Blogetan! lehiaketak blogari aktibo, umoretsu eta kritikoak saritu ditu aurten
Xerezade, 27 Zapata, Kontra-kantxa eta Laborategia izan dira Azkue Fundazioak eta ARGIAk elkarlanean antolaturiko lehiaketako aurtengo irabazleak. Horrez gain, Kablegintza eta Kablelariak eta Begane blogak ere ARGIAren urte osoko kidetzarekin saritu dituzte.
Blogetan! “blog izarren bila” ekimenean, ostegun arratsaldean ezagutarazi zituzten aurtengo irabazleak zein diren, lehiaketako lau kategorietan. Blogak testutik harago jardunaldietan izan zen hori. Bilboko Euskararen Etxean egindako jardunaldietan hainbat adituk teknologia berrien inguruko azken joeren inguruan hitz egin zuten, hala nola sare sozilen eta blogen arteko loturak, podcastak, audioen abantailak eta Creative Commons lizentziak eskaintzen dituen aukerak, besteak beste. Hainbat esperientzia konkretutatik zer ikasi ere aztertu zuten jardunaldian.
Kultur arloan Xerezadek eraman du saria, Jasone Larrinagak eta Ana Moralesek zuzendua, epaimahaiaren iritziz “oso aktiboak” direlako blogean zein sare sozialetan, eta eskaintzen dituzten audioek lan handia eskatzen dute, bestalde.
ARGIAko blogari Imanol Epelderen 27 zapata-rentzat izan da gizarte eta politikako saria. Bere estilo “bizia” azpimarratu dute epaileek, baita Youtubeko hizkuntza menderatzea eta horren bidez gogoeta mamitsuak egitea ere: “Oso aktiboa da, umoretsua eta originala”.
Emakumeen kirola sustatzea helburu duen Iruñe Astitzen Kontra-kantxa bloga izan da aisiako kategorian irabazle, “aldarrikapena tonu umoretsu eta alaian egiteko trebezia du”. Eta zientzia eta teknologiaren arloan Laborategia-k jaso du saria; Dabid Martinez blogaren arduradunak gai teknikoak “era humanoan” eskaintzeko erakutsitako abileziagatik, besteak beste.
ARGIAk eman ohi duen blogari berrienarentzako saria hutsik geratu da aurten, baina urtebeteko kidetzarekin saritu dituzte Kablegintza eta kablelariak eta Begane blogak. Gainerako saridunek Bernat Vidal artistaren garaikurra eta 200 euroko txekea jaso dute.
Metaren buru den Mark Zuckerberg-ek adierazpen askatasunaren izenean eta erroetara itzultzearen izenean, immigrazioa, generoa eta sexu-orientazioa bezalako gaien aurkako zentsura kentzeko neurriak hartu ditu. Trumpekin elkarlanean arituko dela adierazi du eta... [+]
HezkuntzArtea Irakasleen Elkargunea sortu du EAEko irakasle talde batek. Hezkuntza politiken “noraeza” salatu nahi dute, politika horiek etengabeko metodologia berrietan, “burokrazia ikaragarrian” eta IKTen “erabilera zentzugabean”... [+]
Indarkeria matxistari buruzko testigantzak jasotzeko Instagram kontua 2024ko azaroan jarri zuen abian emakume talde anonimo batek. Espainiako Estatuan Cristina Fallarás kazetariak abiatutako #Cuentalo egitasmoan oinarritu dira. Emakumeek, testigantza anonimoen bidez,... [+]
Adimen Artifizialarekin egindako disparateen biltegia handitzen ari da. Erabiltzaile arruntok sortutakoak txorakeriak izan daitezke neurri handi batean, baina Interneteko erraldoiak berak ari dira halakoak errepikatzen eta horrek larriagoa dirudi, eragin globala izan... [+]
Adimen Artifizialarekin egindako disparateen biltegia handitzen ari da. Erabiltzaile arruntok sortutakoak txorakeriak izan daitezke neurri handi batean, baina Interneteko erraldoiak berak ari dira halakoak errepikatzen eta horrek larriagoa dirudi, eragin globala izan... [+]
WordPress-en formularioak sortzeko Ninja Forms pluginaren euskaratzea utzita zegoela ikusita, Iametzak bere gain hartu du itzulpena eguneratzeko lana.
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
Pertsona nagusiekin edo aniztasun fisiko eta neuronalak dituzten pertsonekin lanean zaudenean, dugun gizartean gaitasunaren ideiak espezie bezala asko mugatzen gaituela ohartzen zara. Hau da, dugun sistemak gauzak modu espezifiko batean egiteagatik jartzen zaitu balioan, eta... [+]
Elon Musken presentzia hedabideetan gora doa, suziri baten moduan, Etxe Zuriko lorategian lurreratu ostean. Lortzen ari den botereaz eta influentziaz asaldatuta omen daude beste botere batzuk eta, bere eragina gutxitzeko asmoz, X sarearen kontra kargatu dute. Azken asteetan The... [+]
Sare sozialik opakoena da TikTok: ez du bere isurketei buruzko daturik argitaratzen. Gainontzeko sare sozialek baino gehiago kutsatzen du. 2030erako "karbono neutral" bilakatzeko konpromisoa hartu duela esana du.
“eXodoa” gertatzen ari da egunotan sare sozialetan. Erabiltzaile ugarik X plataforma uztea erabaki –Elon Musk enpresariaren eskutik izandako eboluzio “toxikoaz” kokoteraino– eta Mastodon edota Bluesky-ra egin dute jauzi. Proiektu horiei begira... [+]
Interneten Willow hitza bilatzerakoan oraindik txikitan ikusi nuen pelikula baten izenburua agertzen da. Fantasiaz beteriko pelikula hartan, Willow izeneko gizon txiki batek, protagonistak, mundua eraldatu zuen, erresuma zapaltzaile batetik herritarrak askatuta. Google-k Willow... [+]
Mastodon.eusen euskara da hizkuntza nagusia, baina Fedibertsoa ehunka hizkuntza hitz egiten dituen komunitate global eta bizia da. Horregatik, itzulpenak egiteko Libretranslate tresna librea erabiltzen hasi dira. Horri esker, nazioarteko eragile eta norbanakoek argitaratukoak... [+]
Beharbada gizakion ahultasunetariko bat gehiengoari entzuteko eta kasu egiteko dugun joera da. Ziur gure espeziearen garapenaren ezaugarri garrantzitsua izan dela, eta beharrezkoa biziraupenerako. Baina digitalizazioarekin, dugun ezaugarri horrek zaurgarriagoak bilakatu... [+]