Bizkaiko zahar egoitzetako langileek 340 euroko soldata igoera lortu dute
Ia bi urtez 68 greba egun egin dituzte Bizkaiko zahar egoitzetako gerokultoreek. ELA eta UGT sindikatuek hitzarmena sinatu dute. 2025ean 1.800 euroko soldata jaso ahal izango dute langileek. Gerokultoreena sektore feminizatu eta prekarizatua da. Bizkaiko langileek 2016 eta 2018 artean, Euskal Herriko grebarik ospetsuenetakoa egin zuten.
Bizkaian, zahar etxeetan, 5.000 langile ari dira lanean, gehienak emakumeak. Ia bi urtez 68 greba egun egin ondoren, 2021-2025 urte arteko hitzarmena sinatu dute. ELAk eta UGTk sinatu dute hitzarmena. Lehenak %63ko ordezkaritza du eta UGTk du bigarren ordezkaritzarik handiena. Guztira %23,22ko soldata igoera lortu dute, eta guztizko hori 2025etik aurrera poltsikoratuko dute. Hilean, orain baino 340 euro gehiago dira. Beraz, 2025etik aurrera Bizkaiko gerokultoreek 1.800 euroko soldata izango dute, gaur eguneko 1.460ren aldean.
Urteko 1.592 orduko lanaldia finkatu dute. Eguneko 20 minutuko atsedenaldiak kontuan hartuz gero, ordu kopurua 1.520koa da. Espainiako Estatuko batez bestekoa 1.772 ordukoa da. Bizkaiko langileek orduko 15,83 euro jasoko dute eta Espainiako Estatuko batez bestekoa 9,16 euro da.
Hitzarmenaren arabera, sektoreko langileen %85 finkoak izango dira eta ordezkapenak lehenengo egunetik egingo dira.
Igandetako plusak igoko dira, eta antzinatasunagatiko igoerak ere egingo dira. Berdintasun eta euskara planak bultzatzeko konpromisoa hartuko dute zahar egoitzak kudeatzen dituzten enpresek.
LABen ustez, hitzarmenak ez ditu sektorearen behar orokorrak jaso
Sindikatuak greba egin duten langileak zoriondu ditu erakutsitako “tinkotasun eta indarragatik”. Alabaina, bere iritziz, ELAk eta UGTk sinatutako hitzarmenak ez ditu jasotzen LABen aldarrikapen nagusiak eta zahar egoitzetako errealitateak berdin jarraituko du. Besteak beste, ondoko gaietan ez da aurrerapausorik eman: gerokultore bakoitzeko batez besteko 25 egoiliar artatzen jarraituko dute beharginek; ez dira jaso senideen elkarteen eta pentsiodunen mugimenduaren aldarrikapenak, egoiliarrei zaintza duina bermatzeko; ez da lan-osasuneko neurririk jaso; ez da ezer jaso Aldi Baterako Ezintasun osagarriei buruz; eta aurre-erretiroei buruz ez da hitz egin.
Sindikatuaren aburuz, akordioak zaintza-sistema publikoaren eztabaidari ateak ixten dizkio.
Grebatan zaildutako emakume langileak
Bizkaiko zahar etxeetako gerokultoreek badakite zer den greba egitea. 2016tik 2020ra bitarteko hitzarmena lortzeko 378 eguneko greba egin zuten, urte eta erdian luzatu zena. Greba luzearen ondoren, hitzarmena sinatu (ELA eta UGTk) eta lan baldintzak hobetzea lortu zuten. Emaitzarekin gustura ziren langileak, baina greba hark bestelako oihartzuna izan zuen. Azken hamarkadetan, Euskal Herrian egindako grebarik ospetsuenetarikoa izan zen. Sektore feminizatuen prekarietatea mahai gainean jarri zuen grebak. Gaur egun pil-pilean dagoen zaintzaren gaia erdigunean jarri zuten eta erakunde publikoek nola zaintza pribatizatzen utzi duten kritikatu zuten.
ARGIAk eta Manu Robles Arangiz Institutuak, elkarlanean, greba hari buruzko liburua argitaratu zuten 2019an (Berdea da more berria).
Bizkaiko erresidentzietako ELAko langileek salatu dute patronalak eta Bizkaiko Foru Aldundiak "bere horretan" jarraitzen dutela. "Zaintzarekin negozioa" egiten ari direla salatu du sindikatuak.
Otsailaren 1ean zortzi eguneko greba abiatu zuten Bizkaiko erresidentzietako eta eguneko zentroetako langileek. Lan baldintzen hobetzea eta zentroetan eskaintzen den arreta ereduaren errotiko aldaketa exijitzen ari dira. Asteazkena dute azken greba eguna, baina ez dute... [+]
LAB eta ELAk greba deialdia egin dute abenduaren 14rako eta Bizkaiko zahar egoitzetako 5.000 langile deitu dituzte. Ez dute hitzarmenik adostu urtebete luzeko negoziazio mahaietan.
Sektoreko lan hitzarmena berritzeko garaia da. ELA sindikatuak dio patronalak hitzarmenean murrizketak aurreikusi dituela eta kaleratzeak izango direla mehatxu egin duela. Bizkaiko zahar egoitzetako langileek badakite zer den hitzarmen duin baten alde borroka egitea. Azkenekoan,... [+]
“Berdea da more berria. Bizkaiko egoitzetako grebalarien testigantzak” liburua Euskal Herriko hainbat herritan aurkeztu dugu 2019ko otsailean Bilbon aurkeztu genuenetik. Martxoaren 14an Altzon aurkeztuko dute liburua Onintza Irureta Azkune egileak eta Aitziber... [+]
Eusko Jaurlaritzak aurkeztu zuen dekretu berriak egoitzetan lanean ari diren pertsonentzat egoera okertu duela salatu du Txomin Lasa ELAko arduradunak. Sindikatuek patronalekin hitzartutako planak instituzioek zaildu dituztela dio.
Bizitza da lehena; jar dezagun bizitza erdigunean... Denon ahotan dabiltzan leloak dira hauek, baina bizitzari lehentasuna eman nahi badiogu, ezinbestean zaintza duina bermatu beharra dago, ez baitago bizitzarik zaintzarik gabe. Egin ditzagun ikusgai bizitza posible egiten duten... [+]
Apirilaren 29an, arratsaldeko 18:30ean, Donostiako Kaxilda liburu-dendan, hiru grebari buruzko azalpenak emango dituzte orain greba betean dauden bi emakume langilek eta “Berdea da more berria. Bizkaiko egoitzetako grebalarien testigantzak” liburuaren egile Onintza... [+]
Etxe honetako kazetari Onintza Irureta Azkunek (Zestoa, 1974) Berdea da more berria liburua kaleratu berri du. ELA sindikatuaren Manu Robles-Arangiz Institutuak eta ARGIAk elkarlanean argitaratutako lanak 2016ko martxoan hasi eta 378 egunez luzatutako Bizkaiko zaharren... [+]