Blogaria H&Mren kontra: “Kanbodiako langileek baldintza negargarrietan lan egiten dute”
Anniken Jørgensen Norvegiako moda blogariak hilabete eman du Kanbodian, bertako ehungintzako langileekin batera, reality batean parte hartuz. H&M multinazionalaren langileek jasaten dituzten lan-gehiegikeriak bere blogean salatzean arazoak izan ditu: "Programaren produktoreak deitu zidan elkarrizketetan H&M ez aipatzeko eskatuz".
"Bertako langileek goizeko zazpietatik arratsaldeko zazpietara lan egiten dute eta ez dute jai egunik. Ezin dute janari edo edaririk eraman, arropan ez isurtzeko. Bero asko egiten du eta presiopean lan egiten dute, egunero hiru dolar baino ez jasotzeko. Zaindari armatuak daude edonon, eta akats txikiren bat eginez gero kalean zaude", kontatu dio Jørgensenek Eldiario.es-i.
"H&Mk 3.000 milioi dolarreko irabaziak ditu urtean, eta bere langileek hiru dolar baino ez dituzte jasotzen egunean. Hilabeteko 160 dolar eskatzen dituzte jan ahal izateko. Oinarrizkoena da... baina ematen du beraien bizitzek ez dutela importa", salatu du blogariak.
H&Mk dio blogari norvegiarraren salaketa faltsua dela, ez dela inor beraiekin kontaktuan jarri eta ez dituztela enpresaren hornitzaileak bisitatu programaren grabaketak iraun duen bitartean. Jørgensenek azaldu du multinazionalaren fabriketan sartzen utzi ez zieten arren, bertako langile askorekin hitz egiteko aukera izan zuela: "Gauza oso gogorrak kontatu dizkigute. Grabaketetan aurpegia estaltzen zuten, beren lanak galtzeko beldur zirelako. Kanbodian greba egiten baduzu, lana galtzen duzu zuzenean".
"Itzultzean zerbait egin behar nuela erabaki nuen", adierazi du blogariak. "Programa eta gero ez dut ezer erosi. Daukadana estimatzen saiatzen naiz. Nik janzten dudan arropa eskuz eta baldintza negargarrietan fabrikatu dute", esan du.
Anniken Jørgensen H&Mrekin bilduko da hurrengo asteetan. Gainera, egunkari batek bileran jazotakoa biltzeko prest agertu dela jakinarazi du.
Eguerdian gertatu da istripua, 25. kilometroan, Nafarroako Martzilla herriaren inguruan. 2025ean hil den zazpigarren lagilea da.
LAB, ESK, STEILAS, EHNE-etxalde eta HIRU sindikatuek osatzen duten lan osasuneko intersindikalak agerraldi publikoa egin du Bilbon, 2024ko ezbeharren txostenaren harira. Azken hamar urteetan 612 langile hil dira istripuz Euskal Herrian, 64 pasa den urtean.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Araba, Bizkaia eta Gipuzkoan, 18 eta 34 urte bitarteko gazte soldatadunen hileko batez bestekoak lehenbiziko aldiz gainditu du 1.500 euroko langa. 2010arekin alderatuta, ordea, 142 euro besterik ez da igo.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
-(1).jpg)
The Guardian egunkariak Épernayn (Frantzia) txanpain-industrian aritzen diren migratzaileen egoera aztertu du. Ikerketak agerian utzi ditu luxuzko xanpaina-marken mahastietan lan egiten dutenen baldintza prekarioak eta legez kanpokoak.
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.