Black Lives Matter mugimenduko manifestarien aurkako kotxe-erasoak hedatzen ari dira
Azken asteetan nabarmen areagotu da AEBetako konfrontazio soziala. Dozenaka izan dira Black Lives Matter mugimenduko ekintzaileen aurka autoekin jo duten gidariak. Bitartean, manifestariak harrapatzeari buruzko txantxak hedatzen ari dira sare sozialetan.
Joan den larunbatean auto batek Black Lives Matter mugimenduaren manifestazio baten aurka egin zuen Seattle hiriburuan (AEB). Summer Taylor izeneko manifestari bat zendu zen erasoaren ondorioz, eta berekin zihoan Diaz Love larriki zauritu zen. Geroztik, ugariak izan dira Taylorren omenez egindako adierazpenak, El Salto hedabideak jakinarazi duenez.
Dozenaka manifestari biltzen zebiltzan errepidera sartu zen gidaria, eta protestetaren aurka jo zuen. Erasotzailea kasu horretan ez zen supremazista zuria izan ordea, Eritreako gizon etorkin bat baizik. Ezohiko profil horrek kritikak piztu ditu mugimendua errefusatzen dutenen artean. Mobilizazio zikloaren aurka daudenak eta errepide-blokeoak kritikatzen dituztenak Taylorren heriotza baliatzen ari dira mugimenduari eraso egiteko.
Manifestazioen eta errepideko blokeoen aurkako iritzi-uholdea dela eta, erasotzaileen artean arrazistak eta jende-multzoen aurrean bortizki erreakzionatzen duten pertsonak bereizi dituzte. Horrez gain, badira manifestarien aurka autoekin oldartzen diren poliziak ere. Eraso andanarekin batera, indarkeria modalitate horren gorazarrea egiten da sare sozialetan, Black Lives Matter-eko aktibistak harrapatzeari buruzko meme eta txantxekin.
Sestra bikoitza
Bestalde, gidari guztiak ez dituzte berehala atxilotzen, Taylor hil zuenaren kasuan gertatu den bezala. Duela hilabete, adibidez, beste manifestari bat hil zuten Barkersfielden (Kalifornia). Biktimak Robert Forbes zuen izena, 55 urteko afroamerikarra zen. Poliziak “istripuaren” hipotesiaren berri eman zuen. Gidaria, Timothy Keith Moore, tatuaje neonaziak eta aurrekari penalak dituen gizon zuria zen. Harrapaketaren ondoren, bertaratutakoek adierazi dutenez, poliziak “babestu” egin zuen gidaria, eta ez zizkioten eskuburdinik jarri, ezta atxiki ere. Taylorren harrapaketaren egilearekin gertatu ez bezala, poliziak ez zuen Mooren nortasuna jakinarazi, egileak berak eman baitzuen gertakarien berri, facebook bidez. Gaur gaurkoz, kaleetan aske jarraitzen du erasotzaileak.
Aurrekariak
Ekainaren hasieran, kamioi gidari batek manifestari talde bat erasotu zuen Virginian. 2017ko abuztuan Charlottesvilleko supremazista zurien mobilizazioetan jazotako kasuaren erreferentziak gordetzen ditu. Izan ere, Unite the right izeneko hitzorduan, neonazi eta supremazista zurien mobilizazioetan, James Alex Fields izeneko gazteak kontramanifestazio baten aurka egin zuen, dozenaka pertsona zaurituz eta Heather Heyer antifaxista hilaz. Autoa manifestarien aurka bizkortzea ohiko praktika terrorista izan da Europako ultraeskuindarren artean. 2018an, gazte batek emakume bat eta neskato bat harrapatu zituen Leicesterren, Londresko metroaren atentatua “mendekatu” asmoz. Eraso mota horrek “istripua” argudiatzeko aukera gehiago ematen dizkie terrorista faxistei auzitegietan. Heather Heyer hil zutenean, zenbait hedabidek jakinarazi zuten Unite the Right martxa baino lehen elkarretaratze antifaxistetan parte hartzen zutenak autoz harrapatzearen inguruko txantxak egiten zirela antolatzaileen barne-txatetan. "Run them over" (Euren gainetik pasa) leloak urteak daramatza ultraeskuinaren sare sozialetako zirkuluetan memeak biltzen.
