Blokeoa gainditzeko bi topagune: Donostia eta Miarritze
Bilbon iragarri zuten IV. Foro Soziala, presoak eta armagabetzea lehentasun. Donostian eta Hendaian (martxoaren 10ean eta 11n) egitekoak ziren topaguneak. Hendaiakoa Miarritzera eraman da, eta martxoaren 17-18ra atzeratu.
Martxoaren 10ean eginen den Foro Sozialean, Donostian, iheslari eta deportatuen egoera landuko dute bereziki. Espainiako eta Frantziako estatuen legediak aztertu nahi dituzte, eta araudietan dauden korapiloak identifikatu, baita hartara, iheslari eta deportatuen egoerari irtenbideak bilatu ere.
Foroa eratze bidean, antolatzaileak gizarte zibileko dinamika aztertu dute eta erakundeekin batzartu dira. Sare, Etxerat eta sindikatuekin, besteak beste. Preso eta errefuxiatu kolektiboen ekarpenak ezagutzera emanen dituzte. Halaber, Frantziako epaile bati eskaera egin diote Euskal Preso Politikoen Kolektiboko (EPPK) bozeramaileekin biltzeko.
Armagabetzeari buruzko arazoa da Foro Sozialak landu nahi duen bigarren puntua. Iparraldeko Bake Bideak kolektiboak “armagabetzea bake prozesuaren zerbitzura” jarri nahi du; lema hori hautatu du hain justu Topagunea ezagutzera emateko, martxoaren 17 eta 18an izanen da Miarritzen.
“Blokeoa gainditzeko nahikoa indar eta borondate dago, eta adostasunak lortzeko eremua Euskal Herria da”, adierazi du Peio Dufau kolektiboko kideak. Adostasuna erakundeetan nahi dute landu eta bermatu, hau da, Euskal Herriko hiru eremu instituzionaletan: Euskal Autonomia Erkidegoa, Nafarroako Foru Komunitatea eta Ipar Euskal Herria.
Miarritzeko Foroan, Euskal Herriko egoeraz hausnartzeaz gain, Kolonbiako gatazkaren bake eta armagabetze prozesuan eman dituzten urratsak aztertuko dituzte, eta hemengo prozesurako baliagarria izan daitekeena kontuan hartu.
Desarmatzeari dagokionez, Lapurdiko Luhuso herrian bizitakoa "mugarri" baten adierazletzat jo izan da, ETAren zein gizarte eragileen aldetik. Gizarte zibilak bake prozesuan egin dezakeen ekarpena aintzat hartu izan da, haien ustez. Antolatzaileek “sentimendu kolektibo” bat dagoela baiezta ahal izan dute beren azken ekimenetan.
“Etapa berri batean gaudela” pentsatzen dute Donostian eta Miarritzen egitear dauden foroen antolatzaileek. Azken hilabeteetan izan diren ekimen eta agerraldi publikoen sinergia biltzeko, norabidea ongi finkatzeko eta zehazteko balio behar dute martxoko topaguneek. Hitz batean, bi estatuek ezarri duten “blokeoa” gainditzeko.
Iritzi ezberdinetako aktore politiko eta sindikalak "kontsentsu batera iristeko" ariketa egin izana eta "Frantziako Estatuak Euskal Herriko gatazkaren konponbidean duen ardura" agerian ezarri izana dira Bake Bideak azpimarratzen dituen ekarpenak.
2022ko uztailean egin zuten blokeo eguna, euskal presoen egoerari "aterabidea ematea" eskatzeko. Bederatzi pertsona auzipetu zituzten.
Frantziako Ministerio Publikoak hamar egun zituen Parisko auzitegiak harturiko erabakiari helegitea jartzeko, baina ez du halakorik egin. Hortaz, ETAren armagabetzean lagundu zuten Beatrice Molle eta Jean Nöel Etcheverry Txetx bakegileek ez dute zigorrik jasoko, epaimahaiak... [+]
Hobengabetzea eskatzen zuten bakegileek, baina Parisko Zigor Auzitegiak errudun jo ditu Jean Nöel Etcheverryi Txetx eta Beatrice Molle Luhusoko armagabetzean parte hartu zuten bakegileak. Hala ere, ez dute zigorrik izango.
Apirilaren 2 eta 3an Parisen iragan zen epaiketa, dudarik gabe, judizialki memento historikoa izan zen. Lehen aldikotz euskal afera judizialetan, defentsa eta estatuaren ordezkariak aho batez mintzatu ziren.
Madrilgo Ateneoan ETAren amaierari buruzko zikloa egiten ari da azken asteetan, eta bertan astearte honetan egindako adierazpenetan, Irlandako bake prozesuan izandako jendea euskal bake prozesuan izatea oso garrantzitsua izan zela aipatu zuen José Luis Rodríguez... [+]
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
ETAren armak eta lehergaiak garraiatzea leporatzen diete Beatrice Molle-Haran eta Jean-Noël Etcheverry 'Txetx’ bakegileei, 2016ko Luhusoko operazioaren harira. ETAren armagabetzea gauzatzen ari ziren. Egindakoaz harro dagoela eta berriz ere egingo lukeela adierazi... [+]
Xabier Atristain eta Juan Manuel Inziarte euskal presoak Martuteneko espetxera itzuli ziren joan den martxoaren 13an, Auzitegi Nazionaleko Espetxe Zaintzak haien hirugarren graduei fiskaltzak jarritako helegitea onartu ondoren.
Otsailaren 2an epaituko dituzte beste hamaika bakegile, uztailaren 23an autopista blokeatzeagatik. Elkarretaratzera deitu du Bake Bideak, datorren ostegunean 13:00tan jarriz hitzordua Baionako auzitegi aitzinean.
Etxera bidea gertu lelopean manifestazio bateratua egingo dute Sarek eta Bake Bidea-Bakegileek, pandemiagatik bi urtez mobilizazio jendetsu hori egin gabe egon ostean. “Duintasuna eta bizikidetza lortzeko itxaropena” ere izango dituzte aldarri, euskal presoen... [+]
Hori adierazi dute Bake Bideaneko ordezkariek ostegun honetan Luhuson egindako agerraldian. Azkenekoz, ekainaren 9an eta 15ean aztertu zuen Frantziako justiziak Ion Parot eta Jakes Esanen askatasuna, eta epaileek haien baldintzapeko askatasunaren alde egin zuten, baina... [+]
Jakes Esnal baldintzapean aske uzteari buruzko erabakia uztailaren 21era atzeratu dela jakin aitzin izan da ARGIA Anaiz Funosas Bake Bidearen bozeramailearekin –Ion Paroten kasuan, datorren astean jakinen da erabakia–. Badu 32 urte kartzelan direla. Pairaturiko... [+]
Ostegun honetan aztertuko du Parisko Dei Auzitegiak presoaren baldintzapeko askatasun eskaera. Karia horretara, Jakes Esnalen aldeko elkarretaratzea antolatu du Bake Bidea-k Donibane Lohizunen.
Elkarretaratzea eginen dute egun berean arratsaldeko zazpietan Baionako herriko etxearen aitzinean. Jakes Esnalena berriz maiatzaren 19an aztertuko dute. 32 urte daramatzate preso.