibismoa, nahitaezko heterosexualitatea, familia, komunitatea, Estatua eta pribilegioak izan ditugu mintzagai,... [+]
Berreskuratzeko gaitasuna galtzen ari da Amazonia, deforestazioak eta degradazioak larriki kaltetuta. Egungo egoeran, planetaren birika berdea deitu izan denaren zati handi batean karbono gehiago isurtzen da airera, xurgatzeko gai dena baino. Berehalako neurriak eskatu ditu... [+]
Asteburuan aurrekaria ezarri dute Bolivian estatu kolpea ematen saiatzen direnentzat, hamar urteko espetxe zigorra ezarriz Jeanine Añez senatari ohiaren, Williams Kaliman Indar Armatuetako komandante ohiaren eta Yuri Calderon Poliziako komandante ohiaren aurka.
Bolivian izan dira Garabide elkarteko hiru kide, plan estrategikoa prestatzeko lehen saioetan, eta euskararen biziberritzearen gakoak azaldu dizkiete ketxua komunitateko kideei.
Igandean eman du epaia Boliviako Regina Santa Cruz epaileak. Sei hilabetez prebentziozko espetxealdia bete beharko du presidente ohiak 2019ko estatu kolpean sedizio, terrorismo eta konspirazio delituak egotzita.
Astelehen arratsaldean Argentina eta Bolivia arteko muga oinez zeharkatu du, estatu kolpearen ondorioz herrialdetik ihes egin zuenetik lehenbiziko aldiz. Bolivian sartu aurretik ekitaldia egin dute Moralesek eta Argentinako presidente Alberto Fernándezek elkarrekin... [+]
Boliviako Estatu Plurinazionalean urriaren 18ko hauteskundeetan sektore herrikoiek egin zuten indar, antolaketa eta mobilizazio erakustaldiak eskuinaren balizko iruzurra eginezin bilakatu zuen. Izan ere, hori zen eskuinaren aukera bakarra: bigarren bueltara joatea MASen kontrako... [+]
Boliviako Unitel telebistak egindako kontaketa azkarraren arabera, Evo Moralesen MAS alderdiko Luis Arcek irabazi izango lituzke hauteskundeak, botoen %52,4rekin. Bigarren geratutako Carlos Mesak %31,5 aterako lituzke. Datu hauek ez dira ofizialak, baina urtebetez presidente... [+]
Animoak pil-pilean daude Bolivian, Evo Moralesen aurkako kolpetik urtebetera. Presidentetzarako hauteskundeak egingo dituzte igandean, urriak 18. Inkesten arabera, Moralesen MAS alderdiko Luis Arce Catacora hautagaia da faboritoa.
Gobernu kolpistaren fiskaltzak 33 lider sindikalen aurka prozesu penala abiatzeko eskaerak jaso dituela jakinarazi du. Aurreko astean dinamitaz eraso zieten La Pazen bi sindikaturen egoitzei. Urriaren 18rako daude aurreikusiak hauteskundeak Bolivian.