Kanpaina
Errepideetan “blokeoak etetea” da euren helburua. Oraingoan, ordea, kanpaina burutsuagoa ari dira gauzatzen: hashtag batekin mobilizazioetako istiluak salatzen dituzte, eta gidariek “zirkulatzeko duten eskubidea” argudiatzen dute bertan. Ondorioz, horiek autoarekin harrapatzea “autodefentsa” dela argudiatzen dute.
Kataluniako azken hauteskundeetako eta Europako hauteskundeetako emaitzetatik abiatuta, presio turistiko handiena bizi duten Herrialde Katalanetako herrietan eskuin muturraren botoak nola egin duen gora aztertuko dugu.
Protestak uztailaren 29an Southport-en izandako erailketen ondorioz piztu ziren, hilketa leporatu dioten gazteaz informazio faltsua zabaldu ondoren. Erresuma Batuko lehen ministro Keir Starmer-ek “krimen antolatua” izan dela salatu du, eta atxilotutakoek... [+]
Espainiako Poliziaren sindikatu nagusiarekin egindako akordio baten arabera, eskuin muturreko taldeak "defentsa pertsonaleko formakuntza" eskainiko die 30.000 agenteri.
Hirugarren kokatu bada ere, pozik izatekoa badu eskuin muturreko RNk: inoiz baino azkarrago da Frantziako Legebiltzarrean –2017an zortzi diputatu zituen, 2022an 88 eta orain 143–. Bere hauteslegoa azkarki emendatuz doan heinean, anitzez zabalagoa du oinarria:... [+]
Kapitalismoak sortutako krisi ekosoziala ondoez globala ari da eragiten planeta osoan. Baliabide material eta energetikoen "gailurrek", hazkunderako eta metaketarako mugak ezarriz, natura eta gizartearen arteko desorekak ekartzen dituzte. Estraktibismoaren gurpil... [+]
Ikasle batek erran zidan, behin, testu bat aztertzen ari ginela: “Pertsonaia eri da: geldi-geldia pentsaketa ari da bere buruan”. Bistan dena, erranaldi horrekin, gaizki adierazi zuen gogoan zuen iruzkina, erran nahi baitzuen pertsonaiaren ezontsa nabari zela haren... [+]
Libération egunkariak eramandako ikerketaren emaitza da: gutienez abendutik elkartu dira eskuin muturreko RNeko Jordan Bardella eta Marine Le Pen Emmanuel Macron presidentearen hurbilekoekin. Macronen kontseilari hurbila den Thierry Soleren etxean egin dituzte ezkutuko... [+]
Lehen itzuliaren bezperan baino zailagoa du eskuin muturreko RNk gehiengo osoaren lorpena. Hain zuzen, azkenean, eskuin muturrari bidea mozteko asmoz, bigarren itzulitik erretiratu direlako hirugarren kokaturiko ezkerreko FHB Fronte Herritar Berriaren eta Macronen aldeko... [+]
Eskuin muturreko RN alderdia da Frantziako Legebiltzarrerako hauteskundeen lehen itzuliko garaile handia. RN alderdiak %33,15 jaso du, ezkerreko Fronte Herritar Berriak %27,99 eta Macronen Ensemble alderdiak %20,04.
Lehen itzuliko emaitzen kontaketa ia bukaturik dela, eskuin muturreko RN alderdiak %33,15 egin du, ezkerreko Fronte Popular Berriak %27,99 eta Macronen Ensemble alderdiak %20,04. Parte-hartzea %66,7ekoa izan da, azken 25 urteetako handiena.
Ekainaren 30 honetan iraganen da Frantziako Legebiltzarrerako hauteskundeen lehen itzulia. Botoen %12,5 lortuko duenak jasoko du uztailaren 7an iraganen den bigarren itzulirako txartela. Ekainaren 9ko Europarako hauteskundeetan RN eskuin muturra bihurtu zen lehen aldikoz Ipar... [+]