Blanca Urgell: “Denbora luzea daramat haserre Marotoren adierazpen eta jokaeragatik”
Gasteizko Udalean Marotori alkatetza kentzeko eskaera egin berri dute kultura, gizarte eta politika alorreko hainbat pertsonaia ezagunek. Mugimenduaren bultzatzaile diren Blanca Urgell eta Joseba Azkarraga sailburu ohiak Info7 irratian izan dira. Biak ados agertu dira Marotok azken lau urteetan erabili duen diskurtso eta praktika xenofobo eta arrazistak ezin duela beste lau urtez jarraipena izan.
Posizio ideologiko ezberdinetako jendea izanik ere –Urgell Patxi Lopezen Jaurlaritzan izan zen Kultura sailburu eta Azkarraga Ibarretxerekin Justizia sailburu– Azkarragak adierazi du “oso erraza” izan dela gai honetan ados jartzea. Nabarmendu du Gasteiz beti izan dela “hiri oso irekia, kanpotik datorrenarekiko elkartasun handikoa”, eta horren alde abiatu dutela kanpaina.
Bestalde, Blanca Urgellek azpimarratu du ekimenaren helburua ez dela inolaz ere “formazio politiko bat deskalifikatzea”. Bere hitzetan, “gizarte solidario” bat eraikitzeko ezinezkoa da Marotok darabilen diskurtsoa erabiltzea: “Alkate batek, beste funtzio askoren artean, funtzio pedagogikoa ere badu, eta erreferente izan behar du bere gizartearentzat”.
Bi kontseilari ohiek aipatu dutenez, Espainiko Estatuko beste hainbat tokitan ere eman da oposizioak alkatetza kentzea Gasteizko antzeko kasuengatik. Ez da, beraz, arrarotzat hartu beharrekoa, normaltasun osoarekin eraman behar da. Azkarraga argi mintzatu da honetaz: “Marotok 9 zinegotzi atera ditu, oposizioak 18. Oposizioari babesa eman dien hiritarren %70 hori ez dago ados Marotoren politikarekin”.
Oposizioari bi eskaera garbi egin dizkiete: Lehenengoa, elkarrekin harremanetan jar daitezela akordio batetara iristen saiatzeko. Bigarrena, laguntza sozialen programa birbegiratu dezatela, programa solidario bat lortzeko.
Biak ere itxaropentsu azaldu dira elkarrizketan, eta Udalean aldaketa egotekotan, pertsona aldatzeaz haratago, “oinarrizko” aldaketa egotea espero dute.
Javier Maroto Gasteizko alkate izan zen 2011-2015 legegintzaldian. Hasierako urteetan, José Ángel Cuerdaren irudiko "guztion alkate" izan nahi zuela ematen zuen. Alderdiaren kontra eginez Garoñaren eta frackingaren aurka, gaztetxearekiko eta... [+]
PSEk "hiriari horrenbeste kalte egin zioten iraganeko diskurtsoak" berreskuratzea egotzi die popularrei, eta EH Bilduk "eskuin muturreko jarreretara" hurbiltzen ari direla dio.
Telefonoak jo zion. Madrildik zen, etortzeko, probintziako liga utzi eta Bernabeura saltatzeko unea zela. “Azkenik”, atera zitzaion deia moztu bezain laster eta tenkatu zuen aurpegia imintzio batean, nahastu zitekeena irribarre batekin.
"Gerrarte" sasoian, Frantziako Estatuko hauteskundeen lehenengo eta bigarren itzuliaren artean alegia, fenomeno interesgarri baten lekuko izan ginen, garbi islatzen duena Europan eskuin muturrak bizi duen egoera eta horren aurrean gainerako indar politikoek duten... [+]
Egoera ahulenean daudenenganako elkartasun eza, denon dirutik "aprobetxatzen" omen diren horiekiko tolerantzia falta, jarrera politiko konkretuek elikatzen dute eta hauteskundeak dira neurgailu. Jar dezagun fokua Araban.
Diru-sarrerak bermatzeko errenta (DBE) eskuratzeko baldintzak zailtzea xede duen herri-ekimen legegileak Eusko Legebiltzarraren ezezkoa jaso du, kontrako 65 boto eta aldeko 10ekin.
Gora Gasteiz plataformak abiatutako Marotoren aurkako kanpainak fruituak eman ditu Udalaren osatzean. Bere diskurtso “arrazista” eta “xenofoboa” alkatetzatik kanpo uztea lortuta, balorazio oso positiboa egin du Gora Gasteizek.
EAJk erabaki du Gorka Urtaran alkatetzarako hautagai gisa aurkeztea eta EH Bilduk babesa bermatu dionez, jeltzalea izango da Arabako hiriburuko alkate.
Javier Maroto Gasteizko alkatea gizon batekin ezkonduko dela irakurri eta horra inuzenteki burura etorritako lehen pentsamendua:
Blanca Urgell (Patxi Lopezen Jaurlaritzan Kultura sailburu izandakoa), Jose Angel Cuerda Gasteizko alkate ohia (EAJ) eta Joseba Azkarraga EAEko Justizia sailburu ohia (EA) daude, besteak beste, ekimenaren atzean.
Botereari eusteko edozerk ez duela balio eta Javier Marotok marra gorria aspaldi gurutzatu zuela uste du gasteiztar askok. Hiritarrek ez dutela halako alkaterik merezi iritzita, sinadura bilketa abiatu dute, gainerako alderdiei eskatuz bat egin dezatela Maroto alkate izatea... [+]
Harro egoteko moduko Gasteiz bat dugu, hauteskundeen emaitzak ez gaitzala itsutu. Lortu dugu milaka herritarren aktibazioa arrazakeriaren kontra eta hiri koloretsu baten alde eta jakin dugu geure arteko desadostasunak eta ezberdintasunak alde batera uzten.
“Gorrotoa sustatzen” duten diskurtsoen aurrean “kolore ugaritako Gasteiz” defendatu dute Gazte Abertzaleek, EGIk eta PSEko gazteek berriki plazaratutako manifestu baten bidez: “Kultura-aniztasuna aberastasunaren oinarri izanen da, diskriminazio eta... [+]
“Gizarte laguntzetako iruzurra bezain nazkagarria da iruzur fiskala”, adierazi du Gasteizko alkateak. Kurioski, Marotok ez du neurririk, salaketa sutsurik eta sinadura bilketarik abiatu iruzur fiskalari aurre egiteko, bai ordea gizarte laguntzak murriztu eta... [+]