Bolintxuren aldeko manifestazioa egingo dute Bilbon otsailaren 29an
Supersur Handitzeari Ez! plataformak iragarri du manifestazioa. Proiektua geldiaraztea oraindik posible dela sinetsirik, kautelazko neurri gisa obrak geldiaraztea eskatuko dute.
Otsailaren 29an, larunbata, Bilboko Arriagatik abiatuko da Bolintxuren aldeko manifestazioa, 18:30ean. “Proiektua gelditu dezakegu oraindik” lelotzat izango duen mobilizazioaren bidez, Supersur autobidea handitzeko planaren bueltan Bizkaiko Foru Aldundiak darabilen “sekretismoa” salatuko dute. Horrez gain, kautelazko neurri gisa obrak geratzea ere exijituko dute.
Plataformak jakinarazi duenez, proiektuak 2017tik iraungitua du Ingurumen Eraginaren Adierazpena, nahiz eta Aldundiak "bidegabeko egoera hau ezkutatu nahi izan" duen. Egoera horren aurrean plataformak helegitea jarri zuen auzitegietan, eta hargatik, epai bat egon artean obrak kautela-neurri gisa gelditzea eskatzen dute. Ohartarazi dutenez, obrak bere horretan jarraituz gero, “tarte labur batean prozesu atzeraezin batekin topo egin dezakegu".
Sentsibilizaziorako ekintza gehiago
Supersur handitzeak Bolintxuko haranari eragingo lizkiokeen kalteen inguruan jendea sentsibilizatu nahi du plataformak, mobilizazioak indartu asmoz. Helburu horrekin, manifestazioren aurretik ekintza gehiago egingo direla aurreratu dute.
Batetik, Bilboko inauterietan, Bolintxun bizi diren animalia mozorrotuko dira Bizizaleak konpartsako kideak; Bilboko kaleak azeriz, basurdez, igelez, saguzarrez eta arranoz beteko dituzte. Bestetik, otsailaren 29ko manifestaziora deituz, hiriburuko hainbat tokitan mahai informatiboak jarriko dituzte.
Plataformak irekia izango du atxikimendu adierazpena otsailaren 29ra arte, nahi duten kolektiboek beren elkartasuna adieraz dezaten.
Autobidea igarotzeko tunel batean izaten ari diren etengabeko leherketek etxebizitzei eta ondare arkitektonikoari eragin diete. Bilboko Bolintxu haraneko herritarrak kexu dira eta Supersur handitzearen kontrako plataformak publiko egin du salaketa.
Autobideko lanak areagotzeko eta Bolintxu haranaren barrenean lanak hasteko gisan, Eusko Jaurlaritzak eta Bizkaiko Foru Aldundiak COVID-19 izurriteaz eta alarma egoeraz baliatu direla salatu du Supersur Handitzeari Ez plataformak. Gaur egungo egoera sozio ekonomiko zein... [+]
Larunbatetik iganderako gauez hondeamakina bati sua eman diote. Bizkaiko Foru Aldundiak jakinarazi du ez dela lehen sabotaje ekintza.
Supersur Handitzeari Ez plataformak deitutako manifestazioak ehundaka pertsona bildu ditu larunbatean Bilbon. Oraindik garaiz delakoan, obrak gelditzeko eskatu dute.
"Egun bat Bolintxu salbatzeko" izeneko jardunaldia antolatu dute maiatzaren 11n, larunbata. Jardunaldi honetan era guztietako jarduerak egingo dituzte: informatiboak, jolaskoak eta aldarrikatzaileak, Bilboko bailara horren egoeraz kontzientziatzeko.
Urtarrilaren 26an Arriagatik irtengo da manifestazioa. Bertan, 'Supersur' autobidearen anpliazioa alde batera uztea eta Bolintxu gune naturala mantentzea eskatuko dute.
Urtarrilaren 26an Arriagatik irtengo da manifestazioa. Bertan, 'Supersur' autobidearen anpliazioa alde batera uztea eta Bolintxu gune naturala mantentzea eskatuko dute.
‘Ampliación Supersur Ez!’ plataformak egin du deialdia, Ingurumenaren Nazioarteko Eguna baliatuz Metropoliaren Hegoaldeko Saihesbidearen handitzearen aurka protesta egiteko.
Peñascaleko bidesaria eta Betelu artean Bilbo Hegoaldeko Saihesbidea handitzea proposatu du Bizkaiko Foru Aldundiak. “Ampliación Supersur Ez!” plataformak proiektuaren aurkako argudioak eta mobilizaziok zabaldu ditu.
Joan den astean iragarri zuen Unai Rementeria ahaldun nagusiak "Bizkaian XXI. mendean egingo den jarduketarik garrantzitsuena". Bi obra handi dira. Batetik, Ibaizabal aspitik pasako den tunela eta, bestetik, Supersur gisa ezagutzen den errepidearen luzapena. Azken lan... [+]
Getxo eta Portugalete artean tunel bat eraiki eta Bilbo Hegoaldeko saihesbidea AP-68arekin lotuko du obrak.
AHTren aurkako protestarengatik auzipetutako bederatzi lagunen artean den Xabi Jimenezekin solastatu gara protesta ekimenaz, prozesu judizialaz eta tren lasterraren aurkako borrokaren egungo egoeraz.
Gezurra dirudi porlana nagusi den hain inguru handian Bolintxu moduko berdegune natural batek bizirauteak. Zoritxarrez, laburrerako izan daiteke Bizkaiko Foru Aldundiak Supersur errepidea luzatzeari ekiten badio. Momentuz ez da eperik zehaztu, baina proiektua onartuta dago... [+]