Burgosko kartzelan hildako bizkaitarra: kasua isilarazteko “politika sistematikoa” kritikatu du Salhaketak
25 urteko bizkaitar bat urkatuta topatu zuten Burgosko presondegian urtarrilaren 12an eta Espetxe Zuzendaritzak ez zuen jakitera eman. Familiak duela bi egun auzia argitara atera ondoren Salhaketa elkarteak adierazi du espetxean gertatutako heriotzak ezkutatzeko "politika sistematikoa" dagoela.
Presoen eskubideen aldeko taldeak zera ere galdetu du: “Berdina gertatuko litzateke biktimak beste batzuk izango balira?”.
Info7 irratiak Salhaketako kide Gixane Morades elkarrizketatu du, egoeraren analisia egiteko.
“Familiak berak ez badu zerbait egiten zabaltzeko inork ez du ezer jakingo, eta ez da erantzunkizunik eskatuko”. Horregatik, horrelako kasuen aurrean “neurriak hartzeko” galdegin die Moradesek egitura politikoei.
Garai batean Espetxe Zuzendaritzak egiten zituen kasuak publiko, baina urteak pasa ahala informazioa urritu dute: “Lehen egiten zuten, behintzat ohartxo bat, askorik ere ez zen, baina bazen zerbait. Orain, hori ere ez”.
Ondorioz, argi dauka zein den arazoa ikusezin ez bihurtzeko gakoa: “Presioa”. Presio mediatiko eta soziala presondegietako organoek hildakoen datuak plazaratzeko
Zer egin daiteke heriotzak ezkutuan ez geratzeko?
Salhaketak egoerari buelta emateko hainbat baldintza proposatu ditu bere webgunean. Info7n garrantzitsuenak azpimarratu ditu taldeko bozemaileak.
Lehenik eta behin, Estatuko Fiskaltzak heriotza horiek ofizioaz iker ditzala exijitzen dute, baita erantzukizun politikoa eta administratiboa egotea ere.
Bigarrenik, zentroak “masifikatuta” daudela deritzote. Horregatik, eraikin bakoitzeko preso kopurua murriztu beharko luketeela iruditzen zaie.
Hirugarrenik, presoek zigorra “etxetik ahalik eta gertuen” pasatzea dute xede.
Laugarrenik, instituzioek isolamenduarekin amaitzea nahi dute, isolamendua bera “tortuta psikologikoa” baita. Gainera, bestelako torturak ahalbidetzen dituelakoan daude.
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]
34 edo 35 urteko gizonezkoa, gasteiztarra eta alaba baten aita, ostegunetik ostiraleko gauean hil zen, Salhaketak jakinarazi duenez. Elkarteak gogoratu du Jaurlaritzak espetxe eskumena hartu zuenetik hiltzen den bederatzigarren presoa dela, eta egiturazko aldaketak eskatu ditu... [+]
Torturaren kontrako eguna baliatuz, Aske antolakundeak prentsaurrekoa egin du Bilboko Justizia Jauregian. Gaur egun ere tortura gauzatzeko baldintzek bere horretan jarraitzen dutela salatu dute.
Alarma jo du, beste urte batez, OIP Presondegien Nazioarteko Behatokiak. Abenduaren lehenean marka berri bat hautsi zen frantses estatuan, 80.792 pertsona atxiloturekin. Espetxe-administrazioaren aitzinikuspenen arabera, gainera, 86.000 baino gehiago izan litezke 2027an egungo... [+]
Hainbat euskal presok salatu duenez, Zaballako espetxezainek "ezkutuko greba" hasi dute, haien erdiak gaixotasun baja hartuta. "Ezkutuko greba honen bitartez, 'zerbitzuaren gabeziak' salatzea dute helburu, baina benetako greba bati ekin ez, eta preso... [+]
Nafarroako Salhaketak jakinarazi duenez, laguntza hori ezinbestekoa zen preso egondako pertsonek "gutxieneko oinarri ekonomiko bat" eduki zezaten, "askatasunean bizitzen hastera igarotzean". 480 eurokoa baino ez zen subsidioa.
Presoa ziegan aurkitu dute hilik ostegun iluntzean. Eusko Jaurlaritzak esan du suizidio kasu baten aztarnak dituela. Gainera, Jaurlaritzak 2021ean espetxeen eskumena jaso zuenetik hiltzen den zazpigarren presoa da.
Ostiralean aurkitu zuten hilotz, “gaindosi” zantzuekin, Naiz-ek argitaratu duenez. Jaurlaritzak ez du heriotza baieztatu asteartera arte, eta autopsiaren emaitzen zain dagoela adierazi du. EAEko espetxeen eskumena hartu zuenetik espetxean hiltzen den seigarren presoa... [+]
Espetxeetako osasun zerbitzuaren gabeziez mintzatu da Libertad Francés Lecumberri, Salhaketa Nafarroa elkarteko koordinatzailea: “Osasun arloko langileak espetxeko logikekin eta irizpideekin kutsatzen direnean, zenbait eskubideren bermatzaile izan beharrean,... [+]
Kartzeletako funtzionarioen protestak aitzakiatzat hartuta, milaka preso erabat giltzapetuta eduki dituzte Kataluniako sei espetxetan.
Iragan astean Oroitz Herrero 26 urteko irundarra hilik aurkitu zuten Arabako Zaballa espetxeko bere ziegan. Eusko Jaurlaritzaren arabera “heriotza naturala” izan zen. Gaztearen senideek ARGIAri adierazi diote, ordea, Herrerori ez diotela arreta mediku egokirik eman... [+]
Eusko Jaurlaritzak espetxeen transferentzia bere gain hartu zuenetik, duela bi urte eskas, laugarren heriotza izan da euskal kartzeletan, hirugarrena Zaballako espetxean.
Salatu du larunbatean bere burua urkatu zuen presoari ez zitzaiola suizidioen aurkako protokoloa ezarri eta ziegan bakarrik zegoela, aurreko egunetan “ondo ez zegoela” adierazi bazuen ere. Azpimarratu du Jaurlaritzak espetxeen eskumena hartu zuenetik bere buruaz... [+]
Salhaketa Arabak eman du heriotzaren berri. Elkartearen arabera, 47 urteko jatorri hegoamerikarreko gizonezkoa da hildakoa, eta bere burua urkatu du. Jaurlaritzak espetxeen eskumena hartu zuenetik Arabako espetxean hiltzen den bigarren presoa da.